Tulimanu o Fesili
A misa lo‘u tina ma tama, ou te lagona le popole ma le faanoanoa. O le a se mea e mafai ona ou faia?
E mafai ona e tatalo i le Tama Faalelagi. O lena mea ou te maua ai se lagona e sili atu ona lelei.
Hayden H., 6 tausaga, Alberta, Kanata
Ina ia faafiafiaina i laua ou te ta’u atu ia te i laua i taimi uma ni tala malie ma ta’u atu ia te i laua pe na a mai le aoga. Pe a amata ona la talie, ou te lagona le Agaga Paia ua ta’u mai ia te au na ou faia le mea sa’o.
Elena M., 12 tausaga, Kalefonia, ISA
Max: Ou te opoina mai i laua ma usuina se pese Peraimeri e faamanatu atu ai ia te i laua ia Iesu.
Gabe: Ia faia ia lagona e ou matua se lagona e sili atu ona lelei e ala i le tusia o se ata o lou aiga i le lagi.
Max ma Gabe C., 6 ma le 10 tausaga, Kochi, Initia
E mafai ona e faia se tatalo e fesoasoani ai i lou tina ma tama ia foia lo la faafitauli ma hamu ni pese o le Ekalesia ina ia la maua ai se lagona e sili atu ona lelei.
Addison S., 10 tausaga, Uosigitone, ISA
Matou te o ma nai ou tei i o matou potu ma faalogo i le Aufaipese a le Tapeneko. E fesoasoani lea matou te lagona ai le filemu.
Ben M., 11 tausaga, Brisbane, Ausetalia
Ou te tatalo i le Tama Faalelagi ma fesili atu ia te Ia e fesoasoani i ou matua pe a la finau ina ia mafai ona la lagonaina le Agaga ma foia o la faafitauli.
Etham M., 11 tausaga, Kalefonia, ISA