Komentaryo
Mas Duol sa Langitnong Amahan
Ako tinud-anay nga nahimuot sa pagdawat sa Liahona matag buwan. Kini nagdala og importante nga mga artikulo kon unsaon sa pagpuyo sa atong mga kinabuhi. Salamat kaayo sa mga isyu sa komperensya, nga nagdala og mga mensahe gikan sa propeta ug uban pang mga lider sa Simbahan, ako nakakat-on kon unsa ang gusto sa Langitnong Amahan nga atong buhaton ug unsaon nato sa pagbuhat niini. Ang mga isyu adunay nindot gayud kaayo nga mga mensahe nga magamit sa atong mga family home evening. Ang unang butang nga akong pangitaon sa Liahona mao ang mga artikulo alang sa mga kabatan-onan, ug sa matag higayon nga ako mobasa niini, ako mobati nga mas sigurado ug mas duol sa Langitnong Amahan.
Karina Chavez, Nicaragua
Kalig-on aron sa Pagbuntog
Akong gigamit ang Liahona isip giya sa akong kinabuhi. Kini makahimo kanato sa pag-obserbar sa modernong kinabuhi sa mga tawo ug makita ang atong kaugalingon sa sama nga mga sitwasyon. Ako migamit usab sa ilang mga kasinatian sa akong mga pagpamulong ug sa family home evening. Ang mga ehemplo sa Liahona nakatabang usab sa usa ka higala nga makasabut nga kita mga Kristyano ug samtang kita moatubang og mga problema sama sa uban, ang ebanghelyo mohatag kanato og kalig-on aron sa pagbuntog.
Ana Perlini, England