ដំណឹងល្អនៅក្នុងជីវិតរបស់ខ្ញុំ
ទីបន្ទាល់រួមគ្នាតែមួយរបស់ខ្ញុំ
អ្នកនិពន្ធរស់នៅប្រទេសសិង្ហបុរី ។
ចំពោះខ្ញុំ សេចក្ដីពិតដ៏ពេញលេញនៃដំណឹងល្អនៃព្រះយេស៊ូវគ្រីស្ទ និង សេចក្ដីពិតដ៏ពេញលេញនៃព្រះគម្ពីរមរមនគឺរួមគ្នាតែមួយ ។ ប្រសិនបើដំណឹងល្អពិត នោះព្រះគម្ពីរមរមនពិត ។
ពួកអ្នកផ្សព្វផ្សាយសាសនាបង្រៀនគ្រួសារខ្ញុំពីដំណឹងល្អក្នុងផ្ទះរបស់យើងក្នុងប្រទេសសិង្ហបុរី ។ ឪពុកខ្ញុំមិនបានចូលក្នុងសាសនាចក្រទេ ប៉ុន្តែម្ដាយខ្ញុំបានចូល ។ គាត់បានបង្រៀនយើងពីព្រះយេស៊ូវគ្រីស្ទ និងពីដំណឹងល្អរបស់ទ្រង់ ។ សូម្បីតែកាលពីក្មេង ខ្ញុំបានប្រាប់ដល់មិត្តខ្ញុំដោយមោទនភាពថា ខ្ញុំជាពួកបរិសុទ្ធថ្ងៃចុងក្រោយ ។
ខ្ញុំតែងទុកចិត្តលើការបង្រៀនរបស់ម្ដាយខ្ញុំ ។ ប៉ុន្តែកាលខ្ញុំធំក្នុងវ័យជាមជ្ឈិមវ័យវ័យក្មេង មានអ្នកផ្សព្វផ្សាយសាសនាម្នាក់បានសួរខ្ញុំថា ខ្ញុំបានអានព្រះគម្ពីរមរមនប៉ុន្មានដងហើយ ។ ខ្ញុំធ្លាប់ត្រូវបានគេសួរសំណួរនេះពីមុន ប៉ុន្តែពេលនេះខ្ញុំបានដឹងថា ដោយសារខ្ញុំមិនបានអានព្រះគម្ពីរមរមន ខ្ញុំមិនដឹងថាវាពិតដែរឬអត់នោះទេ ។
ការពិតមួយដែលមិនអាចបដិសេធបាន
ខ្ញុំមិនអាចគេចវេសពីការពិតមួយដែលមិនអាចបដិសេធបានថា ៖ សេចក្ដីពិតដ៏ពេញលេញនៃដំណឹងល្អនៃព្រះយេស៊ូវគ្រីស្ទ និង សេចក្ដីពិតដ៏ពេញលេញនៃព្រះគម្ពីរមរមនគឺរួមគ្នាតែមួយ ។ ប្រសិនបើដំណឹងល្អពិត នោះព្រះគម្ពីរមរមនពិត ។ ដោយសារខ្ញុំមិនដឹងថាព្រះគម្ពីរមរមនពិតដែរឬអត់ ឥឡូវនេះខ្ញុំមានអារម្មណ៍សង្ស័យចំពោះអ្វីៗគ្រប់យ៉ាងដែលខ្ញុំបានជឿតាំងពីក្មេងមក ។ គំនិតខ្ញុំពោរពេញដោយភាពច្របូកច្របល់ ហើយសំណួរដែលថា— « តើព្រះគម្ពីរមរមនពិតដែរឬទេ ? » —បានបន្តមាននៅក្នុងដួងចិត្តខ្ញុំ ។
