Karaki man Ana Boki Moomon
Te Mwananga nakonte Aba ni Berita
Man Ita 2–3, 6
Iareta ma tarina a maeka n te mwarua ma aia utu ao raoraoia. Iesu Kristo e kawara tarin Iareta. E tuangnga bwa e na kabai booti bwa e na uotiia ana aomata rinanon taari nakon te aba ni berita.
Aomata a kabai booti aika akea wintooia. A raraoma tarin Iareta bwa ana kanga n ikeike ao n taratara. E taku Iesu bwa a riai ni karaoi bwangabwanga inanon te booti ibukin te eea.
Ma e kanga aron te oota? Tarin Iareta e karaoi 16 atibu aika itiaki. E tuanga Iesu bwa E na riing ni baina ni karaoi bwa ana ota.
Tarin Iareta e noora Iesu n riing atibu ma Tabonibaina. A raneanea n otanako atibu. Bukina bwa e mwaiti ana onimaki, tarin Iareta e noora Iesu Kristo!
E kanakoa te ang ae korakora n uki booti rinanon taari. Ngke a roko n te aba ni berita, Iaretaite a tataro nakon te Atua ni kaitaua ibukin kamanoaia.
Ti kona n riki n aekan tarin Iareta ngkana ti onimakina te Atua ao n iai ara onimaki iroun Iesu Kristo.