Jutak Kōn Ta Eo Jej Tōmak Kake
Jej mour ilo juon laļ eo elōn̄ rej lo men ko renana āinwōt ko rem̧m̧an im ko rem̧man āinwōt ko renana, im jej aikuij in jutak kōn em̧m̧an eo. Laajrak in tokālik ej naan in kam̧ool jen rūm̧m̧an ded ro rej jutak kōn ta eo rej tōmak kake. Raar jab iakwelel ak uwaak kōn illu im jab jouj. Rej kwaļo̧k “jim̧or peran im jelā manit”1 im, ainwōt juon tōprakin, ej kōkajoorļo̧k ro jet (lale 3 Nipai 12:44–45).
Ļaddik eo Jatū Ekar M̧akoko in Idaak Champagne
Ilo France, jerbal ilo kumi in tariņae ej menin aikuij. Ļaddik eo jatū 20 an iiō, Loïc, ekar kālet bwe en reserve opiija bwe en erom lietenant. Ilo jemļo̧kin an jikuuļ, ekar wōr juon iien ekapit n̄an opiija ro rekāāl. Er kajjojo rej aikuj in ba naan ko ilo kallim̧ur ko. Innām ekar aikuj in idaak juon kab in champagne eo ewōr juon wūt ie—ej aikuj in kar ilmi aolepāer. M̧anit in ekar ijino ippān Napoléon Bonaparte, im ejjan̄in lōn̄ opiija jān iien eo ekar jab likjab in bōk koņaan.
Loïc ekar jiron̄ kōnōl eo bwe pedped in katak ko an kabun̄ eo an rej kamoik an idraak dānin kadōk. Juon ikōn̄ ekar itok ālkin kajjitōk eo an Loïc n̄an jab bōke. Kōnōļ eo ekar jutak. Ijjelo̧kin an kipel Loïc bwe en idaak champagne, ekar kōjeram̧m̧an e kōn kōjparok pedped in katak ko an jekdo̧o̧n n̄e ekar apan̄, ekar m̧ōņōņō in karuwaineneik em̧m̧aan in em̧ool n̄an kumi eo an. Rekar kōro̧o̧l champagne ko, im Loïc ekar bōk koņaan ilo iien ekapit eo.
Pierre Anthian, France
Ikar Karuwainene n̄an juon Kōjota Eobrak Kōn Nana
Ālkin college jejtōr eo aō Grace im n̄a kar jerbal n̄an juon kom̧bani ippān jet Armej ro Rekwojarjar ilo Raan-ko Āliktata. Eo kōm kar jerbal n̄an e ekar jab uwaan Kabun̄ in. Ke jejtōr eo aō ekar pojak in ten marry, eo kōm kar jerbal n̄an e ekar kōm̧m̧ane juon iien mōn̄ā ippān ļieo ej pojak in m̧areiki ilo an ejjeļo̧k ej jeļā kake. Ikar kōjatdikdik ke enaaj kar kautiej jon̄ak ko am, bōtaab ekar boktok dānin kadōk, em̧m̧aan ro rej tuuj, im juon pija enana.
M̧okta jen kōjota eo an ļieo ej ilen m̧areiki, ij en̄jake unojdikdik an Jetōb Kwojarjar ilo n̄a ej kaketak n̄a n̄an kakeememej booj eo aō kōn jon̄ak ko am. Ikar jibwetok medal eo aō jān Doulul eo an Jiron̄ ro im ļōmņak kōn aolep kate im wūjlepļo̧k ko ikar kōm̧m̧ani ke ikar pād ilo Doulul eo an Jiron̄ ro n̄an kadedeļo̧k personal progress eo aō. Ikar jar bwe in maron̄ in tōl n̄an jutak pen ļo̧k jidik ilo tōre in. Ikar text e ļo̧k ļieo ikar jerbal n̄an e kōn inepata eo aō, ļōmņak emaron̄ in kar jook kōn menin. Bōtaab, ikdeleel eo aō eļaptata ekar n̄an kam̧ōņōņōiki Jemedwōj Ilan̄.
Ke kōjota eo ekar ijjino, booj eo aō ekar jab kōņōņō n̄an n̄a ak ettōn̄ tok n̄an n̄a. Botaab, ekar kabōjrak tuuj eo im pija eo.
