Cristina B. Franco
Karua ni Daunivakasala, ena Mataveiliutaki Raraba ni Lalai
Ni se gone sara, sa vulica o Sisita Cristina B. Franco ni kevaka e dua na nona taro, sa rawa ni gole vei Tamada Vakalomalagi ena masu me saumi.
“Au nanuma na noqu a gole vei tinaqu niu yabaki 11 ka taroga vua e dua na taro vakaivunau,” e kaya o koya. “A sauma o koya na noqu taro ia a tukuna vei au, ‘Kakua ni vakabauta sara na noqu vosa.’ Au mani masu kina ka taroga vei Tamada Vakalomalagi kevaka e dina.”
A saumi na nona masu, mai na gauna oya ka lako yani sa kila o koya ni tiko e dua na Tamana Vakalomalagi e lomani koya ka na sauma na nona masu.
A tokoni ena 1 ni Epreli, 2017, ki na Mataveiliutaki Raraba ni Lalai, a sucu o Cristina Beatriz Fraga ena 1958 vei rau o Hugo R. kei Maria A. Godoy Fraga mai Buenos Aires, Argentina.
Ni yabaki tolu, era a tukituki na daukaulotu ena nodrau katuba na nona itubutubu. Ni oti nodrau vuli ka laki lotu tiko ena walu na vula, erau sa qai lewena na Lotu na veiwatini ka tekivu susuga cake nodrau matavuvale ena kosipeli. A sotavi Rodolfo C. Franco ena Lalai, e dua na gone ka qai yaco e muri me nona itokani vinaka duadua.
Ni yabaki 18, eratou sa toki ki Utah e Amerika na matavuvale nei Sisita Franco. Ena gauna oya erau sa kila kina kei Rodolfo ni rau vinakata me rau veiwatini, ia o Rodolfo e gadrevi me lai veiqaravi mada ena mataivalu ni Argentina me dua na gauna. Erau veivolavolai na lewerua, ni sa oti nona veiqaravi vakaivalu, erau a vakamau ena 15 ni Tiseba, 1978, ena Valetabu mai Salt Lake. Erau nodratou itubutubu e tolu na gonetagane.
Ni rau muria voli ga na weniyavai tamai Sisita Franco, e dua na daucaka kaloko, erau a cakacaka na veiwatini ena dua na sitoa ni kalokoniliga kei na kalokolili e Salt Lake City me voleka ni tolu na yabakitini.
Sa veiqaravi oti o Sisita Franco ena vuqa sara na itavi ena Lotu. A veiqaravi voli ena matabose raraba ni Lalai mai na 2005 ki na 2010, ena gauna e kacivi kina ki na Mataveiliutaki Raraba ni Lalai, erau a veiqaravi voli kei watina ena nona vakatulewataka tiko na Tabana ni Kaulotu na Argentina Resistencia.