Mga Istorya kabahin ni Jesus
Si Jesus natawo didto sa Betlehem
Gikan sa Lucas 1:26–38; 2:1–20
Usa ka anghel miduol kang Maria ug misulti kaniya nga ang Dios nalipay kaniya. Siya ang mahimong inahan ni Jesus!
Si Maria ug si Jose mibiyahe ngadto sa Betlehem. Hapit na ang oras nga matawo si Jesus. Daghan kaayong mga tawo ang mibisita sa Betlehem nga si Maria ug Jose wala makakita og kwarto nga kapuy-an. Ang tigbantay sa balay abutanan mipapuyo nila sa pasungan.
Sa wala madugay natawo si Jesus. Usa ka hayag nga bag-ong bitoon nagpakita aron sa pagsulti sa tanan nga ang Kahayag sa Kalibutan miabut na sa yuta.
Usa ka anghel ang misulti sa mga magbalantay sa karnero nga natawo na si Jesus. Nagdali sila aron makakita sa batang si Jesus nga naghigda sa pasungan.
Mianhi si Jesus sa yuta tungod kay Siya nahigugma kanako. Sundon nako ang Iyang kahayag niining Pasko ug sa tibuok tuig!