Kabebetean Karaoan te Mwakuri ni Mitinare

Inanon onoua te namwakaina n nako, te Ekaretia e a tia ni karaoi mwaneka tabeua ni kabebetea karaoan te mwakuri ni mitinare.

Titiraki aika a bwainaki. Te Moan Beretitentii e karini bwariko n titiraki aika a bwainaki ibukiia bitiobi ao beretitenti n titeiki bwa a na kabonganai ngkai a intawiuniia mitinare aika a tauraoi ibukin te mwakuri ni mitinare ae bwanin taina. A kaungaia mataniwi, kaaro, ao kairake bwa a na taneiai ma titiraki aikai.

Kainibaire ake a kaoti a boboto iaon titiraki tai bitii ke ni karakai bwaai aika a kainnanoaki ibukin aia mwakuri mitinare aika bwanin aia tai, ma manga rinanoaia n tainako bwa e na kona te mitinare are e a tauraoi ao ana karo n reiakin tuua ao n atai itera ake a na katamaroaki ke ni katauraoi raoi riki n aron are a kantaningaaki.

Kabonganaan te rabakau ae boou. Mwaitiia mition ake a kabonganai bwaai ni mwakuri aika a kona ni uouotaki e a rikirake man 87 nakon 162, ao taebureti a oneaki mwiia n smartphones. Te tareboon e na buokiia mitinare n aia kamatebwai, aia kakae, ao aia reirei.

A kabonganaaki rabakau aika a boou ni katauraoi kaeka n te aonraain nakoia aomata ake a kakaai kaekan titiraki nakon titiraki n te aro. Te Ekaretia e waakina kabonganaan tienta n reirei n te aonraain onoua te ririki n nako ao n te bong aei 20 tienta n angareirei n te aonraain aika a mwakuri ni katobibia te aonaaba.

Kakaitau nakon rabakau aika a boou, membwa ake a karokoia raraoia nakoia mitinare ake a kona ngkai n reitaki ma mitinare ake a reireiniia raraoia. A kona ni maroroakin bwaai aika a kainnanoi ma mitinare ao n irii reirei ni kabonganaan te intanete. Kakaea arona n lds.org/referrals.

Karekean kainnano aika ngkai. Ni moanaki man Turai 2018, te Ekaretia e na bitii tian 19 mition, ao 5 mition aika a boou ake a na manga kateaki. Aio are e na manga bita mwaitin te mition man 421 nakon 407. Te mition ae boou e na mena i Brazil Rio de Janeiro Maiaki, Cote d’Ivoire Yamoussoukro, Nigeria Ibadan, Philippines Cabanatuan, ao Zimbabwe Bulawayo. Kabwarabwaraan karakaan tian taian mition e na roko n taai aika a na roko mairoun te beretitenti n te mition nakoia aia karo mitinare n taabo ake a na rootaki iai mition.

Ngkai e bitaki te ririki ibukin te mwakuri ni mitinare are e katanoataaki n 2012, te Ekaretia e karekei 76 mition aika a boou ni karekea rakan te rikirake man 58,000 nakon 88,000 ni mwaitiia mitinare. Te moan waaki ni mitinare e a tia n rang n raroanako, nakon are e kantaningaaki, ao n te tai aei e a nakon 68,000 mitinare aika a beku. Aio nanona bwa, n te tai aei, a karako riki mitinare aika a kainnanoaki. Ma e kananonaaki naba bwa te onomwi ae riai irouia mitinare n tabo ake a kainnanoaki ni katobibia te aonaaba e na riai n taraaki.

Tienta ni kataneiai ibukiia Mitinare. Te Tienta ni Kataneiai i Provo Utah, USA, ao te MTC n te Philippines a tia ni uaia ni kabuburaaki ao ni manga katabuaki, ao te tienta ni kataneiai ibukiia mitinare aika a boou i Ghana e a tia ni katabuaki. Te tienta ni kataneiai i Spain ao Chile a na kainaki n Tianuare 2019, ao mitinare ake a tia n roko n taabo aikai a na kataneiaaki n teuana te tienta are e tiku ake 13 mwaitiia ni kabuta te aonaaba.