Kajjitōk KO IM Uwaak ko
Kōjebwebweik ļōmņak ko am̧ epen, ak ej pidodo im ej bōktok kōjeram̧m̧an ko: “Ilo am̧ ekkatak n̄an kōjbwebweik ļōmņak ko am̧, komaron̄ eļļā jān imminene ko, im bar imminene ko am̧ make im rej kōbāāklikļo̧k eok. Komaron̄ bōk peran, anjo ioon mijak, im mour juon mour em̧ōņōņō.”1
Barāinwōt ļōmņak kōn kōjeram̧m̧an kein:
-
Ļōmņak ko rereeo renaaj jipan̄ kōkajoorļo̧k lōke eo am̧ ilo im̧aan mejān Anij im Jetōb Kwojarjar enaaj m̧ōttam (lale D&C 121:45–46).
-
Ļōmņak ko rereeo renaaj jipan̄ eok kile im̧we eo, kōnke Jetōb Kwojarjar ej kōnono n̄an būruwōm̧ im am̧ ļōmņak (lale D&C 8:2–3).
-
Ļōmņak ko rereeo renaaj jipan̄ eok pokake kien eo eļap im im̧aan tata: n̄an iakwe Anij kōn aolep būruwōm̧, am̧, im ļōmņak (lale Matu 22:37).
Elōn̄ men ko komaron̄ kōm̧m̧ani n̄an bōk ļōmņak ko rereeo, āinwōt am̧ maron̄ loe jān ļōmņak kein ilo peij kein. Bōtaab juon iaan men ko kwoj aikuj in kōm̧mane—im ej bōk juon iien eo eaitok—ej n̄an anjo̧ ioon “em̧m̧aan ilo lukkuun piktokin.” Em̧m̧aan ilo pikotokin ak kōrā em̧m̧an ippāer ļōmņak ko rettoon. En̄in ej wāween n̄an anjo̧ jāne: “Armej ilo lukkuun pikitokin ej ri kōjdat n̄an Anij … im enaaj, indeeo im indeeo, m̧ae an naaj kōtļo̧k e n̄an kareelel ko an Jetōb Kwojarjar, im utikļo̧k armej eo ilo lukkuun pikitokin im erom juon ri kwojarjar kōn pinmuur eo an Kraist Irooj, im erom āinwōt juon ajri, ettā, inem̧m̧an, ettā bōro, kemmaanwa, obrak kōn iakwe” (Mosaia 3:19).
Ta juon men komaron̄ kōm̧m̧ane rainin n̄an karuwaineneik Pinmuur eo an Rilo̧mo̧o̧r n̄an bōktok oktak in n̄an mour eo am̧?
Media im Ro M̧ōttam̧
Juon ijjino eo em̧m̧an ej kālet pija ko rem̧m̧an, al ko, im jeje ko. Kālet ro m̧ōttam̧ im iaio ko aer renaaj dāpij kōnono ko rereeo im m̧akūtkūt ko rejim̧we. Ilo an lōn̄ men ko rem̧m̧an kwoj ļōmņak kaki, kwonaaj loe an pidodo n̄an joļo̧k ļōmņak ko renana, im enaaj dikļo̧k aer itok.
Amber S., 18 iiō, British Columbia, Canada
Jar
Jar ej kepaakļo̧k eō n̄an Jemedwōj Ilan̄ im jipan̄ eō ļōmņak wōt kōn ļōmņak ko rem̧m̧an. Riit jeje ko rekwojarjar aolep iien ej kōkajoorļo̧k lōke eo aō ilo anjo̧ ioon kapo ko; ilo jeje ko rekwojarjar imaron̄ loe waanjon̄ak ko an rikaļoor ro retiljek an Kraist. Kwaļo̧k naan in kam̧ool eo aō ej jipan̄ eō dāpij wōt ļōmņak ko aō rereeo.