ការកើនឡើងនូវទំនាក់ទំនងនឹងព្រះអង្គសង្គ្រោះ ព្រះយេស៊ូវគ្រីស្ទ ក៏បានដឹងនាំខ្ញុំឲ្យចង់បានសេចក្ដីពិតផងដែរ ។ នៅថ្ងៃដែលខ្ញុំបានដឹងថា ខ្ញុំមិនរៀនពីព្រះយេស៊ូវគ្រីស្ទបានពេញលេញឡើយ ប្រសិនបើគ្មានការអានព្រះគម្ពីរមរមនដោយយកចិត្តទុកដាក់នោះ គឺជាថ្ងៃដែលខ្ញុំចង់ដឹងយ៉ាងខ្លាំងថាតើព្រះគម្ពីរនោះពិតដែរឬអត់ ។
បានហៅជាគ្រូបង្រៀន
ខ្ញុំបានអធិស្ឋានសូមការដឹកនាំ ។ នៅពេលនេះ ប្រធានសាខាខ្ញុំបានហៅខ្ញុំឲ្យបង្រៀនពីព្រះគម្ពីរមរមននៅក្នុងថ្នាក់បង្រៀនគោលលទ្ធិដំណឹងល្អ ។ ខ្ញុំបានទទួលយកការហៅនោះ ដោយសារខ្ញុំមានអារម្មណ៍ថាវាអាចជាចម្លើយរបស់ព្រះអម្ចាស់ ដើម្បីជួយខ្ញុំឲ្យដឹងពីសេចក្ដីពិតនៃព្រះគម្ពីរមរមន ហើយខិតជិតនឹងព្រះអង្គសង្គ្រោះ ។
ការបង្រៀនមានការលំបាកណាស់ ។ បន្ទាប់ពីពីរបីសប្ដាហ៍ដំបូងមក ខ្ញុំបានដឹងថា ខ្ញុំការបង្រៀនរបស់ខ្ញុំនឹងគ្មានប្រសិទ្ធភាពឡើយរហូតដល់ខ្ញុំជឿលើព្រះគម្ពីរមរមន ។
ដំណើររឿងបានបើកសម្ដែងមួយជំពូកម្ដងៗ
ខ្ញុំបានចាប់ផ្ដើមសិក្សាព្រះគម្ពីរមរមនរាល់សប្ដាហ៍ ហើយមិនយូរប៉ុន្មានបានរកឃើញនូវសេចក្ដីអំណរនៅក្នុងការអានរបស់ខ្ញុំ ។ ដំណើររឿងនៅក្នុងព្រះគម្ពីរមរមនបានបើកសម្ដែងមួយជំពូកម្ដងៗ ហើយបាននាំខ្ញុំខិតទៅជិតព្រះយេស៊ូវគ្រីស្ទ ។
ខ្ញុំបានអានពីការប្រសូតរបស់ព្រះគ្រីស្ទដែលនីហ្វៃបានឃើញនៅក្នុងការនិមិត្តមួយថា ៖
« ហើយខ្ញុំបានឃើញភូមិណាសារ៉ែត ហើយនៅភូមិណាសារ៉ែត ខ្ញុំបានឃើញនាងព្រហ្មចារីម្នាក់ ហើយនាងស្រស់ល្អ ហើយសដ៏លើសលប់ ។ …
« ហើយទេវតាមានបន្ទូលមកខ្ញុំថា ៖ មើលចុះ នាងព្រហ្មចារីដែលអ្នកឃើញនោះគឺជាមាតានៃព្រះរាជបុត្រានៃព្រះ ស្របតាមខាងឯសាច់ឈាម » ( នីហ្វៃទី 1 11:13, 18 ) ។
ខ្ញុំបានអានពីផែនការនៃសុភមង្គល ហើយបានរៀនថា សេចក្ដីជំនឿលើព្រះយេស៊ូវគ្រីស្ទគឺជាចាំបាច់ចំពោះសេចក្ដីសង្គ្រោះយើង ។ អាមូលេកបានបង្រៀនថា ៖
