O Ata o le Faatuatua
Markus Tilgner
Anhalt Saxony, Siamani
I le 1989, o Markus, ma Karen, ma lo la atalii e tolu tausaga le matua sa tuuina atu i ai se faatagaga e tuua lo latou fale i Siamani i Sasae e o atu ai i se aso malolo i Hanikeri. A o latou i ai iina, sa tatalaina e Hanikeri lona tuaoi i Oseteria, ma tuuina atu se auala o le saolotoga i le faitau afe o tagata sulufai i Siamani i Sasae. Na iloa e Markus ma Karen lo latou avanoa tulaga ese. E mafai foi ona latou o ese atu.
Leslie Nilsson, tagata pueata
Sa ou fai atu, “Sei o tatou o ese atu mo Oseteria.”
“Oi leai, e le mafai ona e alu,” na fai mai ai Karen. “O ou matua o loo i Siamani ma faapena foi ou matua.”
“O le a latou malamalama,” sa ou tali atu ai.
“Ua uma ona tatou amata fausiaina se fale,” o le tala lea a Karen ia te au. “Sei o tatou faamaeaina lena fale.”
“Leai, sei o tatou toe amata,” sa ou fai atu ai, “i se isi mea, i Siamani i Sisifo.”
Sa ou toe taumafai e tau atu ia te ia e tatau ona matou o ese atu. Sa ia fai mai, “Leai, talu ai ua faatoa valaauina oe e avea ma epikopo ma sa e fai atu ioe, o le a e auauna atu.”
O mafuaaga na sa matou le tuua ai Siamani. I ni nai vaiaso mulimuli ane, sa toulu ai le pa i Perelini. Sa laki i matou ona sa matou nonofo. O le ala lea a le Tama Faalelagi mo i matou.
Sa asiasi atu se uo (ogatotonu) ia Karren ma Markus Tilgner. Na faia e le au Tilgners tagata uma ia lagona le taliaina i lo latou fale ma mafaufau i ai o se faamanuiaga le auauna atu ia i latou o siomia i latou.
Na pai ma le agamalu le afafine faaletulafono a le au Tilgners i lana pepe. E aumaia e le afafine fou a le la tama tama le olioli ia Markus ma Karren, o e sa faapea mai o le tutumau ai i lo latou atunuu na fesoasoani ai ia i latou e nonofo vavalalata o se aiga.
Tamaitai faifeautalai o loo fesoasoani ia Markus e faamaea se meaai o le a tuu atu i le ogaumu.