Gagmay ug Yano nga mga Butang

2010

Hunyo 2010

Gagmay ug Yano nga mga Butang

“Pinaagi sa gagmay ug yano nga mga butang ang mga dagko nga butang ipahinabo” (Alma 37:6).

Giunsa Ninyo Paggahin ang Inyong Panahon?

Adunay 24 oras sa usa ka adlaw. Tingali naggahin kamo og daghan nianang oras sa pagkatulog o pagtrabaho (o pagtuon), apan tingali kamo aduna pay pipila ka oras matag adlaw nga mahimong igahin alang sa ubang mga kalihokan. Unsa kadugayon ang inyong gigahin sa pagtan-aw og TV o sa pag-Internet? Kon gahinan ninyo og usa lamang ka oras matag adlaw sa usa sa mosunod ang mga ideya, pila ka mga tumong, mga proyekto, o buluhaton ang makompleto ninyo sulod sa usa ka semana? usa ka bulan? usa ka tuig?

Pagbasa sa mga kasulatan o pagmemorya og mga bersikulo sa scripture mastery.
Pag-apil sa mga sport o exercise.
Pagkat-on og bag-ong kalingawan o talento: sama pananglit sa pagluto, pagkanta, panahi, pagpananom, o pagtug-tog og instrumento sa musika.
Pag-apil sa family home evening o paggahin og panahon uban sa inyong pamilya.
Pagbasa og maayo nga libro.
Pagsulat og makapadasig nga sulat ngadto sa usa ka misyonaryo gikan sa inyong ward o branch.
Pagkat-on og laing pinulongan.
Paghimo sa buluhaton sa family history.
Pag-home o visiting teaching.
Pagtuman sa inyong calling sa Simbahan.
Pagsulat diha sa inyong journal

Pagpatubo sa Akong Pagpamatuod

Samtang nagtrabaho ako sa pagpalambo sa akong pagpamatuod kang Jesuskristo, nakita nako nga ang makanunayong pagbuhat sa yano nga mga butang makapatubo sa akong pagpamatuod. Tungod kay naningkamot ko sa pag-ampo, pagsimba, pagbasa sa Basahon ni Mormon, ug nagbarug isip usa ka saksi ni Kristo, ang akong pagpamatuod sa Manluluwas nagpadayon sa pagtubo.

Bisan pa adunay mga pagsulay ug mga problema nga mitumaw, nakahimo ako sa paglikay sa mga butang nga makadaut kanako pinaagi sa pagpaminaw sa mga pag-aghat sa Espiritu Santo, kinsa nagtudlo kanako sa mga dalan nga kinahanglan nakong pilion.

Samtang nagsunod ako sa mga tambag nga gihatag sa mga lider sa Simbahan, gibati nako nga ang akong pagpamatuod nagtubo ug nasayud ako nga mas naduol ako sa akong Amahan nga anaa sa Langit.

Eng Sodavy, Cambodia

Sa wala, gikan sa ibabaw: gilitratohan ni John Olu Faoseke; gilitratohan ni Matthew Reier; paghulagaway pinaagi ni Beth M. Whittaker; sa tuo, gikan sa ibabaw: sa luyo © Getty Images; litrato sa maayong kabubut-on sa Deseret News; gilitratohan ni Chad E. Phares