Ao I a Noraba Ngkai
Uaan Ana Boki Moomon nakon maiu e bon aki kee reken te kakai iai nakon are kabonganaan te baware ao te bokaboka are e katokaaki ni matan te mwaane are e mataki.
Ma te tangira ae nene ti bane n ongo ana rainanoanga Beretitenti Oaks ni buan Beretitenti Russell M. Nelson. Ma ara tangira ae nene naba ao n nano n te nanokawaki, ti bane n ataa te kangaanga i Michigan are e a tibwa tia n riki ao kangaanga naba ake a riki ni katoa bong ni kabuta te aonaaba. Ti atai bwaai aika riki aikai ma te tangira ao ara onimaki iroun Iesu Kristo.
Te karuaia ni mwakoro n Ioane e koreaki rongorongon te bwai are e rinanona Iesu ao Ana reirei n rirarikin te tia bubuti,ae mataki ma ngke e moa ni bungiaki. Aio are e a kairiia ana rreirei bwa a na titirakina Iesu titiraki aika kangaanga ni kaineti ma moan rikina te kangaanga nakon te mwaane aei. E kaeka te Mwatita man karaoan te bwai ae rangi ni bebete ao ni kamiimii. E baware nakon te tano ae baereka ao ni kabobooa bwa te bokaboka. Imwiina e kabira iai matan te mwaane, ao n tuanga bwa e na teboka matana n nein Tiroam. E ongotaeka ni karaoi baikai ni kabane te mwaane ao “e oki [rikaaki] n noraba“ e taku boki aika tabu. Aron kakaawakin te kakoaua, n aron kaitaraakina iango ao kauntaeka ke iowawa n kakaaitara nakon te koaua.
Ngaia are, a maaku bwa tao te kakai aio e na manga karika riki te kakaitara nakon kariaiakaia are e a kaman anganiia Iesu, ana kairiribai te Tia Kamaiu a kaitaraa te mwaane are e a noraba ao n taku ma te un, “Ti ata [Iesu] bwa e buakaka.” E ongora teutana te tai te mwaane, ao n taku, “Bwa tao te tia bure … , I aki ataia: [ma] teuana te bwai ae I [bon] ataia, bwa I boni mataki ngkoa, ao I a noraba ngkai.”
E kaota moan nanon te bwai ae riki aei Iesu, n tuangiia Ana reirei bwa e riki aei “bwa e aonga ni kaotaki ana mwakuri te Atua i rouna.” Uringnga bwa uoua te tai n te karaki aei ae ana mwakuri te Tia Kamaiu e atongaki bwa e “kabiraki” matan te mwaane are mataki, te mwakuri ae kabwaninaki man tebokakina. Te kabwarabwara ae “[e na] kaotaki ana mwakuri te Atua irouna” e kona n taekina karaoakin te otenanti.
Teuana te koaua ae a kaotaki ikai koauaia bon bwaai are e kabonganai te Tia Karika karawa ma aonaaba ao bwaai ni kabane ake i nanona a kabnganaaki to karekea te kakai aei: te baware ao te abutana tanon aontano! Bwaai aika a renganaki aikai a kaotia bwa e kona te Atua ni kakabwaiaira man bwaai ke kawai ake E rinei. N aron Naman ngke e ribaa te Karanga are Ioretan ke tibun Iteraera ake a rawa n tara te naeta i aon te kai, bebetera iroura kakeaan are ngaia oin kamaiuara ibukina bwa te bwai are e kabonganaaki e taraa n akea arona.
Ma ti uringnga man Ana Boki Moomon bwa tabeua bwaai bon kangai naba ao a kakaawaki ao n bungiakin Iesu, e taetae ni burabetiaki “e [na] akea tarana ae raoiroi; ao ngkana ti [na] taraia, ao akea naba raoiroini matana ae ti na tangiria iai.” Mwaitira te tai ae e kanakoa ana rongorongo te Atua rinanon Ana beretitenti n te Botaki n Aine ae boou ke te ataeinimwaane ae akea ana atatai n te tabo ni kawakiniman i New York ke te merimeri inanon nen kanaia maan.
Ao tera ngkana te kaeka nakon ara tataro a roko ni bebete ke ni kamengomengo? Ti na kukurei n teimatoa, n kataia ni maiuakina ana euangkerio Kristo n aki tabe bwa maitira te baware ao te bokaboka ae kainanoaki? E na bon aki mataata iroura bwa tera ae e karaoaki ao bukin tera, ao, inanon te tai, ti na bane n namakina ae kanga ai aron te titita ae ikawai are e kangai, “Te Uea, e aera ko aki anganai te kakabwaia ae e aki karabaaki nanona?”