Ilo raan ko ālkin kōjota eo, booj eo aō ekar jab kōnono im ettōn̄ ippa āinwōt an kar m̧okta jān kōjota eo. Mekarta, ikar en̄jake kaenōm̧m̧an kōnke ijelā Anij ekar m̧ōņōņō kōn ta eo ikar kōm̧m̧ane. Juon wiik tokālik, jemjerā eo aō ippān booj eo aō ekar bar ro̧o̧l n̄an m̧okta. Ijeļā ke Anij ekar kaenōm̧m̧an būruwōn im jipan̄ e kile ke ij mour ekkar n̄an ta eo ij tōmak kake.
Lemy Labitag, Cagayan Valley, Philippines
Ikar Ron̄ Naan ko Renana ilo Kūlaaj
Ke ekar epaak 18, ikar bōk juon kūlaaj in keke. Juon raan jilu leddik jejjo ne ettoļo̧k jen n̄a kar jino kōjerbal naan ko renana. Ikar jab jeļā eļan̄n̄e ij aikuj jab ron̄jake er n̄an ko jen pok ak eļan̄n̄e ij aikuj in jutak kōn jon̄ak ko aō im kajjitōk ippāer n̄an bōjrak. Āliktata, ikar ba jon̄an wōt aō maron̄ ilo an em̧m̧an, “Joļo̧k aō bōd, ak kwōmaron̄ ke jouj im kōkm̧anm̧an am̧ kōnono?”
Leddik eo eineia tata iaan leddik ro ekar kalimjōk n̄a im ba, “Kōm naaj kōnono jabdewōt naan kōm kōņaan.”
Ikar ba, “Ak eaorōk ke bwe kwon kanijnij? Elukkuun kaenepataki n̄a.”
Leio ekar ba, “Innām jab ron̄jake.”
Ikar jino ten illu im ba, “Epen bwe in jab ron̄jake n̄e kwoj kōnono ilo ainikien eļap.”
Lio ekar ba, “Jab inepata kake.”
Ikar ebweer. Ikar inepata ippān leddik ro, botaab lukkuun ļapļo̧k aō inepata ippa make. Ijjab tōmak ke ikar kōtļo̧k bwe ainikiō en akwel. Leddik ro relak kar kanijnij, im kiō aolepemean̄ kar illu.
Ālkin ikar aenōm̧m̧anļo̧k jidik, ikar lo ke leddik ro rekar lokjak ippān mejin in keke ko aer. Ijeļā kar ta jorrāān eo kōnke ekar waļo̧k n̄an n̄a m̧oktaļo̧k. Kōn menin ikar kwaļo̧k wāween kōmadmōd e. Ikar loe an oktak im bwilōn̄ turin mejān leddik eo eineiatata. “Ee,” ekar ba, “joļo̧k amean̄ bōd.” Ikar jab tōmak—ekar joļo̧k an bōd. “Bar joļo̧k aō bōd,” ikar ba n̄an e. “In kar jab illu rōt eo.”
Ikar ro̧o̧l n̄an mejin in keke eo aō im jab bar ron̄ naan in kanijnij. Men in ekar katakin eō bwe naan ko ad remaron̄ in jab ukōt m̧wilin ro jet, ak jouj im jerbal n̄an ro jet enan̄in aolep iien remaron̄.
Katie Pike, Utah, USA
Ikar Kakkōt Kake Jerbal e Juon Mijen
Ikar kobatok ilo Kabun̄ in ke ekar 19 aō iiō, kar ļaddik eo kein karuo iaan jilu ļaddik im emake wōt uwaan Armej ro Rekwojarjar Ilo Raan-ko Āliktata ilo baam̧le eo aō. Ālkin aō kar peptaij, ikar jino en̄jake juon ikdeleel n̄an jerbal e juon mijen. Ālkin juon iiō, Jetōb eo eaar jiron̄ eō bwe ij aikuj etal. Ikar kōnono kake ippān m̧am̧a, eo ekar en̄jake ke ekar jab jim̧we bwe in etal. Ikar kōttar bar juon iiō, ak ikdeleel n̄an jerbale juon mijen ekar jab jako jān n̄a. Ilo iiō eo, ikar ekkatak jeje ko rekwojarjar, kōm̧m̧an aō jāān, kōm̧m̧ane peba ko aō, kadedeļo̧k aolep kakōlkōl in taktō ko aō, im—ālkin an aolep men kar dedeļo̧k—ikar kōttar ankilaan Irooj. Ejjab etto, ikar bōk kūr eo aō n̄an jerbal ilo Brazil Campinas Mission.