Dasha M., 17 iiō, Kyiv, Ukraine
Jeje ko rekwojarjar
Riiti jeje ko rekwojarjar aolep jibbon̄ m̧okta jān jikuuļ ej jipan̄. Ilo wōt iien eo ej wōr ļōmņak ko rettoon ippa, ij ilo iien eo wōt bōk jikier kōn jet ko rem̧m̧anļo̧k. Ijjello̧kin am̧ ba, “Jab, jab ļōmņak kake” (eo im ej juon men eo em̧m̧an n̄an kōm̧m̧ane), ņa jikin kōn juon ļōmņak eo em̧m̧an. Keememej, kwe kwoj peek kōļmenļo̧kjeņ eo am̧ ejjab Satan. Jej ļaddik ro im leddik ro nejin Jemedwōj Ilan̄ im rej pād ilo juon mijen em̧m̧an n̄an kōkōm̧anm̧anļo̧k kōj make.
Nick C., 16 iiō, Arkansas, USA
Em̧m̧an ak Jim̧we?
Kwojjab maron̄ in kōjbwebweik eļan̄n̄e juon ļōmņak ej itok, ak komaron̄ kōjbwebweik eļan̄n̄e ej pād wōt. Komaron̄ kajjitōk: Ļōmņak in enaaj ke boktok men ko rem̧m̧an n̄an eō? Enaaj ke jipan̄ eō etal ilo iaļ eo ejim̧we? Eļan̄n̄e juon ļōmņak ekapopo ej itok, al juon al em̧m̧an, ļōmņak kōn juon iien elukkuun em̧m̧an, ak jar. Eļapļo̧k wōt kōn ņa jikin ļōmņak ko renana kōn jet ko rem̧m̧an.
Lisa P., 17 iiō, Denmark
Waanjon̄ak eo an Liai:
Ilo 1 Nipai 15:27, Nipai eaar jiron̄ ro jein im jatin bwe jemeer, ilo visiōn eo an kōn wōjke in mour, eaar jepooļ kōn men ko renana. Ak Liai eaar jab kile men ko renana kōnke “ļōmņak eo an [ekar] pād kōn men ko jet.” Menin ej bar m̧ool n̄an kōj rainin. Eļan̄n̄e jej ikdeleel n̄an obrak kōn men ko rem̧m̧an, jar kake, im ļōmņak wōt kōn men ko rejim̧we, innām ļōmņak ko ad enaaj obrak kōn men ko rem̧m̧an im erreo bwe ko rejjab erreo enaaj ejjeļo̧k aer kajoor n̄an pād.
Hattie W., 16 iiō, Arizona, USA
Al ko
Al in jar ko remaron̄ jipan̄ kōj bōk ļōmņak ko rereeo. Al ko rem̧m̧an rej kōļapļo̧k jetōb. N̄e ij ron̄jake al in jar ko, rej aolep iien kōļapļo̧k aolep inem̧m̧an im bōk mejatoto in aiboojoj eo an al. Rej jipan̄ eō keememej iakwe eo an Jemedwōj Ilan̄ n̄an kōj, im ekōm̧m̧an an pidodo n̄an jab po ilo menin kapo.
Amanda A., 18 iiō, Amazonas, Brazil
Ekkatak jeje ko rekwojarjar an Baam̧le
N̄e ļōmņak ko rejjab erreo rej itok n̄an ļōmņak e aō, ij kajjieon̄ in keememej eoon eo baam̧le eo aō im n̄a kōm̧ kar riiti in jibbon̄. Aolep jibbon̄ ilo 6:00 awa, baam̧le eo aō ej riit jeje ko rekwojarjar ippān doon. Elukkuun jibbon̄, ak ej juon kōjeram̧m̧an im ej kōm̧m̧an bwe in kajoorļo̧k ilo raan eo.
Elena W., 16 iiō, Switzerland
Kwojkwoj
Jar in kwojkwoj eo ej kwaļo̧k bwe eļan̄n̄e jenaaj bōk iood etan Kraist, keememej kien ko An im keememej E iien otemjej, jenaaj aolep iien bōk jetōb eo An ippād. Jān keememej E, jej kōm̧m̧ane ijo koņaad n̄an iuunm̧aanļo̧k ļōmnak ko an mour in im ļōmņak wōt kōn ļōmņak ko an mour eo indeeo. Eļan̄n̄e jej keememej E aolep iien, ļōmņak ko ad, im ikdeleel ko, im jerbal ko renaaj oktak n̄an men ko rem̧m̧anļo̧k.
McKay M., 18 iiō, Utah, USA