Autalavou
Auauna atu i Isi i le Faatuatua
Ua tau mai ia i tatou e Peresitene Uchtdorf faapea o lo tatou faatuatua i le Atua e tatau ona “o faatasi ma le faatinoga.” Pe afai o lo tatou faatuatua ua “tauamo faatasi ma lona faatinoga faifai pea,” ua ia faamalamalama mai, e “tumu … le agaga i le filemu ma le alofa.” Faatasi ai ma le folafolaga o lenei faamanuiaga, e mafai ona tatou faia se eseesega, ma e mafai ona tatou vaaia lenei mea i o tatou olaga pe a tatou faaaluina le taimi e fai ai auaunaga e tumu i le faatuatua. E mafai ona e tatalo i taeao taitasi e ole atu i le Alii mo se fesoasoani i le auauna atu i isi. Mo se faataitaiga, fai atu ia te Ia e faaali atu ia te oe se taimi e manaomia ai e sou tei le fesoasoani i se galuega po o le manaomia e se uo o se faamalo. Ma, pe a e mauaina se uunaiga, faatino loa! Afai e te faia nei tatalo ma lenei auaunaga o se mausa, ona faamanuiaina lea o lou olaga ma olaga o isi e lau faatinoga faamaoni. Ua folafola mai e Peresitene Uchtdorf, e “mafai ona e suia tagata taitoatasi, aiga, nuu, ma le lalolagi.”