Ataei Ake a Tei n Ninikoria
Karakinan te Ataeinnaine ae Story
Mauri, raoraou!
Arau bon Story. I maeka i Turkmenistan. Anne Te aba i Nukan Asia. I tangiria ni wareware, korotamnei, ao n itutu. I tangiria n taraa karawa ae onrake n te itoi (n te tairiki) ma tamau. Bon tii ngai ma au utu ae ti kaaina te Ekaretia n te aba ae BWANIN!
N Tataro Ibukin Missy
Te bong teuana imwiin te ang ae korakora, ana katamwa raoraou, Missy, e bua. Ti tarataraia n taabo nako, ma tiaki kona ni kunea. I taekinna ae ti kona n tataro. Aki koaua raoi raoraou bwa ti na kanga, ngaia ae I kaotia nakoia. Ti bane ni katorobubua ao n tataro n oin ara tataro. Ngkanne ti bane n teirake ao ni kakaea riki. Te ataeinnaine e biri nakoira ao e taku bwa e kunea Missy! I rangin ni kukurei ngaia are I a tibwaua mwakoron te euangkerio ma ngaia.
Ti Reirei Mai Iroura i Marenara
Tariu ae uarereke riki, Sariah, ao Ngai ti nakon te reirei ma ataei man aaba aika mwaiti. Ti tangiria n reirei ao ni manikangare bon imarenara.
Karao bwai ao ni kukurei
Sariah ao Ngai ti kaoia raoraora n takakaro. Ti been, karao bwai, ao ni bikiniki. N tain te Kiritimati ti karaoi ara takakaro ma raoraora aika kaain rarikira.
Te Ekaretia n te Mweenga
Bukina bwa ti ngaira kaain te Ekaretia, ti karaoi ara bootaki n taromauri n ara auti. Ti karaoa te bootaki n toa, te tai n anene, te tai n tibwatibwa, ao reirei n te Moanrinan. I katanga te biano n tain te anene.