O Tulaga Mataina a le Aufaipese a le Tapeneko

E faitau miliona tagata i le lalolagi atoa e masani i musika a le Aufaipese a le Tapeneko, pe e ala i pesepesega a le aufaipese i le konafesi aoao, po o le polokalama faalevaiaso ua 83 tausaga le umi o le Musika ma Afioga Tulei. Ae peitai, o se tulaga faaleiloa tele ia faamatalaga auiliili o aso taitasi e faatatau i lenei vaega o tagata pepese.

O le Aufaipese a le Tapeneko e 360 tagata pepese volenitia o i ai e i le va o le 25 i le 60 tausaga le matutua. I aluga o tausaga, ua 28 atunuu ua malaga i ai le aufaipese ma na faafiafia i setete e 37 faapea Uosigitone, D.C. E masani lava ona latou felelei faatasi o se vaega i se eria latou te faafiafia ai. Mai iina latou te o ai i ni pasi se 11, ma e mulimuli atu ai ni pasi se 4 o atopau ma taavaletoso e 4 o loo aveina atu ia mea e faaaoga e le aufaipese. Ona latou malaga lea i ni aai eseese, o nisi taimi e 6 i le 10 itula le mamao.

A o femalagaa’i, e tofu tagata taitasi o le aufaipese ma le pine lanumoana e lolomi ai le faailoga a le aufaipese ma le igoa o le tagata. Ua uma ona vaetofia tagata uma o le aufaipese ma le faili e avea o ni “faifeautalai musika”; e fai ma sui o le Ekalesia i soo se mea latou te faimalaga i ai.

Pe a le malaga tagata o le aufaipese, e masani lava o le latou vaiaso e aofia ai, pe a ma le tasi le aso o le vaiaso e faataitai ai, faatasi ai ma le tuufaatasia o le Musika ma le Afioga Tulei, o se polokalama e faasalalauina faavaomalo i le televise ma le leitio i taeao o Aso Sa taitasi.

O tagata o le Ekalesia e taliaina i totonu o le aufaipese e taulimaina lava e pei o se valaauga. Pe a latou auai i le aufaipese, e tau atu ia i latou e mafaufau i le taimi e tautino atu ai e tutusa lava e pei o auauna atu o se peresitene o le korama a toeaina po o se peresitene o le Aualofa i se uarota. O le taimi lava e talia ai i latou i le aufaipese, e mafai ona latou nonofo ai pea e oo i le 20 tausaga, pe seia atoa le 60 o o latou tausaga.

O Mea Moni Malie e uiga i le Aufaipese

O laei o loo ofuina e tamaitai o le aufaipese ua mamanuina ma suiina e se komiti e vaaia laei.
Pe a ma le 20 ulugalii faaipoipo i totonu o le aufaipese ma le Faili a le Lotoa o le Malumalu.
Ua lua lipine musika palatinamo ae lima auro ua maua e le aufaipese.
Na faafiafia le aufaipese i ni sauniga faatautoga o ni peresitene se toalima a le I.S.