Mga Ideya sa Family Home Evening
Kini nga isyu naglangkob og mga artikulo ug mga kalihokan nga magamit alang sa family home evening. Ang mosunod mao ang duha ka ehemplo.
Detalye gikan sa Si Jesukristo Nag-ayo sa Buta, ni Domenico Fiasella, sa maayong kabubut-on sa John andMable Ringling Museum of Art; sa tuo: Ang Balaan nga Gabii, ni Carl Heinrich Bloch
“Pagmalinawon,” pahina 34: si Elder Christofferson nagdapit kanato sa paggahin og panahon niining panahon sa Pasko sa paglingkod og hilom ug paghunahuna mahitungod sa batang si Jesus. Ikonsiderar ang dungan nga pagbasa sa artikulo isip tibuok pamilya ug dayon sa pagdapit og diwa sa balaan nga pagtahud pinaagi sa pagbasa sa mga kasulatan, pagkanta og mga himno, o pagtan-aw og mga Bible video (anaa sa Biblevideos.org) mahitungod sa pagkatawo sa Manluluwas. Dayon hatagi og panahon ang matag tawo nga maghunahuna mahitungod sa pagkatawo sa Manluluwas ug unsay kahulugan niini ngadto kanila. Mahimo ninyong ikonsiderar ang pag-andam og mga journal o papel alang niadtong gusto nga morekord sa ilang mga hunahuna. Hangyoa ang mga sakop sa pamilya sa pagpakigbahin sa ilang mga hunahuna kon maoy gusto nila.
Video sa Pasko, Mormon.org: Paghunahuna og mga paagi nga ang inyong pamilya makagamit sa video sa Pasko karong tuiga sa pagpakigbahin sa ebanghelyo ngadto sa uban. Makaandam kamo og lamiang mga pagkaon sa Pasko nga ipakigbahin sa mga higala ug ihatud ang pagkaon nga ubanan og kard nga adunay web address sa video. Mahimo usab kamong magplano og social media campaign sa pamilya ug maghimo og mga tumong kon pila ka mga tawo ang inyong pakigbahinan sa video. Ang laing opsyon mao ang pagdapit og mga higala sa inyong balay aron sa pagtan-aw sa video uban kaninyo.