Ikaw ba usa ka Tigdawat o usa ka Tighatag?
Nakahunong ba kamo sukad aron maghunahuna bahin kon ngano nga moserbisyo mo sa uban ug mosunod sa mga kasugoan? Kining bulana mahimong usa ka maayong panahon sa pagbuhat niana samtang inyong tun-an ang bahin sa pagtukod sa gingharian sa Dios diha sa inyong mga leksyon sa simbahan. Mahimo kamong mangutana sa inyong kaugalingon, mas makapadasig ba nako ang unsay akong madawat o sa unsay akong mahatag?
Ang mga pangutana sa ibabaw makatabang kaninyo nga makita kon ang inyong pagtagad anaa sa kaugalingon (naghunahuna sa inyong kaugalingon) o anaa sa laing tawo (naghunahuna sa uban).
Unsa nga pagtamud ang akong madawat sa pagserbisyo niini nga calling?
Sa unsang paagi nga mapanalanginan ko sa pagbayad sa ikapulo ug mga halad?
Sa unsang paagi nga makabenepisyo ko gumikan sa pagkamatinuoron?
Unsa may akong makuha sa pagtambong sa simbahan?
Sa unsang paagi nga ang pagmisyon makatabang kanako?
Unsa nga mga panalangin ang akong madawat gikan sa usa ka kaminyoon sa templo?
Sa unsang paagi nga ang akong calling nagtugot kanako nga makatabang sa pagpalig-on sa uban?
Sa unsang paagi nga ang akong ikapulo ug mga halad makatabang sa pagtukod sa gingharian sa Dios?
Sa unsang paagi nga ang akong pagkamatinuoron makapanalangin sa uban?
Sa unsang paagi nga ang akong pagtambong sa simbahan nagpakita sa akong debosyon ngadto sa Ginoo?
Sa unsang mga paagi nga mahimo kong makaserbisyo sa uban diha sa misyon?
Sa unsang paagi nga ang usa ka kaminyoon sa templo makahatag kanako og oportunidad sa pagserbisyo sa akong asawa ug mga anak?
OK ra nga maghunahuna mahitungod sa mga panalangin nga inyong madawat, apan kon inyong mabatyagan nga kamo may kalagmitan sa motan-aw lang sa inyong kaugalingon kay sa uban, sulayi sa paghangad. Si Presidente Thomas S. Monson mitudlo: “Hinumdumi nga kining trabahoa dili lamang inyo ug akoa. Mahimo kitang mohangad ug mangayo og balaanon nga tabang” (“Buhata ang Inyong Katungdanan—Kana Mao ang Labing Maayo,” Liahona, Nob. 2005, 58).