Molimau Faapitoa
Aisea ua taua tele ai galuega o talafaasolopito o aiga?
Sii mai i le “O Le A Liliu Atu Loto o Fanau i o Latou Tama,” Liahona, Nov. 2011, 24–27.
O uso o le Korama a Aposetolo e Toasefululua o ni molimau faapitoa a Iesu Keriso.
Ua folafola mai e le Perofeta o Iosefa Samita e faapea o la tatou “tiutetauave sili lava i lenei lalolagi … o le sailia lea o o tatou tagata ua maliliu.”1
O talafaasolopito o aiga o se vaega taua o le galuega o le faaolataga ma le faaeaga.
Ua ia i tatou le tiutetauave faalefeagaiga e saili o tatou tuaa ma saunia mo i latou sauniga faaola o le talalelei.
Ou te valaau atu i tupulaga talavou o le Ekalesia ina ia aoao ma ia iloa le Agaga o Elia.2
Ou te uunaia outou ia suesue, ia sailia o outou augatuaa, ma ia sauniuni outou lava e faia papatisoga sui i le malumalu mo o outou aiga ua maliliu.
A o outou tali atu ma le faatuatua i lenei valaaulia, o le a faapea ona liliu atu o outou loto i o outou tamā.
O le a faateleina lo outou alolofa ma le agaga faafetai mo o outou tuaa.
O le a puipuia outou i lo outou talavou ma i o outou olaga atoa.
O lau molimau ma [lou] liua i le Faaola o le a faapea ona loloto ma tumau.
Ata na tusia e Adam Koford