Tala ia Iesu
Sa Tuuina Mai e Iesu ia i Tatou le Faamanatuga
Sa silafia e Iesu ua toeitiiti lava maea Lona taimi i le lalolagi. Sa Ia faapotopoto faatasi Ana Aposetolo mo le Talisuaga Mulimuli. Sa Ia tuuina atu ia i latou le faamanatuga ma talosagaina i latou e manatua pea o ia.
Sa alu atu Iesu i se faatoaga e tatalo ai. Sa Ia tiga mo agasala ma mea faanoanoa uma i le olaga o tagata uma. Ona Ia maliu ai lea i luga o le satauro ma sa tanumia i se tuugamau.
I le taeao o le Aso Sa ina ua mavae le maliu o Iesu, na o mai nisi tamaitai ma oo mai i le tuugamau. Ua fuli ese le maa i le faitotoa, ma sa gaogao le tuugamau! O fea na i ai Iesu?
Ona ua toe soifua! Sa vaai Maria le Makatala ia Iesu. Na ia asiasi atu i Ana Aposetolo ina ia latou saunia e aoao atu le talalelei pe a mavae lona toe foi i le lagi.
Pe a ou tago i le faamanatuga, ou te manatua ai Iesu. Ou te manatua sa ia soifua ma maliu ma na toetu mai o ia mo a’u ina ia mafai ona ou toe ola!