Unimwaane Matthew L. Carpenter
Mataniwi ni Kabuta n Itingaun
Elder Matthew L. Carpenter e uringa te moan tai ngke e kinaa te namakin ibukin te Tamnei ae Rairoi. Bon te ataeinimwaane ngaia, tao itiua ana ririki, e tekateka n te Moanrinan. E kaoti te oota nako nanon te ruu, ao e namakina te abue are e tuai ni kinaa mai imwaaina.
“I namakinna bwa e rootaki nanou—ao tiaki ibukina bwa I namakina te abuee,” e taku. “I ataia te Atua bwa e koaua; I namakinna.”
Ngke 11 ana ririki ni maiu, e ira te tetere n te maungatabu ni kabuta n te Salt Lake Tabaenako ma tamana. Ai bon tibwa ana moan tai ngke e mena n te ruu are e mena naba iai te burabeti, Beretitenti Joseph Fielding Smith.
“Ngke I nooria,” e taku, “e kaota koauana nakoiu te Tamnei bwa boni ngaia te burabeti.”
Kamatoa aikai n te tamnei ngke te atainimwaane e buokia n taraa te Tamnei bwa te tia kairia ae anainano ni kabutaa maiuna.
“Au kakoaua tiaki tii teuana ae riki bwa te taneiai n aron te anera,” e taku te Mataniwi ni Kabuta n Itingaun, are e kamatoaki i Maati 31, 2018, “ma e rikirake ao ew boou n te tai ae okioki.”
E bungiaki Matthew Leslie Carpenteri Salt Lake City, Utah, USA, n Okitobwa 21, 1959, irouia Leone Erekson ao Robert Allred Carpenter. Bon te bina ngaia ibuakoia waniman natiia te taanga aei, ao e rikirake n te mweenga ma niiman mwaanena aika ikawai.
N ana kabanea n namwakaina n te kaurinan n reirei, e kaitibo ma Michelle “Shelly” Brown. A moana ni mamaroro ma a kamotirawa moa aia kareke tangira ngke e nako ni mitinare n te Swiss Geneva Mition man 1979 nakon 1981. Imwiin okina, a mare te taanga aei n te Tembora i Salt Lake n Turai 9, 1982. Boni kaaro aika niman natiia.
E reke ana baetira tikuri Unimwaane Carpenter n taekan te mwane mai Brigham Young University ao te mwaatita tikuri n tararuan te bitineti man te Reirei ni Bitineti i Harvard. N taai aika tibwa nako bon te manatia n tarekita ibukin te Foundation Specialty Financing Fund.
E beku bwa te bitiobi Unimwaane Carpenter, te kauntira n te bitiobiriki, te beretitenti ibukiia kairake n ataeinmwaane n te titeiki, te kauntira ae rietaata, te beretitenti n te titeiki, ao te Itingaun n Aono.