Te Rongorongo Ni Kakawari n Reirei
Mwakuri ni Mitinare
Tataro mwaaka ni kamatebwaia te bwai n reirei aei, n arona ae riai, maroroakinna ma aine ake ko kawariia. Kabonganai titiraki bwa a na buokiko ni kakorakoraia aine ao ni karaoa te Bootaki n Aine bwa iteran maium ae kakaawaki. Ibukin rongorongona riki tabeua, nakon reliefsociety.lds.org.
Onimaki, Utu, Buoka
Aomata Aika Itiaki ni Boong aika Kaitira a kanakoaki “ni beku [n Ana nne ni kurebe] te Uea ibukin kamaeiuaia tamneia aomata” (D&C 138:56), are e ikotaki ma te mwakuri ni mitinare. Ti aki tangira te mwakuri ni mitinare raoi n tibwauan te euangkerio. Tabeman a tia ni kakabwaiaki maiuia n te ekaretia are e mena iroura, ngkai ti katauraoira raoi, te Uea e na kamanenaira. Taan kakawari n reirei a kona n rabwataki aia mwakuri n tamnei ao buoka “ni uota te aki mamate ao te maiu akea tokina iroun te aomata” (Moses 1:39).
Ngke te Burabeti Iotebwa Timiti e wakina Aia Botaki Aine n te 1842, e taku bwa aine aki ti taraia aika a kainano ma ana kamaiu tamnei naba.1 Aio bon ara mwakuri.
“Te Uea … e onimakina kakoauan te koaua irouia te koraki ake a tibwauaia ma tabeman,” e kaeka Beretitenti Dieter F. Uchtdorf, te Kauoman ni Kauntira n te Moan Beretitentii. “Riaon anne, te Uea e kantaningaia membwa n Ana Ekaretia bwa ana ‘kauka [wiia] n taai nako, n taekina [Ana] euangkerio ma te bwana ni kimareirei’ (D&C 28:16). … N taai tabetai mwakoron te koaua e kona ni katei waaki aika a maeu are e kona n rota maiun temanna n te maiu ae akea tokina.”2
Man Koroboki aika tabu
Man Ara Rongorongo ni Kawai
Rongorongon Olga Kovářová kain ngkoa Czechoslovakia ngaia te katoto ni karaoan te mwakuri ni mitinare n rongorongon ara Botaki n Aine. N te 1970, Olga atein te reirei ae karekea ana taokita ao e kainano ni baki ibukin kanan tamneina ni maiuna. E ata te aine 75-ana-ririki ae Otakar Vojkůvka, ae kain te Ekaretia irouia aika Itiaki. “E kaoti nakoiu te mwaane ae itibwi-ma-nimaua ana ririki ma inanona ai tibwa te bwi ma waniua ma te kukurei ae onrake irouna,” e taku.“Aio te tai ae aki rereke i Czechoslovakia n tain te aki nakoraoi.”
Olga e titirakina Otakar ao ana utu bwa kanga ni kunea te kukurei. A kabwarabwara nakoia membwa tabeman n te Ekaretia ao n angan ana Boki Moomon. E warekia ma nanona ao imwina bwabetitoaki and ni kamatoaki. Imwin te tai anne Olga e rotaki ni bwai aika a raraoi te aonaaba ae rotaki n te mangaongao ao bwainikirinan ekaretia. E beku ngaia bwa te Beretitenti n te botaki n aine n ana mwaanga ae uarereke ao ni buoka kamaiuaia tamnei tabeman ni uotia nakon Kristo.3
Kamatataki n te Korobanna iroun Matthew Reier