Iangoa koauan te koaua teuana, aio e kaineti nakon te nakoanibonga ae tabu. Man tauan mwiin aron katean te moan ekaretia, e taku a na moan taeka Ruka: “Ao E weteiia uake tengauni ma uoman, n ikotiia, ao E angania te mwaaka ao te kariaiakaki,” bwaintangira aika aaki kanakoaki ni kaineti ma rianakom ni baireaki man te katei ke bungiakim ni karimoa. A aki katokaaki man te kuura ni mitinare ke te bootaki n reirein te aro. A katokaaki man ti te katoka bai iroun temanna are e a tia ni katokaaki baai aika iai te kariaiakaki irouia i aona man te reitaki ae aki uruaki nakon are te oi are e anga te kariaia, te Uea Iesu Kristo.
Ao n te ekaretia are e mataata n bwaintituaraoi n te nanoanga, tiaki ae bon te kakoaua ae tamaroa norakin kakabwaia ao berita aika tabu aikai n roko irouia kanoara ake a tia ni mate, ara utu ake a tia n rimoara? Tao a riai ni katuaeaki ibukin ae aki karekea te euangkerio ke ibukina bwa a bungiaki n te tai ke n te tabo are otenanti aika mai karawa ao berita aika tabu aki tauraoi nakoia? N ana Ekaretia Iesu Kristo ibukiia Aika Itiaki ni Boong aika Kaitira iai ana auti te Uea ake a karaoaki iai mwakuri ibukin te kamaiuaki ake a karaoaki ni katoabong ao tairiki ibukiia maate,, n aron naba karekean taai n nebonebo ao ni karaoan otenanti ibukiia naake a maiu. N au atatai, te kakoaua ae onoti n ana koaua te Atua, Ana tangira ae bwanin ibukiia aika a maiu ao te mate, e aki nooraki n te tabo teuana n te aonaabama ti n teuana te ekaretia are e kaota koauan aio: Ana Ekaretia Iesu Kristo ibukiia Aika Itiaki ni Boong aika Kaitira.
Au moan noraaba ae reke, reken te maiu ae I rinanona ma kakoauaan te koaua e aki reke man kabiran te bokaboka ke te nei i Tiroam. Tiaki, te bwai ni mwakuri ibukin te koaua are e uota te kamaiu mairoun te Uea a roko bwa baan te boki, eng, ana Boki Moomon: Kakoauan Taekan Iesu Kristo! Tataekinan te boki aei e a tia ni karekea te un ao kakeweana irouia tan aki kakoaua, te un bon kaitaraan te kabuakaka irouia naake a tuanga te mwaane are e kamarurungaki bwa e bon aki rinanon te bwai are e taku bwa e a tia n rinanona.
I a tia ni kaongoaki bwa aron kaotin te boki aei e aki bomaongina, e aki kakoauaaki, e kamaamaa, ao n aki tabu. Ao ngkai, anne te taeka ae aki tamaroa mairoun temanna are e katautaua bwa e ataia bwa e roko maia te boki, n aron te kabwarabwara ibukin nanona bon are e rairaki “man te bwaintituaraoi ao mwaakan te Atua.” Ngaia anne. Ti Anne. Ma, korakoran kairoron Ana Boki Moomon i nanon maiu e bon aki kee aron kakaina nakoiu nakon kabonganaan te baware ao te bokaboka ae katokaaki iaon matan te mwaane are e mataki. Irou, te kai te biti ni kamaiua tamneiu, otan te ota ae ruorikaaki n te kaotitoi, te bwai ni kaotaa te kawai n rokon te rotongtong, are I riai n nakonako iai ngkana e roko te rotongtong. Ao ana bon reke irouia, ao a na bon.
Ao n norakina e a tia n anganai ana tangira au Tia Kamaiu ae tabwanin ao te nanoanga n akoi, I tibwaa au kakoaua ma ngkami, kakoaua ikai n aron ana taeka ana karo te mwaane are a taku bwa e riai n ongoraeaki ana taeka “man mwaitin ana ririki.” Eng, ao ngai naba. A baaireia bwa e a bon ikawai ao n tau. Eng, ao ngai naba. Ai ti uoua riki namwakaina imwain au ka 85 n ririki. I a tia n kaaan mate ao I a manga marurung. I a tia n nakonako ma ueea ao burabeti, beretitenti ao abotoro. Ao ae tamaroana riki, I a tia n taonaki n mwaakan Tamnein te Atua. I kakoaua bwa e riai n iangoaki ikai au kakoaua.
Ngkai, tariu ao mwaaneu, I ataia raoi mai inanou ngkai koauan Ana Ekaretia Iesu Kristo ibukiia Aika Itiaki ni Boong aika Kaitira bwa te Ekaretia n te Nutetemanti ae kaokaki ae koaua—ao riki—bukina I aki kona ni kakewea koauan kaokana. Mai imwin moan taneiai akanne, I taku bwa I rinanon tengaa—tebuina tengaa?—tabeua riki kakoaua ake I a tia n taekin n te bong aei a koaua. I kukurei ngkai n reitai ma raoraou ni kawain te kaawa i Ierutarem, are I a anene ma bwanaau ae e a kekerikaaki I anenea:
N aran Iesu Kristo, amen.