Te mau Haapiiraa no to Tatou Anotau

Te mau haapiiraa no te maha o te sabati a te Autahu‘araa a Melehisedeka e a te Sotaiete Tauturu tei roto ia i « Te mau Haapiiraa no to Tatou Anotau » E nehenehe te mau haapiiraa tata‘itahi e faaineinehia na roto mai i te hoê e aore râ hau atu mau a‘oraa i horo‘ahia i roto i te amuiraa rahi i tupu a‘e nei. E nehenehe te mau peresideni o te tĭtĭ e te mataeinaa e ma‘iti i te mau a‘oraa e ti‘a ia faaohipahia, e aore râ e horo‘a i teie hopoi‘a i te mau episekopo e i te mau peresideni amaa. E mea ti‘a i te feia faatere ia faatumu i ni‘a i te maitai o te mau taea‘e o te Autahu‘araa a Melehisedeka e te mau tuahine o te Sotaiete Tauturu no te tuatapapa i ni‘a hoê â a‘oraa i te hoê â sabati.

Te mau haapiiraa o te maha o te sabati no te faaitoitoraa i te feia e haere mai no te tuatapapa e no te afa‘i mai i roto i te piha te ve‘a no te amuiraa rahi i tupu a‘e nei.

Te mau mana‘o no te Faaineineraa i te haapiiraa no roto i te hoê a‘oraa.

A pure ia vai mai te Varua Maitai ia outou ra a tuatapapa ai outou e a haapii ai i te (mau) a‘oraa. E nehenehe outou e titauhia no te faaineineraa i te haapiiraa ia faaohipa i te tahi atu mau materia, tera râ ua faati‘ahia te faanahoraa no te mau a‘oraa o te amuiraa. Ta outou titauraa o te tautururaa i te tahi ia haapii mai e ia ora i te evanelia mai tei haapiihia i roto i te amuiraa rahi a te Ekalesia i tupu a‘e nei.

A hi‘opo‘a maite i te (mau) a‘oraa, te imiraa i te mau parau tumu e te mau tumu haapiiraa o te pahono i te mau hinaaro o te mau melo o te piha. A imi atoa i te mau aamu, te mau faahororaa o te papa‘iraa mo‘a, e te mau faahitiraa parau no roto mai i te (mau) a‘oraa o te tauturu ia outou ia haapii i teie mau parau mau.

A rave mai i te mau reni rarahi e nahea e haapii i te mau parau tumu e te mau tumu haapiiraa. Tei roto ta outou haapotoraa te mau uiraa o te tauturu i te mau melo o te piha.

A imi i te mau parau tumu e te mau tumu haapiiraa i roto i te (mau) a‘oraa.
A feruri i ni‘a i to ratou auraa.
A faaite i te taa-maitai-raa, te mau mana‘o, te mau iteraa rau, e te mau iteraa papû.
A faaohipa i teie mau parau tumu e mau tumu haapiraa i roto i to outou oraraa.

Te mau ava‘e	Te mau materia no te haapiiraa no te maha o te sabati
Novema 2010 – Eperera 2011	Te mau a‘oraa i nene‘ihia i roto i teLiahonaNovema 2010*
Me 2011 – Atopa 2011	Te mau a‘oraa i nene‘ihia i roto i te LiahonaMe 2011*