Mga Istorya kabahin ni Jesus
Giayo ni Jesus ang mga Tawo
Gikan sa Marcos 5:22–43.
Usa ka adlaw usa ka tawo nga ginganlan og Jairo ang mihangyo ni Jesus nga moadto sa iyang balay. Ang iyang anak nga babaye nasakit ug nagkinahanglan og panalangin.
Sa pagpadulong ni Jesus ngadto sa balay ni Jairo, usa ka babaye kinsa nagmasakiton sulod sa 12 ka tuig nakakita ni Jesus. Siya mituo nga si Jesus makaayo kaniya. Siya mikab-ot ug mihikap sa sidsid sa kupo ni Jesus.
Naayo ang babaye! Si Jesus miingon nga siya naayo tungod sa iyang hugot nga pagtuo.
Dayon usa ka tawo ang miabut nga dunay dala nga makalilisang nga balita. Ang anak nga babaye ni Jairo namatay. Ulahi na ba alang ni Jesus sa pagpanalangin kaniya?
Giingnan ni Jesus si Jairo nga dili mahadlok apan motuo lamang. Sa dihang si Jesus miabut sa balay ni Jairo, gisultihan Niya ang anak nga babaye ni Jairo sa pagtindog. Siya mibuka sa iyang mga mata. Nabuhi siya pag-usab! Ang iyang mga ginikanan nahibulong.
Mahimo usab kitang makabaton og hugot nga pagtuo kang Jesus. Ang Iyang makaayo nga gahum ania pa gihapon dinhi sa yuta karon, ug makapangayo kita og panalangin sa priesthood kon magkinahanglan kita niini.