Manatu mo Afiafi Faaleaiga
O lenei lomiga o loo aofia ai tusiga ma gaoioiga e mafai ona faaaoga mo afiafi faaleaiga. O ni faataitaiga nei se lua.
“Avea ma se Faataitaiga o e ua Talitonu,” itulau 44: Ua talanoa mai Elder Keetch i le taua o le puipuia o aoaoga faavae o le talalelei i le alofa ma le agalelei. A uma ona faitauina lana saunoaga, e mafai ona e talanoa e uiga i taimi i olaga o tagata o le aiga sa latou manaomia ai le puipuia o le talalelei. E mafai foi ona e faitauina se tala faatusipaia e uiga i se tasi na tu atu mo o latou talitonuga, e pei o le tala ia Tanielu po o Eseta. Na faapefea ona faaalia e nei tagata le alofa ia i latou o siomia ai i latou faapea foi ma le Alii? E mafai ona e taumafai e faatino se tulaga lea e mafai ai e tagata o le aiga ona faataitai le faasoaina atu o o latou talitonuga i autu eseese i se uiga toafimalie ma malamalama.
“Ae Faapefea pe afai ou te lagona e pei ou te le talafeauga?” itulau e 68: Ua lauga mai Elder Holland e uiga i mea e fai pe a tatou lagona le le lelei e pei ona mafai ona avea ai i tatou. I le avea ma se aiga, e mafai ona outou talanoa e uiga i taleni ua tuuina mai e le Tama Faalelagi i tagata taitasi o le aiga. Mafaufau e valaaulia lou aiga e tusi i lalo se sini latou te mananao e faataunuuina i le masina a sau, talanoa i auala e ausia ai lenei sini, pe faapefea ona fesoasoani ia te i latou a latou taleni, po o a tomai o le a latou manaomia e atiina ae ina ia ausia ai la latou sini. E mafai ona e toe tulitatao atu i lenei gaoioiga mulimuli ane, ma uunaia tagata o le aiga i le setiina ma taumafai ia ausia a latou sini.