Faaora i te Amuiraa i roto i te Oraraa i te mau Mahana atoa
Ua faaroo outou i te mau parau poro‘i ; ua farii outou i te Varua ; ua fafau outou e pee outou i te a‘o. I teie nei râ ua hope te amuiraa, nahea outou i te faariro i te reira ei tuhaa no to outou oraraa i roto i na ava‘e e ono i muri nei ?
Te faaite nei te mau melo no te ao atoa nei i te mau mea i tauturu ia ratou ia haamana‘o e ia faaohipa i te mau parau poro‘i o te amuiraa rahi.
A faaô i te amuiraa rahi i roto i to outou oraraa i te mau mahana atoa
A faaroo i te mau a‘oraa a faaetaeta ai outou i te tino, a faahoro ai outou i te pereoo, a rave ai i te ohipa, e aore râ, a faaineine ai outou ia outou i te po‘ipo‘i.
—James, Ontario, Canada
A ani i te mau melo o te utuafare, te taata i to’na taime, ia ma‘iiti i te hoê a‘oraa e ia faaroo i te reira i te taime tamaaraa i te po‘ipo‘i.
—Ashlee, Washington, USA
E mata‘ita‘i te utuafare i te tahi mau tuhaa o te amuiraa rahi i te sabati.
—Grant, California, USA
A faaohipa i te mau a‘oraa i roto i te pô utuafare
A ma‘iti i te mau parau poro‘i ta te utuafare e hinaaro e hi‘o faahou e a faaue i te mau melo o te utuafare ia haapii mai i te reira i roto i te mau pô utuafare.
—Vern e o Jennifer, Utah, USA
A tai‘o e aore râ, a mata‘ita‘i i te hoê a‘oraa e a imi i te mau titauraa ta te utuafare e nehenehe e rave.
—Tony, Arizona, USA
A faaohipa i te mau a‘oraa no te tuatapapa i te papa‘iraa mo‘a
A tai‘o i te papa‘iraa mo‘a i te po‘ipo‘i e a tai‘o i te hoê a‘oraa no te amuiraa rahi i te pô.
—Diane, Washington, USA
A tai‘o i te hoê a‘oraa i ta outou mau tamarii i te mau pô atoa ei aamu faataotoraa ia ratou.
—Heather, Utah, USA
A hi‘o i te mau faahororaa papa‘iraa mo‘a i roto i te a‘oraa tata‘itahi i muri a‘e i to outou tai‘oraa i te a‘oraa.
—Becky, Utah, USA
A reni i te mau mea atoa ta te feia a‘o e ani mai nei ia tatou ia rave e a faaitoito i te peeraa i ta ratou a‘oraa.
—Helen, Australia
A tuatapapa na ni‘a i te tumu parau
A hamani i te hoê tapura e tuati i ni‘a i te mau tumu parau i tuatapapahia i roto i te amuiraa rahi A tuatapapa hoê o te mau tumu parau i te taime hoê, a tamata ai outou i te haamaitai na mua a‘e i te amuiraa rahi i muri nei.
—Rebecca, Texas, USA
A faatumu i ni‘a i te hoê tumu parau i roto i ta outou tai‘oraa i te papa‘iraa mo‘a no te tahi tau mahana te maoro, e aore râ, i roto i te pô utuafare no te tahi tau hepetoma te maoro.
—Francis, Nigeria
A Faaite i te mau Parau Poro‘i ia Vetahi ê
A tuu i te hoê faahitiraa parau no te amuiraa rahi a te Ekalesia i roto i te mau ve‘a e i te mau parau opere.
—Todd, West Virginia. USA
Haamau i te hoê club no te buka o te amuiraa rahi, i ni‘a anei i te itenati e aore râ, i ô te hoê taata. Pauroa te hepetoma, e tuatapapa hoê a‘oraa e a haere mai i te club no te buka ma te ineine no te faaite i te mau mana‘o.
—Stephanie, Utah, USA