« ខ្ញុំដឹងថាព្រះគ្រីស្ទនឹងយាងមកក្នុងចំណោមកូនចៅមនុស្ស ដើម្បីទទួលយកនូវអំពើរំលងទាំងឡាយនៃប្រជារាស្ត្ររបស់ទ្រង់ ហើយថាទ្រង់នឹងធ្វើឲ្យធួននឹងអំពើបាបទាំងឡាយនៃមនុស្សលោក ព្រោះព្រះអម្ចាស់ដ៏ជាព្រះ ទ្រង់មានព្រះបន្ទូលថាដូច្នោះ ។
… ត្បិតស្របតាមផែនការដ៏មហិមានៃព្រះដ៏នៅអស់កល្បជានិច្ច នោះត្រូវតែមានដង្វាយធួនមួយកើតឡើង បើពុំនោះសោតទេ មនុស្សលោកទាំងអស់នឹងពុំអាចចៀសផុតពីសេចក្ដីវិនាសបានឡើយ » (អាលម៉ា 34:8–9) ។
ខ្ញុំបានអានពីព្រះយេស៊ូវគ្រីស្ទបម្រើដល់រាស្ត្រផ្សេងទៀតរបស់ទ្រង់នៅទ្វីបអាមេរិកសម័យបុរាណ ហើយខ្ញុំបានដឹងថា ទ្រង់គឺជាព្រះនៃគ្រប់ជាតិសាសន៍ ។ ទ្រង់មានបន្ទូលប្រាប់ទៅសាសន៍នីហ្វៃថា ៖ « អ្នករាល់គ្នាគឺជាពួកអ្នកដែលយើងបាននិយាយថា ៖ យើងក៏មានចៀមឯទៀតដែលមិននៅក្នុងក្រោលនេះនៅឡើយ ត្រូវតែយើងនាំចៀមទាំងនោះមកដែរ ហើយវានឹងស្ដាប់តាមសំឡេងយើង នោះនឹងមានក្រោលតែមួយ និងអ្នកគង្វាលតែមួយវិញ » ( នីហ្វៃទី 3 15:21 ) ។
ទីបន្ទាល់ខ្ញុំកើតមានបន្តិចម្ដងៗ
កាលខ្ញុំអានព្រះគម្ពីរមរមន សេចក្ដីជំនឿរបស់ខ្ញុំលើព្រះយេស៊ូវគ្រីស្ទបានភ្លឺ ហើយការយល់ដឹងរបស់ខ្ញុំស្ដីពីផែនការរបស់ទ្រង់បានកើនឡើង ( សូមមើល អាលម៉ា 32:28 ) ។
ខ្ញុំសូមថ្លែងទីបន្ទាល់ថា ព្រះគម្ពីរមរមនគឺជាមូលដ្ឋានៃសាសនារបស់យើង ។ ព្រះវិញ្ញាណបរិសុទ្ធបានបើកបង្ហាញដល់ខ្ញុំថា យ៉ូសែបស៊្មីធ គឺជាព្យាការីពិតមួយរូបដែលបានស្ដារសាសនាចក្រព្រះឡើងវិញនៅលើផែនដីនេះ និងជាអ្នកដែលបានបកប្រែព្រះគម្ពីរមរមនចេញពីផ្ទាំងចំណារមាសនោះ ។ ព្រះគម្ពីរមរមនថ្លែងទីបន្ទាល់ពីព្រះយេស៊ូវគ្រីស្ទ ហើយធ្វើការទន្ទឹមគ្នានឹងព្រះគម្ពីរប៊ីប ។ ព្រះគម្ពីរទាំងពីរនេះថ្លែងទីបន្ទាល់រួមគ្នាថា ព្រះយេស៊ូវគ្រីស្ទគឺពិតជាព្រះរាជបុត្រានៃព្រះ ហើយថាទ្រង់គឺជាព្រះនៃគ្រប់ជាតិសាសន៍ មិនមែនតែមួយនោះទេ ។