Ka ʻeke mai ʻe he kakaí e ʻuhinga ʻoku tau ʻave ai e kau faifekaú ki he ngaahi puleʻanga Kalisitiané, ko e hā haʻaku?
Tā fakatātaaʻi ʻo e ʻatá ʻe Sway Chavez
ʻOku ʻuhinga e “ngāue fakafaifekaú”ki he kakai tokolahi ʻoku ʻikai ko ha kāingalotu ʻo hotau Siasí, ko e ʻalu ki ha fonua mamaʻo ʻoku ʻikai ke nau Kalisitiane ke lava ʻo akoʻi kiate kinautolu ʻa e tui faka-Kalisitiané pea fai ai mo e tokoni ʻofa fakaetangatá. ʻI heʻenau ʻiloʻi ʻoku fai e “ngāue fakafaifekau” hotau Siasí ʻi he feituʻu ʻoku nau nofo aí, mahalo te nau fifili pe ko e hā hono ʻuhingá.
ʻOku maʻá e māmaní kotoa e pōpoaki ʻoku vahevahe heʻetau kau faifekaú, pea tau ʻave kinautolu ki he māmaní kotoa. ʻOku tau tui kuo toe fakafoki mai e kakato ʻo e ongoongolelei ʻo Sīsū Kalaisí, kau ai e Siasi ʻo Kalaisí mo e mafai ʻo e lakanga fakataulaʻeikí ʻoku fie maʻu ki hono fakahoko e ngaahi ouau hangē ko e papitaisó. Ko e Siasí ni pē ʻoku kakato ai e ongoongolelei kuo toe fakafoki maí. ʻOku tau ʻave e kau faifekaú ki he kakai kotoa pē, koeʻuhi he ʻoku fie maʻu ke fanongo e kakai kotoa pē ki he pōpoakí ni, ʻo kau ai e ngaahi feituʻu ʻoku ʻi ai ha tukufakaholo fuoloa ʻo e tui faka-Kalisitiané.