Այցելող Ուսուցիչների Ուղերձ, հունիս 2017

Քահանայության զորությունը ուխտերը պահելու միջոցով

Աղոթքով ուսումնասիրեք այս նյութը և ոգեշնչում փնտրեք, թե ինչով կարող եք կիսվել: Սփոփող Միության նպատակը հասկանալն ինչպե՞ս է պատրաստում Աստծո դուստրերին հավերժական կյանքի օրհնություններին:

Հավատ, ընտանիք, սփոփանք

«Իմ ուղերձը … բոլորին այն է, որ մենք կարող ենք ապրել ամեն ժամ «օրհնված քահանայության զորության ուժով», անկախ մեր պայմաններից», - ասել է Տասներկու Առաքյալների Քվորումից Երեց Նիլ Լ․ Անդերսենը:

«… Եթե դուք արժանիորեն մասնակցեք քահանայության արարողություններին, Տերը ձեզ կտա ավելի մեծ ուժ, խաղաղություն և հավերժական հեռանկար»: Ինչ իրավիճակում էլ որ դուք լինեք, ձեր տունը կլինի «օրհնված քահանայության զորության ուժով»։¹

Ինչպե՞ս ենք հրավիրում քահանայության զորությունը մեր կյանք: Տասներկու Առաքյալների Քվորումից Երեց Մ․ Ռասսել Բալլարդը հիշեցնում է մեզ, որ «նրանք, ովքեր մտել են մկրտության ջրերը և այնուհետև ստացել իրենց օժտումը Տիրոջ տանը, կարող են ստանալ մեծամեծ հրաշալի օրհնություններ։ Օժտումը բառիս բուն իմաստով զորության պարգև է … [և] մեր Երկնային Հայրն առատաձեռնորեն տալիս է մեզ Իր զորությունը»։ Նա հիշեցնում է մեզ, որ տաճարում տղամարդն ու կինը «երկուսն էլ օժտվում են նույն զորությամբ, որը քահանայության զորությունն է»։²

Լինդա Կ․ Բըրթընը՝ Սփոփող Միության Գերագույն Նախագահը, ասել է․ «Քանի որ քահանայության զորությունը մի բան է, որ բոլորս էլ ցանկանում ենք ունենալ տանը, մենք ի՞նչ պետք է անենք, որպեսզի մեր կյանք հրավիրենք այդ զորությունը։ Անձնական արդարակեցությունը խիստ անհրաժեշտ է քահանայության զորությունն ունենալու համար»։³

«Եթե մենք խոնարհաբար մեզ տրամադրենք Տիրոջը և խնդրենք Նրան ուսուցանել մեզ, Նա մեզ ցույց կտա, թե ինչպես մենք կարող ենք ավելի շատ ստանալ Նրա զորությունը», - ասել է Նախագահ Ռասսել Մ․ Նելսոնը՝ Տասներկու Առաքյալների Քվորումի Նախագահը։⁴

Լրացուցիչ սուրբ գրություններ և տեղեկություններ

1 Նեփի 14․14, Վարդապետություն և Ուխտեր 121․36, 132․20, reliefsociety.lds.org

© 2017 by Intellectual Reserve, Inc. Բոլոր իրավունքները վերապահված են: Տպագրված է ԱՄՆ-ում։ Անգլերենի հաստատումը. 6/16: Թարգմանության հաստատումը. 6/16: First Presidency Message, June 2017-ի թարգմանությունը Armenian 97926 201