Mga Ideya sa Family Home Evening
Kini nga isyu naglangkob og mga artikulo ug mga kalihokan nga magamit alang sa family home evening. Ang mosunod mao ang duha ka ehemplo.
“Pagpaningkamot sa Kaugalingon ug Pagkat-on sa Ebanghelyo,” pahina 42: Aron ipakita ang kaimportante sa pag-angkon sa inyong kaugalingong espirituhanong kahayag, ikonsiderar kini nga kalihokan. Palunga ang mga suga ug hangyoa ang mga sakop sa pamilya sa pagdrowing og larawan. Hangyoa ang usa ka tawo nga dunay flashlight o kandila sa paggamit lang niini alang sa ilang kaugalingon nga larawan. Human sa pipila ka minutos, pasigaa og balik ang suga. Hisguti ang mahitungod sa kalainan nga makahuman sa tahas ug dayon hisguti ang mga baruganan nga makita diha sa artikulo.
“Mahimong Sama ni Shiblon,”“Mahimong Sama ni Shiblon,” pahina 73: Kinsa ang inyong paborito nga mga katawhan diha sa mga kasulatan? Ikonsiderar ang pagdula og “scripture charades” o “mga hulagway sa kasulatan.” I-drama ang usa ka istorya sa kasulatan o i-drowing kini diha sa usa ka piraso sa papel nga wala maggamit og bisan unsa nga mga pulong. Hangyoa ang mga sakop sa pamilya sa pagtag-an sa istorya sa kasulatan o tawo nga nalambigit. Dayon mahimo nimong basahon ang mahitungod niini nga mga tawo diha sa mga kasulatan ug hisguti nganong nakadayeg ka kanila. Unsa nga klase sa kinaiya nga naa nila nga gusto nimong mapalambo?