Tekem Praemeri I Go Hom

Ol Blesing blong Prishud Oli Stap blong Evriwan

Yu save yusum lesen mo aktiviti ia blong lanem moa abaot stamba toktok blong Praemeri blong manis ia.

Taem we Josef Smit i bin stap transletem Buk blong Momon, hem mo man we i stap raet blong hem, Oliva Kowdri, tufala i bin gat wan kwestin. Tufala i bin go long bus blong ol tri blong prea from samting ia. Taem we tufala i bin stap prea, wan mesenja blong heven i bin kamdaon long wan klaod blong laet. Mesenja ia, i bin Jon Baptaes. Hem i bin putum han blong hem antap long hed blong Josef mo Oliva mo i bin givim Aronik Prishud long tufala. Afta, Jon Baptaes i bin komandem Josef mo Oliva blong tufala i mekem baptaes blong wanwan long tufala bakegen. Wan sot taem afta, ol Aposol Pita, Jemes, mo Jon, oli bin kam long wol mo oli bin odenem Josef mo Oliva long Melkesedek Prishud. Prishud blong God i bin stap bakegen long wol. (Luk long Testemoni blong Josef Smit, 32667 852, pej 2).

Tru long prishud, yumi save kasem ol gudgudfala blesing mo odinens. Ol blesing olsem, oli tekem olgeta blesing we ol papa mo ol narafala man we oli gat prishud oli givim long ol niubon bebi, long olgeta we oli sik, mo long olgeta pikinini. Yumi mas kasem tu sam prishud odinens blong save gobak long Papa long Heven. Sam long ol odinens ia oli tekem baptaes andanit long wota, kasem presen we i Tabu Spirit, mo ol tabu odinens blong tempol we i save silim ol famle tugeta blong oltaem. Mo tu, insaed long tempol, oli save mekem ol odinens long bihaf blong ol pipol we oli bin ded finis be oli no kasem ol blesing blong gospel. Ol blesing blong prishud oli stap blong yumi evriwan i kasem!

Singsing mo Skripja

• Jusum wan singsing abaot prishud long Children’s Songbook

• Luk long Doctrine and Covenants 64:34 o jusum wan skripja abaot prishud.

Yu Nomo

Ridim wan ples insaed long Testemoni blong Profet Josef Smit (32667 852) abaot taem we prishud i bin kambak. Yusum ol ves ia blong helpem yu blong fulumap ol waet spes we oli stap andanit ia. Long wan narafala pis pepa, raetemdaon ol narafala samting we yu lanem taem yu stap ridim ol ves ia.

1. “Prishud blong Eron … i holem ol ki blong seves blong , mo blong gospel blong .”

2. i bin faswan blong kasem baptaes.

3. Oliva Kowdri i bin baptaesem .

4. Jon Baptaes i bin mekem wok anda long daereksen blong , , mo .

5. Pita, Jemes, mo Jon, afta long hemia, oli bin givim Prishud i go long Josef mo Oliva.

Ol Ansa: 1. ol enjel, fasin blong sakem sin; 2. Oliva Kowdri; 3. Josef Smit; 4. Pita, Jemes, Jon; 5. Melkesedek.

JR Aktiviti: Prishud I Helpem Ol Pipol

Prishud, hem i paoa blong God blong givim seves mo blesem ol pipol tru long ol odinens mo ol blesing. Long ol pikja ia, droem yuwan insaed long wanwan pikja ia.

Ol man we oli gat prishud oli blesem mo pasem sakramen. Droem yuwan we yu sidaon long jea, yu rere blong tekem sakramen.

Oli save givim ol blesing blong prishud long olgeta sikman. Droem yuwan we i stap long bed, we yu no harem gud.

Oli save silim ol famle tugeta tru long ol odinens blong tempol. Droem famle blong yu long fored blong tempol.

Blong kasem baptaes mo kasem presen we i Tabu Spirit, oli ol prishud odinens. Droem yuwan we yu stanap long fored blong ples blong baptaes.

Lef: Restoresen blong Melkesedek Prishud, i kam long Kenet Raeli © 1965 IRI; inset: pikja we i kam long Filis Luj © 1988 IRI; Blesem Olgeta long Nem blong Olgeta, i kam long Wolta Rein © IRI; raet: ol pikja oli kam long Rebeka Mila