Kabatan-onan
Unsaon Ninyo sa Paghinumdom ang Manluluwas Karong Semanaha?
Giawhag kita ni Presidente Eyring sa “pagpili sa paghinumdom [sa Manluluwas] sa paagi nga mas makapaduol sa inyong kasingkasing ngadto Kaniya.”
Sa unsang paagi nga kamo “sa kanunay mohinumdom Kaniya” sa tibuok semana (tan-awa sa D&P 20:77, 79)?
Duna ba kamoy paborito nga mga kasulatan bahin sa Manluluwas? Mahimo kamong momarka og lahi nga kasulatan matag adlaw karong semanaha ug mopakigbahin niini sa laing tawo.
Mokanta ba kamo og himno o laing makapadasig nga awit diha sa inyong hunahuna kon mobati kamo og kasagmuyo? Tingali magpili og usa ilabi na gayud bahin sa Manluluwas karong semanaha.
Namalandong ba kamo sa kinabuhi ug maulaong sakripisyo sa Manluluwas atol sa sakrament matag semana? Makaandam kamo alang sa sakrament pinaagi sa paghinumdom og balik sa inyong mga pagpili sa tibuok semana aron kanunayng mahinumdom sa Manluluwas ug maghinulsol sa mga higayon sa dihang nanglimbasug kamo.
Nag-ampo ba kamo alang sa mga kahigayunan sa pagpakigbahin sa ebanghelyo matag adlaw? Sulayi sa pagpahigayon og panaghisgutan sa ebanghelyo karong semanaha nga nag-focus bahin sa Manluluwas. Mahimo kamong mopakigbahin sa inyong pagpamatuod bahin sa Manluluwas atol sa family home evening o sa pakig-istorya sa usa ka higala diha sa eskwelahan bahin sa usa ninyo ka kasinatian sa simbahan.
Paghimo og tumong sa paghinumdom sa Manluluwas sa usa ka espesyal nga paagi karong semanaha. Sultihi ang usa ka ginikanan, igsoon, lider, o higala bahin sa inyong tumong. Sa tapus sa semana, sultihi sila sa unsay nahitabo. Bation ninyo ang kalinaw ug kalipay nga gihisgutan ni Presidente Eyring.