Jinō im jema rekar jab errā. Iaar lukkuun jitlo̧k im jar, ba n̄an Jemedwōj Ilan̄ kōn aolep aō mijak. Iaar kajjitōk ippān bwe en un̄ūr būruwōn Jema. E ekar. Iaar lukkuun bwilōn̄, jema eaar itok n̄an kōjota eo aō ro m̧ōtta raar kōpooje n̄an n̄a Jādede eo m̧okta jān aō em̧m̧akūt. Im M̧ande eo, jema eaar bōk n̄a n̄an airport eo.
Ilo iien mijen eo aō, iaar en̄jake iakwe eo an Anij ilo aō kwaļo̧k kōn gospel eo. Jinō eaar jab bōjrak jān an āinwōt juon jinen, im ke iaar ro̧o̧ltok, e eo jinoin tata eaar atbo̧kwoj eō.
Iaar katak bwe jerbal e juon mijen eļapļo̧k jān juon eddo; ej juon iien ejeja letok im juon iien em̧m̧an n̄an eddōkļo̧k im ekkatak.
Cleison Wellington Amorim Brito, Paraíba, Brazil
Iaar Kwaļo̧k Naan in Kam̧ool eo Aō kōn Anij
Āinwōt juon freshmen ilo unibōjiti eo an laļ eo am, iaar en̄jake kipel n̄an kōm̧m̧ane ijo koņaan em̧m̧an tata. Naan in kōnana ko rekar itok, im ikar jino kajjitōk tōmak eo aō ilo gospel in ilo an elōn̄ iaan rūkaki ro aō kōmeļeļeik ta ko rej kōtmāne rej m̧ool.” Elōn̄ iaan rijikuuļ ro raar jikuuļ ippa rekar ron̄jake. Jukjukinpād in ekar pen n̄an dāpdep ilo jon̄ak ko an Rikūrijin. Iaar ļōmņak in kam̧ōj n̄a ak kar errā bwe ij aikuj pād wōt. Iaar kile ke eļan̄n̄e jet wōt rej maron̄ deļo̧n̄e e university in, im ilubwilijer wōj jet wōt Armej ro Rekwojarjar ilo Raan-ko Āliktata, Innām iaar aikuj in pād im jutak kōn m̧ool eo.
Rūkaki in biology eo aō, juon eo ej jab tōmak ilo Anij, ekar katakin science ilo an ejjeļo̧k an tōmak ilo juon Rikōm̧anm̧an Ekajoor Bōtata. Jekdo̧o̧n ak ilo an ļapļo̧k aō ron̄, ekōļapļo̧k an kōm̧m̧an bwe in jeļā ke ewōr juon eo ilōn̄—Anij, Jemād—eo ekar kōm̧anm̧an men. Ro jet raar iakwelelel bwe meļeļe in ekar jab em̧m̧an. Kōmeļeļe eo am ekar lukkuun ļapļo̧k. Iaar lukkuun kōņaan kajutak peiū im kōmeļeļeiki ke ij tōmak Anij āinwōt Rikōm̧anm̧an eo.
Iien eo ekar itok n̄an leļo̧k kakkobaba ko. Ilo jikuuļ eo aō, ekka an waļo̧k n̄an armej n̄an kapokpok, ellamōjmōj, ak kwaļo̧k jab errā n̄an ro im rej kwaļo̧k ļōmņak ko aer. Iaar jutak ilo peran im kwaļo̧k ilo an alikkar n̄an ro rej jab errā: “Tōmak ilo Anij emaron̄ in jab meļeļe n̄an kom̧ ilo tōrein, ak raan eo enaaj itok eļan̄n̄e enaaj meļeļe n̄an kom̧ ilo an lukkuun alikkar āinwōt n̄an n̄a kiiō.”
Jān iien in, ijan̄in bar ron̄ kōnana n̄e ij jutak kōn tōmak eo aō. Jān iien in im wōnm̧aanļo̧k, iaar eddōkļo̧k ilo ekkatak, mour in iaieo, im mour in jetōb. Ekar jino ļapļo̧k aō bōk koņaaō ilo m̧akūtkūt ko an rijikuuļ, im kar kālet eō n̄an jet iaan jerbal in tōl ko ilo jikuuļ.
Iaar ekkatak ke jutak kōn m̧ool eo jekdo̧o̧n n̄e enaaj pen n̄an kālet ko ņae ilju im jekļaj eo ad.
Vincent A. Molejan Jr., Mindanao, Philippines