Jej Kōnono kōn Kraist
Jadeite Cabbage eo
Rijeje eo ej jokwe ilo Utah, USA.
Ilo mijen eo aō ilo Taiwan, eo m̧ōtta im n̄a kar jolo̧k jidik iien ilo raan in kōppopo eo ilo National Palace Museum eo ilo Taipei. Juon iaan m̧ōttan eo ekaitoktok limo ej kōn juon jin̄a ņaetan Jadeite Cabbage. Elōn̄ armej raar nōbar e, ak men eo de eo ij loe eaar kōm̧m̧an jadeite cappage eo. Iaar lukkuun jeļā, ejjeļo̧k pere, ak bōlen ewōr men en ilikjab kake.
Ke ej dedeļo̧k am pād ilo museum eo, iaar kajjitōk ippān eo m̧ōtta, “Ta ļōmņak eo an kōn Jadeite Cabbage eo?”
“Em̧m̧an ippa jin̄a eo!”
“Etke?” Iaar kajjitōk. “Ej juon cabbage.”
“Kwoj kōm̧m̧an kōjak? Jadeite Cabbage eo ej juon kōkaļļe n̄an mour e aō!” Eaar ba.
“Jadeite Cabbage eo?”
“Aaet! Kwoj jab jeļā bwebwenato eo ke?”
“Ijjab lukkuun.”
Eaar jiron̄ eō kōn bwebwenato eo. Im eaar m̧ool an ba. Eaar erom juon bwebwenato ilo mijen im mour eo aō.
Bwe juon jekjek in jade en lukkuun wōr aorōkin, jade eo eaikuj in wōr juon kōļar eo em̧m̧an. Jekjek ko rej kōm̧m̧ani wiakake jade eo em̧m̧an tata n̄an wōņāān eo eļap kōnke bōlen epen pukot jade eo em̧m̧an tata. Jadeite Cabbage eo emaroro ilo turejet eo juon im emouj ilo turejet eo juon, im ekar kōk im jorrāān. Ejjeļo̧k kapeel in jekjek emaron̄ in jowan ilo kain jade rot in, m̧ae juon rijekjek eo etijem̧ļo̧k me riChina ro rej ņaetan.
Eļan̄n̄e jade in emaron̄ kar kōnono, imaron̄ ba bwe emaron̄ kar kōnono ippān rijekjek in ekāāl. Ij ba rijekjek in emaron̄ kar kotak m̧ōttan jade in.
“Ta eo kwoj kōņaan?” Jade in emaron̄ kar ba.
“Ij pukot jade eo n̄an jeke,” rijekjek eo emaron̄ kar ba.
“Bar pukot m̧ōttan eo juon. Ejjeļo̧k aorōkū. Ewōr ruo kōļarū reoktak jen doon me koban kejeno̧ļo̧ke. Ikōk im inana. Ejamin wōr jabdewōt aorōkū. Jab jerwan am iien.”
“O, kwe juon jade jidikdik eo etano. Tōmak eō. Ij juon rijekjek eo etijem̧ļo̧k. Inaaj kōm̧m̧an juon annañūm mōmmanmōn”
Ta eo ekōm̧m̧an bwe Jadeite Cabbage eo en lukkuun kabwilōn̄lōn̄ ej bwe rijekjek in etijem̧ļo̧k en kōjerbal m̧ōjņo̧ ko ilo jade eo—kōļar ko ruo, kōk ko, im nana—ko n̄an kōm̧m̧an bwe cabbage eo en em̧m̧an ļo̧k an mour. M̧ōttan bwidej eo emouj eaar jino okraņ cabbage eo, im kōk ko im nana ko raar kalle bōlōk ko n̄an kemouri. Eļan̄n̄e en kar jab kōn “m̧ōjņo̧ ko” an jade in, ejjamin kar āinwōt lukkuun m̧ool in.
Kōn m̧ōttan eo eaiboojoj an jin̄a in, eaar erom juon menin leļo̧k n̄an juon iroij ilo China im kar kein kainōknōk wo̧o̧l ko raiboojoj ilo jikin jokwe an kiin̄ in Asia m̧ae eaar jem̧ļo̧k ilo museum eo ilo Taiwan.
Ej kakeememej eō kōn Ether 12:27: “Eļan̄n̄e armej rej tok n̄an Eō Inaaj kwaļo̧k n̄an er aer m̧ōjņo̧. … Aō jouj ebwe n̄an aolep armej ro rej kōttāik er Im̧aō; bwe eļan̄n̄e rej kōttāik er Im̧aō, im wōr tōmak ilo N̄a, innām Inaaj kōm̧m̧an mennin m̧ōjņo̧ ko ren erom kajoor n̄an er.”
Ālkin aō lo Jadeite Cabbage eo, eoon in eaar jino kwaļo̧k juon meļeļe ekāāl. Jej aolep āinwōt m̧ōttan jade in, bōtaab jej pād ilo wāween āj. Jej aikuj in leke rijekjek eo etijem̧ļo̧k, Jisōs Kraist, eo enaaj bōk m̧ōjņō ko ad im kōm̧m̧an bwe ren kajoor. Kōj, ilo jab wānōk eo ad, jet iien jej mije jab wānōk eo ad innām ebbweer kōnke jej ļōmņak jejjab erreeo. Ak ad Rilo̧mo̧o̧r, Jisōs Kraist, ej lo kōj ilo ad maron̄ āinwōt. Ilo ad kōm̧m̧an bwe Pinmuur eo An en jerbal ilo mour ko ad, Enaaj eje kōj bwe jen m̧ōttan ko retijem̧ļo̧k ro renaaj juon raan mour ippān Kiin̄ im kiin̄ ro.