Nigeria

Panahon sa mga 1950, misugod sa pagkat-on ang pipila ka mga Nigerian kabahin sa Simbahan pinaagi sa mga artikulo sa magasin ug sa literatura sa Simbahan. Mipadala sila og mga sulat sa ulohang buhatan sa Simbahan nagpadayag sa ilang tinguha sa pagkat-on og mas daghan kabahin sa mga pagtulun-an sa Simbahan.

Agi og tubag, ang mga lider sa Simbahan milantaw sa posibilidad sa pagsugod sa misyonaryo nga buhat sa nasud. Apan, usa ka gubat sibil, mga kalisud sa pagkuha og visa, ug ang hagit sa pagbaton og igong gidaghanon sa lokal nga mga tighupot sa priesthood aron sa pagdumala sa Simbahan mipugong sa mga lider sa pagtukod og opisyal nga mga yunit sa Simbahan sa dapit.

Sa katapusan, nakasugod ang Simbahan og presensya sa misyonaryo niadtong 1978. Sa dihang miabut ang unang mga misyonaryo, nakakita sila og daghang grupo sa mga tawo nga interesado sa ebanghelyo. Gipahigayon ang unang bunyag pagka-Nobyembre nianang tuiga, ug sa samang adlaw, natukod ang unang branch sa Simbahan.

Pagka 1987 ang gidaghanon sa mga miyembro misaka dul-an sa 10,000, ug pagka 1999, ang Nigeria adunay mas daghang mga miyembro sa Simbahan kaysa bisan asa nga nasud sa Africa, nga may total nga gidaghanon sa mga miyembro nga 42,746. Ang Nigeria adunay templo sa Aba, nga gipahinungod niadtong 2005 ni Presidente Gordon B. Hinckley (1910–2008).

Ang Simbahan sa Nigeria
Mga Miyembro	83,919
Mga Misyon	4
Mga Stake ug mga District	32
Mga Ward ug mga Branch	256
Mga Templo	1

Ibabaw: Ang mga miyembro sa Simbahan sa Nigeria nagpundok aron sa pagtan-aw sa kinatibuk-ang komperensya. Sa tuo: Ang Templo sa Aba Nigeria.