BAIJIN eo Eļap an Kapopo
Alison L. Randall, Utah, USA
Ke ikar diwōj jen kōjem eo im̧aan m̧weo n̄an bōk nuujpepa eo, ikar loe juon men eo ejjab em̧m̧an ippa. Juon ejojik ebūroro in kūnaļ kar waļo̧k bon̄ōn eo, rej pād ikōtaan cement ko ilo jikin etetal eo im ujoj ko aō.
Jekdoon n̄e komro kar jab ļeo pāleeō to amro jokwe ilo Texas, USA, ijeļā jen iminene bwe kōmetak ko n̄e kinaļ ko rej kij kōj, ejjab kōn kōļar ko aer, im unin aer bun̄bun̄ etaer. Ikar etal n̄an kūraaj eo, ijo kōm ej likūt kein baijin in m̧anm̧an menin mour jiddik. Innām ikar riiti kōmeļeļe ko idipin men eo.
“[Baijin in m̧anm̧an menin mour jiddik in] eļap an em̧m̧an n̄an kūnaļ būrōrō ko,” kar āindein an riit. “Renaaj ineki n̄an ron̄ ko aer, naajdik lerroj eo aer, im aolepān jarlepju in kūnaļ eo naaj mej.” Kōmlele eo ekar ba in wūtdikdik jet iaan men ko ioon kab tōrere in ron̄ ko. Kūnal ko renaaj kam̧ōjļo̧k.
Ikar pere. Kūnaļ būrōrō ko ikar lōmņak rekar meletlet, maron̄ in kalōk juon ejojik ekilep ilo juon bon̄. Ikar pere ke renaaj kar bwebwe jen baijin ko rejjab alikkar, bōtaab ikar etal wōt im lutōke.
Jidik iien tokālik ikar loe eojik eo ej lukkuun in boub in makūtkūt. Ikar ettoļo̧k ak ikar bōjrak im lale aer makūtkūt. Rekar lukkuun in m̧ōņōņō āinwōt n̄e ekar wōtlo̧k manna jān lan̄. Rekar kij men ko remouj n̄an lon̄ier im iuun doon ilo aer ekairir n̄an bōk baijin ko ijo jikier.
Ikar lale im lukkuun bwilōn̄. Rekar lukkuun m̧ōņōņō in ebbōk baijin n̄an m̧oko m̧weer. Ilo an lukkuun alikkar, naan ko “lukkuun em̧m̧an beltokin” ejjan̄in kar lukkuun in ļap kilaan. Ilo juon wāween kom̧bani in baijin in m̧anm̧an menin mour jiddik ko ekar maron̄ in kōm̧m̧ane juon men eo enana—Kauwatata bar āinwōt—lukkuun em̧m̧an ilo ad lale.
Ijjan̄in kar ello waanjon̄ak in wāween an men ko renana maron̄ in kōm̧m̧an bwe ren em̧m̧an lali. Ej kōm̧m̧an bwe in lōmņak ewi wāween an Satan kōm̧m̧ane ejja jōkjōk in. Ikar bōk kaenōm̧m̧an n̄an kile ke jekdo̧o̧n n̄e enaaj wūtdikdiki baijin kein an rettino iturin m̧weo im̧ō, ejjab maron̄ in kadeļon̄i—ijjelo̧kin n̄e inaaj kōtļo̧k. Kōn menin ewi wāween aō likūt wōt nam̧ōj?
Juon iaan eoon ko rem̧m̧an tata ippa ej itok n̄an ļōmņak e aō: “Bwe lo, Jetōb in Kraist em̧ōj leļo̧k e n̄an aolep armej, bwe en maron̄ jelā em̧m̧an jān nana.” Kōn jetōb in, Mormon ej kōmleleik, jej “maron̄ jeļā kōn juon jeļāļo̧kjeņ eweppān” eļan̄n̄e juon men ej jān Anij ak Satan (Moronai 7:16).
Iien eo ikar lale an kūnaļ ko rekar jorrāān rekar kobrak n̄a kōn kam̧m̧olol bwe ļeo pāleeō kab n̄a maron̄ in arto artak im lukkuun lale eļan̄n̄e kōm ej kōtļo̧k bwe juon men en itok n̄an m̧weo im̧ōm. Jerbal eo am ekar n̄an katakin ajri ro n̄an ļoor Jetōb in Kraist bwe er ren bar maron̄ jeļā baijin ko eļan̄n̄e raar jelm̧ae.
Ilo aō bōjrak ijo, lale kūnaļ ko aer bōk aolep men ko n̄an ijo jikier, ikar kallim̧ur n̄an kōm̧m̧ane jon̄an wōt aō maron̄ bwe in kabōjrak baijin ko jen m̧weo im̧ō.
Kōmeļeļe eo ekar ba in wūtdikdik jet iaan men ko ioon kab tōrerein ron̄ ko. Kūnal ko renaaj kam̧ōjļo̧k.