Kaeka mairouia Taan Kairiiri n te Ekaretia
Ti na Kanga ni KARIKA Kristo bwa AAN Maiura
Iroun Unimwaane D. Todd Christofferson
Man te Kooram n Abotoro n te Tengaun ma Uoman
Man teuana te taromauri i Brigham Young University–Idaho are karaoaki n Tianuare 27, 2009.
E karekea te katiteuanaaki Iesu ma te Tama man kanakoana Ngaia, n rabwatana ao n tamneina, (taraa D&C 19:18) nakon ana kaantaninga te Tama. Ni kaineti nakon Tamana, e taku Iesu, “I aki toki ni karaoi baike E kakatonga iai” (Ioane 8:29). Bukina bwa bon ana kaantaninga te Tama, Iesu e anga ngaia riki nakon te mate, “e na anaaki ana baire te Nati nakon nanon ana baire te Tama” (Motiaea 15:7). Ana kaantaninga iaon te Tama bon teuana bukina mai ibuakon Ana mwakuri Iesu ae iai iai te maataata ao te mwaaka. Akea te bwai ae na aki rau Nanona iai.
N aron aei, ngkoe ao Ngai ti kona ni karika Kristo bwa aan maiura ao ni katiteuanaaki ma Ngaia ngkai Ngaia teuana ma te Tama (taraa Ioane 17:20–23). Ti kona ni moanna man kanakoan bwaai ni kabane man maiura ao ni manga kaokia ni kabane ni baireaia man ae kakawaki ma te Tia Kamaiu are e boboto iai. Ti na katikui moa bwaai aika ti na kona iai n Ururingnga n tainako—te tataro ae teimatoa, kamatebwaiakan ao iangoan booki aika tabu, iangoi ni kamatebwai reirei mairouia abotoro, te katauraoi ni katoa wiiki n tau n taua te toa, tataro n te Tabati, taua mwiin ao uringakin te bwai ae a tia n reireiniira te Tamnei ao te atatai iaon reiakinara bwa ti aonga n riki bwa ana reirei. E kona n ae Iai bwaai riki tabeua aika a kona n roko n am iango riki aika a kaineti nakoim ni maium n te tai aei. N te tai are e a tia ni barongaaki raoi iai te tai ao kawai ibukin kakoroan nanon bwaai aikai, ibukin kabotoan maiura iroun Kristo, ti kona ni moanna ni karin taabe riki ake tabeua ao bwaai aika kakawaki n aron te tai ao ibuobuoki aika kona n riki, n aron te reirei ao taben te utu ao oin am mwakuri. N te kawai aei bwaai aika kakawaki ana aki katinanikua maiura ti man bwaai aika a tikiraoi, ao bwaai aika aki rangin ni kakawaki anaa te tai ae aki rangin ni kakawaki ke te bane ni maunanako.
E ngae ngke e aki kaangaanga, ti kona n teimatoa ni waaki nako man teimatoa n te onimaki inanon te Uea. I kakoaua bwa inanon te tai nanora ao ara konabwai n ururingnga n tainako ao n ira te Tia Kamaiu e na rikirake. Ti riai ni kakorakoraira ni mwakuri nakon te tabo arei ao n tataro n tainako ibukin te ataibwai ao te ibuobuoki mai ieta aika ti kainnanoi (taraa 2 Nibwaai 32:9).