Ia Eo Imaron̄ Lo Uwaak ko?

Olga Ovcharenko, Sverdlovsk Oblast, Russia

Ke Iaar 21 iiō detta, mijinede ro jān Kabun̄ eo an Jisōs Kraist im Armej Ro Rekwojarjar Ilo Raan-kein Āliktata raar katakin kūlaaj in English ko ilo eria eo aō ilo Russia. Iaar pād ie jinointata n̄an katak ko kōn kajin, bōtaab ejjab to ear jino aō to aō pād n̄an ļōmņak ko ilo jetōb eļtōr ro raar kwaļo̧ki ālkin kūlaaj im n̄an kajjitōk ippāer kajjitōk ko.

Iaar rūttoļo̧k ilo kabun̄ eo eļaptata ilo laļ eo aō, bōtaab ekar lōn̄ aō kajjitōk ko kōn kabun̄in ejjeļo̧k uwaakier. Mijinede ro im membōr ro an Kabun̄ in eaar wōr uwaak ko n̄an kajjitōk ko me ejjeļo̧k juon m̧okta ļo̧k raar maron̄ letok n̄an kabun̄būruwō.

En̄jake eo ekajoor ālkin juon kūlaaj in English, Iaar kajjitōk ippān mijinede ro kōn juon kape in bok eo aer, Bok in Mormon. Bōtaab ke Iaar tōkākļo̧k m̧weo, Iaar likūt ioon jikin bok eo im jab riiti.

Ekar jab to an pād ijo, ijowōtke. Iaar ron̄ an membōr ro an Kabun̄in ro rej pād ilo kūlaaj in English eo ba bwe jeje ko rekwojarjar repād ie uwaak ko n̄an inepata ko. Kōn menin ke Iaar jujelm̧ae apan̄ ko ak inepata ko, Iaar kanōktok Bok in Mormon jān jikin bok eo im jino riiti. Iien otemjeļo̧k Iaar lo uwaak ko—kain uwaak ko me raar jiron̄ eō ta eo ejejjet Iaar aikuj in jeļā.

Ilo iien in Iaar jino en̄jake bwe Ijjab maron̄ mour n̄e ejako Kabun̄ in. Eaar ijo Iaar kōņaan pād ie. Eaar ijo me Iaar en̄jake ij uwaan.

Ejjain wōt, Iaar kōņaan jeļā n̄an kajjitōk ippān Anji. Jorrāān eo ej bwe Iaar jokwe ilo juon apartment eo eo ruumin ej ajije ippān wōner eo, im ijo eaar ejjeļo̧k jikin emake ļo̧k n̄an eō n̄an jar. Ak juon joten Iaar makeļo̧k ilo jikin kōmat eo—ejenolo̧k jān aolepen m̧weo im̧ōn—im kar kajjitōk ippān Jemād Ilan̄ eļan̄n̄e Kabun̄in eaar m̧ool. Iaar bōk juon en̄jake ekajoor ilo uwaake bwe Iaar jeļā ta eo Iaar aikuji in kōm̧m̧ane.

Iaar peptaij jidik iien tokālik, im iien eo Iaar āinwōt membōr an Kabun̄in kar iien tōre eo em̧ōņōņō tata ilo mour eo aō. Ijo m̧okta eaar wōr aō kajjitōk, kiiō ewōr aō uwaak. Ijo m̧okta Iaar en̄jake ajimakeke, kiiō Iaar obrak.

Eļap aō kam̧oolol bwe Jemedwōj Ilan̄ eaar jab kōmakeļo̧k kōj ilo an ejjeļo̧k uwaak. Ijeļā bwe E enaaj kōnono n̄an kōj, jim̧or kōn jar im kōn jeje ko rekwojarjar.