E Mafai Ona Ou Mulimuli i le Faataitaiga a Iesu Keriso

Saunia e Sandra Tanner ma Cristina Franco

Na fetalai Iesu Keriso, “Sau, ma mulimuli mai ia te au.” E mafai ona tatou mulimuli ia Iesu i le faia lea o mea sa Ia faia. O ata o i le itulau faafeagai o loo faaalia ai le auala na fautuaina ai e Iesu tagata ia faatuatua ia te Ia. Sa ia aoaoina e taua le faafetai atu mo faamanuiaga tatou te mauaina. Sa ia faapotopoto atu tamaiti ia te Ia ina ia mafuta ma Ia ma aoao atu ia te i latou. Sa alofa Iesu i tagata sa Latou faatasi ma ua ta’u mai ia tatou alolofa i o tatou tuaoi. I le faataoto o le Samaria agalelei, na aoao ai Iesu e uiga i le alolofa atu i isi.

O se tasi tagata malaga sa fasia e tagata faomea ma tuua e tali oti. O se faitaulaga ma sosoo ai ma le sa Levi na iloa atu le tagata manua, ae sa malaga pea e aunoa ma se fesoasoani. Mulimuli ane, na ui ane se Samaria ma ua tu ma fesoasoani i lenei tagata. Sa ia nonoa i manua o le tagata ma avatu o ia i le fale e tali ai malo. Sa tuu e le Samaria tupe i le pule o le fale talimalo e fesoasoani e tausi ai le tamaloa. (Tagai i le Luka 10:30–37.) O lenei tala ua ta’u mai ai ia i tatou le uiga o le mulimuli i poloaiga ma alofa atu i o tatou tuaoi.

Iulai 2010 Api o Talaaga o Tusitusiga Paia

Faitau i le Luka 18:22.

Tatalo i le Tama Faalelagi ia iloa ai le ala e mafai ona mulimuli ai ia Iesu.

Tauloto le Luka 18:22.

Filifili se tasi o nei gaoioiga, pe fai sa oe lava gaoioiga:

Fesoasoani i se tasi e tauloto le Luka 18:22.
Fai le gaoioiga o loo i le itulau e 64. Oti ese ia tulagavae. Pe a e faia se mea e te mulimuli ai i faataitaiga a Iesu Keriso, tusi i luga o le laina avanoa, ma faapipii se tulagavae i le ala.
Ia avea o se uo i se tasi o loo i ai se manaoga faapitoa po o tuulafoaia. Mafaufau i le faataitaiga a Iesu e fesoasoani ai ia e iloa le mea e fai. E mafai ona e asiasi ma faaalu se taimi ma le tagata ma faamalosiau ma fesoasoani ia te ia.

E faapefea ona fesoasoani le mea ua e faia e te malamalama ai i lenei mau?

Tusi i lau api o talaaga pe tusi se ata e uiga i le mea ua e faia.

Ou te mulimuli i le faataitaiga a Iesu Keriso pe a ou avea o se uo lelei ia .

Ou te mulimuli i faataitaiga a Iesu Keriso pe a ou fesoasoani i nai o’u tei i le .

Ou te mulimuli i faataitaiga a Iesu Keriso pe a ou tatalo e faafetai i le Tama Faalelagi mo.

Ou te mulimuli i faataitaiga a Iesu Keriso e ala i le

Tauagavale, mai luga: Ata o Keriso, saunia e Heinrich Hofmann, faaaloaloga o C. Harrison Conroy Co.; O Keriso ma Tamaiti, saunia e Harry Anderson, © IRI; O Le Lepela Sa Fai Mai “Faafetai Lava,” saunia e John Steel, e le mafai ona kopiina; O Le Samaria Agalelei, saunia e Walter Rane, faaaloaloga o le Falemataaga o Talafaasolopito o le Ekalesia; Le Alii e, Laveai Au, © Gary L. Kapp, e le mafai ona kopiina; Fiafia I Ai Le Atua, © Simon Dewey; taumatau: ata na tusia e James Johnson