Te Rain iaon te Rain
Doctrine ao Covenants 76:22–24
Kiibu aikai a katanoata te kakoaua ngkai ibukin Iesu Kristo: E Maiu!
22 Imwiin taian koaua aika bati aika tia ni kaotaki ibukin te Tia Kamaiu, e anga te kakoaua aei, ao n te kabanea: Bwa te Tia Kamaiu e maiu!.
23 Bwa te burabeti e nooria n angaatain te Atua ao n ongo te bwanaa ni kaota te rekooti bwa Ngaia ana Rikitemanna te Tama—
24 Bwa Mairouna,ao n rinanona, ao n nako mairouna, aonaaba ni kabane a karaoaki, ao kaaina akana iaona bon natin te Atua aika mwaane ao aine.
Koaua aika Mwaiti
Koaua aika mwaiti a taekinaki ibukin Kristo ae e a tia ni manga kautaki imwaain te kaotioti aei. Aikai tabeua katotoo.
-
Maria te I Mwaketara (taraa Ioane 20:11–18)
-
Abotoro n ana bong Iesu (taraa Mataio 28:9–20; Mareko 16:14–20; Ruka 24:36–53; Ioane 20:19–29; 21)
-
Uoman reirei iaon kawaia nako Emwauti (taraa Ruka 24:13–35)
-
Tetebane (taraa Mwakuri 7:55–56)
-
Bwauro (taraa Mwakuri 9:1–6)
-
Taian Nibwaite (taraa 3 Nephi 11–28)
-
Moronaai (taraa Ita 12:39)
-
Iotebwa Timiti (taraa Joseph Smith—History 1:16–20)
E Maiu!
“I a tia ni warekia—ao I kakoaua—aia koaua naake a rinanon rawawatan Taurakin Kristo n te Kaibangaki ao te kimwareirei ibukin Manga Utina. I a tia ni warekia—ao ni Kakoaua—aia koaua naake n te Aonaaba ae Boou are a kawaraki iroun te Uea ae ti te arona are e a tia n uti.
“I kakoaua ana koaua temanna are, inanon boong aikai, are e taetae ma te Tama ao te Nati n te buakonikai are e aranaki ngkai bwa e tabu ao are e anga maiuna, e tiringaki ibukin ana koaua.”
Beretitenti Thomas S. Monson, “E a Uti!” Riaona, Meei 2010, 89.
Aonaaba A Bon Karikaki
“Iaan ana kaetieti te Tama, Kristo bon te Uea ibukin te aonaaba, are e karika aonaaba n aki warekaki—man ara bwai ae ti teuana (taraa Iebeto 3:9; Ebera 1:2).
“Iraua buraneti ake a mena n te aonaaba ma aomata iaona? Tiaki ataia, ma tiaki maroaa n te aonaaba! Te Atua tiaki tii te Atua ibukin teuana te buraneti!”
Unimwaane Neal A. Maxwell (1926–2004) man te Kooram n te Tengaun ma Uoman n Abotoro, inanon “Taan Kakoaua aika Onoti ibukin Kristo,” Riaona, Eberi. 2001, 5.
Naati Mwaane ao Aine aika Tatangiraki iroun te Atua
“Tiaki aomata ngkami aika kam kakaokoro, raoraou aika tangiraki aika kairake ni kabutaa te aonaaba. Kam mimitong ao akea tokimii. …
“Bon au tataro ao au kakabwaia bwa ngkana ko taraa tamneim, kona konaa n noora are e riaon i kororaoim ao nanouam ao ni kinako bwa antai raoi ngkoe: naati mwaane ao aine iroun te Atua ae Mwaaka.”
Beretitenti Dieter F. Uchtdorf, Kauoman ni Kauntira n te Moan Beretitentii, “Te Tamne inanon te Ran” (Bootaki n Reirein te Aro rerei ietan te ai ibukiia kairake ni ikawai, Nobembwa. 1, 2009); e tauraoi n CESfiresides.lds.org.
Bwaninin rongorongona mairoun E a Uti, iroun Del Parson