Kiʻi Tohi Fakamatala ʻo e Konifelenisi ʻo ʻEpeleli 2015

“ʻIlonga ha meʻa kuó u lea ʻaki ʻe au ko e ʻEikí, kuó u lea ʻaki ia; … neongo pe ko e fai ia ʻi hoku leʻo pē ʻoʻokú pe ʻi he leʻo ʻo ʻeku kau tamaioʻeikí, ʻoku tatau ai pē” (T&F 1:38).

ʻI hoʻo toe vakaiʻi ʻa e konifelenisi lahi ʻo ʻEpeleli 2015, ʻe lava ke ke fakaʻaongaʻi ʻa e ngaahi pēsí ni (mo e Ngaahi Tohi Fakamatala Konifelenisi ʻi he ngaahi makasini he kahaʻú) ke tokoni atu ki hoʻo akó mo hono fakaʻaongaʻi ʻa e ngaahi akonaki fakamuimuitaha ʻa e kau palōfitá mo e kau ʻaposetolo moʻuí mo e kau taki kehe ʻo e Siasí.

Ngaahi Tali Maʻau

ʻOku ʻomi ʻi he konifelenisi takitaha ‘e he kau palōfitá mo e kau ʻaposetoló ʻa e ngaahi tali fakalaumālie ki he ngaahi fehuʻi ʻe lava ke maʻu ʻe he kāingalotu ʻo e Siasí. Fakaʻaongaʻi hoʻo makasini ‘o Mē 2015 pe vakai ki he conference.lds.org ke maʻu ha tali ki he ngaahi fehuʻi ko ʻení:

• Ko e hā ʻa e “manavahē faka-ʻotuá,” mo e founga ʻe lava ke ne faitāpuekina ʻetau moʻuí? Vakai, David A. Bednar, “Ko Ia Naʻa Nau Taʻofi ʻEnau Ilifiá,” 46.

• Ko e hā ʻa e tukufakaholo fakalotu mahuʻinga taha ʻi he ʻapí ʻoku tokoni ke ʻiloʻi ʻe he fānaú ʻoku ʻofaʻi kinautolu pea nau malú? Vakai, Quentin L. Cook, “Ko e ʻEikí Ko ʻEku Maama,” 62.

• ʻOku tokoni fēfē ha mahino e fengāueʻaki ʻa e fakamaau totonú, ʻofá mo e ʻaloʻofá, ke mahino kiate kitautolu ʻa e Pekia, Toetuʻu mo e Fakalelei ʻa Sīsū Kalaisí? Vakai, Jeffrey R. Holland, “Feluteni Ai e Fakamaau Totonú, ʻOfá mo e ʻAloʻofá,” 104.

Ko e Palani ʻo e Fakamoʻuí

Adam and Eve walking together after leaving the Garden of Eden. There are storm clouds in the sky, and plant growth along the path they are walking. There is a waterfall in the background.

Ko e Mavahe mei he Ngoue ko ʻītení, tā ʻe Joseph Brickey; fakaikiikí mei he ʻA ʻEku Tamai, tā ʻe Simon Dewey

Naʻe pehē ʻe ʻEletā D. Todd Christofferson, “Ko e meʻa ʻe fā pe lahi ange ʻoku fie maʻu kae ola lelei ai e palani fakalangi ko ʻení.” Kumi e talí ʻi heʻene lea, “ʻUhinga ʻo e Malí, ʻUhinga ʻo e Fāmilí,” 50.

1. “Ko hono Fakatupu ʻo e ______ ko e feituʻu ke tau nofo aí.”

2. “Tuʻunga ʻi he Hingá [ʻa ʻĀtama mo ʻIvi] ne tau ʻiloʻi ai e ______ mo e ______ pea mo e mālohi faka-ʻOtua ke ______. Fakaʻosí, naʻe tupu mei he Hingá ʻa e ______ fakaesino ʻoku fie maʻu kae lava ke fakataimi ai pē ʻetau nofo ʻi he matelié, kae ʻoua naʻa tau moʻui ʻo taʻengata ai ʻi heʻetau angahalá.”

3. “ʻOku tau mamata ki he tufakanga ʻo e maté ʻi he palani ʻetau Tamai Hēvaní, pea naʻe mei taʻeʻaonga e palani ko iá kapau naʻe ʻikai ha faʻahinga founga ke ikunaʻi ai ʻa e maté he ngataʻangá, ʻa e ______ mo e ______ fakatouʻosi. Ko ia naʻe mamahi mo pekia ai ʻa e Huhuʻí, ko e ʻAlo Tofu Pē Taha Naʻe Fakatupu ko Sīsū Kalaisí, ke Ne fakalelei maʻá e maumaufono ʻa ʻĀtama mo ʻIví, pea lava ai ke ______ mo moʻui taʻe-faʻamate ʻa e taha kotoa pē”

4. “Naʻe tuʻutuʻuni ʻe he ʻOtuá ʻoku totonu ke mali ʻa e tangatá mo e fefiné pea ke na fanauʻi ha fānau, ʻo fakatupu ai, ʻi haʻana fengāueʻaki mo e ʻOtuá, ha sino fakamatelie, ʻoku hoko ko e konga mahuʻinga ki he ______ ʻo e moʻui fakamatelié pea ʻoku ______ ki he nāunauʻia taʻengata mo Iá.”

Ngaahi talí: 1. māmaní; 2. leleí, koví, fili, mate; 3. fakatuʻasino, fakalaumālie, toetuʻú; 4. siví, mahuʻinga

Ke lau, mamata, pe fanongo ki he ngaahi lea ʻo e konifelenisi lahí, vakai ki he conference.lds.org.

• Liliu e Lotó ʻe he Foaki ʻAukaí

• Ko ha Sāpate Toputapu