Reyna I. Aburto
Karua ni Daunivakasala ena Mataveiliutaki Raraba ni iSoqosoqo ni Veivukei
A sucu o Sisita Reyna I. Aburto mai Managua, Nicaragua, vei rau o Noel Blanco kei Delbi Cardoza ena 1963. “Erau dau cakacaka vagumatua na noqu itubutubu me rau rawata na veika me baleti keitou,” e kaya o Sisita Aburto. “E gauna mamarau na noqu gauna ni gone.”
Ni oti vakalailai na bogilevututu ni ika 23 ni Tiseba, 1972, ni se qai yabaki ciwa, a yavalati Managua e dua na uneune. “Au bula baleta ni tu mai dakuqu e dua na iyaya ni vale, ia qai tao tu na yavaqu.” Ni ra rogoca nodrau kaila kei tinana, era lako mai na tu voleka ka mai dreti rau tani mai na nodrau vale vakenani. Ena icaca ni vale, era a raica kina na yagoi ganena qase ena imocemoce tarava. “Na iyaya vakavuravura era ka walega, ia na ka bibi ga na noda matavuvale,” e kaya o koya.
Ni yabaki 21, a toki kei na nona matavuvale ki Amerika o Sista Aburto. Ni vakaitikotiko voli mai San Francisco, California, a vakaveikilaitaki o koya vei ira na daukaulotu ka mani nanuma me lako mai lotu. “Ena gauna ga au curuma kina na vale oya, au rawa ni vakila na Yalo. E caka tiko na koniferedi ni iteki, kau vakila ni sa baleti au kecega na itukutuku,” e kaya o koya. A papitaiso o koya ena 1989.
Ena gauna oqo a sotavi Carlos Aburto kina, ka rau sa mai veitokani sara. Rau a tomana tiko ga na veivolavolai, ena gauna mada ga sa toki kina o Sister Aburto ki Orem, Utah. Erau a vakamau ena ika 8 ni Me, 1993, ena Valetabu e Jordan River. Erau nodratou itubutubu e tolu na gone.
O Sisita Aburto ka a tokoni ena 1 ni Epereli, 2017, ki na Mataveiliutaki Raraba ni iSoqosoqo ni Veivukei, a cakacaka tu ena tabana ni vakadewavosa ena sivia na 25 na yabaki, oka kina ena Novell Inc. kei na Lemoine International. Erau sa taukena kei watina ena gauna oqo e dua na kabani ni vakadewavosa lailai. A vulica o koya na vuli ni idinia ni buliyaya ena Central American University mai Managua, Nicaragua, me va na yabaki ka rawata e dua na diqiri ni vakadidike vakompiuta mai na Utah Valley State College ena 1997.
Sa veiqaravi oti o Sisita Aburto ena vuqa na veikacivi ni Lotu, oka kina na lewe ni matabose raraba ni Lalai mai na 2012 ki na 2016.