Ana Kete te Ekaretia n ana Karikiram ae Boou te Roronrikirake ibukin 2013

Ni moanaki n te namwakaina aei, taan reirei ao taan kairiiri rinanon nako te Ekaretia a na waaki ni katabwanina ana kete te karikiram ae boou ibukiia te roronrikirake, Come, Follow Me: Learning Resources for Youth, (Nakomai, Irirai: Bwaain n Reirei ibukia te Roronrikirake), moan katanoataaki inanon Tebetembwa n ana reta te Moan Beretitentii.

N lds.org/youth/learn, Kairake n Ataeinnaine, Nakoanibonga ae te Aaron, ao taan reirei n te Reirei n Taabati ao taan kairiiri a kona ni kunei reirei inanon 23 taetae. Reirei ni kabane a kona ni boretiaki. Naake akea aia intanete a kona n reitaki ma aia tia kairiiri ni kakaea bwa a kanga Come, Follow Me ni karekeaki n aia aono..

“Te karikiram ae e boou e karini reirei aika beebete n te euangkerio ao reirei naba ibukin ana kawai te Tia Kamaiu,” n ana reta te Moan Beretitentii e kangai. “Ti kakoaua [e] na kakabwaiaia te roronrikirake n aia mwakuri nrairaki n te aro ae bwanin nakon ana euangkerio Iesu Kristo.”

Inanon Come, Follow Me, ni katoa namwakaina n te ririki e katannakoa atuun te reirei, ao ni kabane Reirei n Taabati, Kairake n Ataeinnaine, ao kiraati n te Nakoanibonga n te Aaron a na kamatebwaia te reirei n te namwakaina anne.

Ni katoai reirei iai mwakoro aika aua: katauraoi n te maiu n tamnei ibukiia taan reirei, iango ni kaota atuun te reirei, iango ni waaki ni kakukurei aika a rineaki, ao te mwakoro ni kaoia te roronrikirake ni karaoi. Taan reirei a tuangaki bwa a na ukoukora ana kairi te Tamnei n rinean ao ni karaoan te reirei are e boboto i aon kainnanoia aia ataei.

Te webutiaite e kairii witeo aika ibuobuoki ake e kabwarabwaraa aron karaoan karikiram aika a boou, iango ibukin katauraoi ni karaoan waaki ni kakukurei aika a na reiakinaki, ao boki ni kairi aika a boou, Teaching the Gospel in the Savior’s Way, (Reirei te Euangkerio n ana Kawai te Tia Kamaiu).

Taeka i etan te Tamnei

Anganano