Atong Pahina
Génesis M., edad 7, Costa Rica
Ang mga bata sa Primary sa Chennai Second Branch, Bangalore India District, ug ang ilang mga lider nag-andam alang sa ilang pasundayag sa miting sa sakrament.
Usa ka hapon ang akong manghud nga igsoong babaye nga si Camilia ug ako nagdula samtang ang akong papa nanghabas sa nataran. Mihukom kami sa pagtabang kaniya. Bisan tuod og init kaayo, kami may kalipay nga nagkuyog og trabaho. Sa diha nga nahuman kami, mikuyog kami ni papa sa pag-uli sa lawnmower ngadto sa among tigulang nga silingan. Sa diha nga miabut kami sa iyang pultahan, mitanyag ang akong papa sa paghabas usab sa iyang nataran. Ang akong igsoong babaye ug ako mihukom sa pagtabang usab. Samtang gihabas niya, gipamunit namo ang mga sagbut ug gisulod kini sa bag. Sa dihang kami nahuman, ang silingan miingon, “Daghan kaayong salamat, Sofia ug Camilia, sa paglimpyo sa akong nataran. Kamo mga nindot kaayo ug matinabangon nga mga bata.” Dayon gihatagan kami niya og kendi. Mipauli kami sa panimalay nga malipayon kaayo, dili lamang tungod kay kami adunay kendi apan tungod kay kami nakaserbisyo sa among silingan.
Sofia Carolina P., edad 9, Argentina
Ngoc Huyen D., edad 7, gikan sa Cambodia, gusto sa istorya ni Kapitan Moroni ug sa bandila sa kalingkawasan (tan-awa sa Alma 46). Siya adunay unom ka igsoon nga mga lalaki ug mga babaye, ug gusto siyang magdula og mga baloon.
Sa bata pa ako, manggula kami sa pagdula inig ka recess. Kon panahon na sa pagsulod, kinahanglan kami nga maglinya. Sa matag panahon nga among gihimo, magkanta ko sa “I Love to See the Temple” (Children’s Songbook, 95). Usa ka adlaw ang usa ka batang babaye sunod nako miingon. “Kana nga awit nga imong gikanta nindot kaayo. Diin kini gikan?”
Ako mitubag, “Naggikan kini sa Primary. Sakop ako sa Ang Simbahan ni Jesukristo sa mga Santos sa Ulahing mga Adlaw, ug ako adunay hugot nga pagtuo.” Human niana nahimo ko siyang labing suod nga higala!
Noémi D., edad 12, France
Tuan Anh P., edad 11, Cambodia
Ubos sa wala: litrato pinaagi ni Richard M. Romney; taliwala: paghulagway pinaagi ni Avalone; paghulagway sa templo pinaagi ni Phyllis Luch, © 1988 IRI