Unimwaane Takashi Wada
Mataniwi ni Kabuta n te Itingaun n Aono
N tain te kamaitoro tebongina n Nobemba, te titiraki mai iroun te mitinare mai Amerika are e bubutii kaotakin te kawai nakon aobintin te tabo ni karinreta e bon karekea te kubanako iroun Takashi Wada.
Te tei ae 15 ana ririki e a kaman tuangaki iroun tamana bwa e na kararoaia kain te Moomon, ake a kakaitibo ma aomata inanon te kawai i Nagano, Tiaban, tao tenua te miniti raroana man mwengaia. Ma Takashi e rang n ringaki nanona irouia mitinare mai Amerika ake a taetae n Tiaban.
Tabeua te bong imwina, temanna te mitinare e a katea Takashi. E tuai rangi ni man i Tiaban. E tuai n reireina ni mwakuri korakora. N ana taetae n Tiaban e aki nakoraoi, e a kataia n tibwa rongorongon Iotebwa Timiti.
E aki matata Takashi ni bwai ni kabane, “ma I namakinna bwa n a riai n ongoraa,” e uringa.
A reiakinna mitinare kawain te tataro ao te reirei. E irii ana bootaki te Ekaretia ao e rotaki n aia koaua membwa ikekei. Namakinan te totoko man aia kantaninga ana utu aika kain te Buddhist, e aki toki n tuangia mitinare Takashi, “I aki konna ni kaaina te Ekaretia, ma I tangiria n reiakinna riki.”
Uoua te ririki imwinna, imwain nakon Takashi n reirei i Amerika ngke 17 ana ririki, a kariaia ana karo, bwa e na kaaina te Ekaretia.
Unimwane Wada, are e bungiaki n Beberuare 5, 1965, irouia Kenzo ao Kazuko Wada, e a karekea ana beba n te bachelor of arts n reiakinan te taetae n 1990 ao ana master degree n te business administration n 1996, man te Brigham Young University.
E karaoa ana makuri ni mitinare n te Utah Salt Lake City North Mission ao e mareaki ma Naomi Ueno n Tuun 18, 1994, n te Tembora i Tokyo Taban. Tangnga aikai iai uoman natia mwane.
Ana mwakuri Unimwane Wada e irekereke ma nakoana aika mwaiti ma te multinational corporations n te United States ao Tiaban, ni ikotaki ma nakoana n tarekita ibukin te temporal affairs ibukin te Ekaretia i Amerika Meang Mainiku, Amerika Meang Meangmainiku, ao te Aono n Atia Meang.
Unimwane Wada bon te bitiobi rimoa, kaain te kauntira ae rietaata, ao te tia reirei n te tieminari. E beku bwa te Beretitenti ngaia i Japan Tokyo Maiaki Mission man 2013 nakon 2016. E kamatoaki bwa te Mataniwii ni Kabuta n te Itingaun n Maati 31, 2018.