ඉතිරි වූ ඵලයන්
අපට සදාකාලයටම පොරොන්දු වූ ආශීර්වාද ලබා ගැනීමට අවශ්ය නම් ශුද්ධාත්මයාණන්වහන්සේ මගින් අපගේ නියෝග වලට මුද්රා තැබීම අත්‍යවශ්‍ය වේ.
තරුණ පිරිමි ළමයෙකු ලෙස, මම නැවුම් ඉදුණු පීච් වලට ආශා කළා. අදටත් ඉස්ම සහිත, ඉදුණු පීච් ගෙඩියක් එහි තද රසය සමඟ සපා කෑමේ අදහස මගේ කට තෙත් කරයි. සම්පූර්ණයෙන්ම වැඩුනු පීච් අහුලා ගත් විට, ඒවා නරක් වීමට පෙර දින දෙක හතරක් පවතී. නෙළන ලද පීච් බෝතල්වලට මුද්රා තබා එළැඹෙන ශීත ඍතුව සඳහා කල් තබා ගන්නා බැවින් මගේ මව සහ මගේ සහෝදර සහෝදරියන් සමඟ අපගේ මුළුතැන්ගෙයට එකතු වූ ආකාරය මට සුන්දර මතකයක් ඇත. අපි පීච් නිවැරදිව සංරක්ෂණය කළා නම්, මෙම රසවත් පලතුර දින දෙක හතරක් පමණක් නොව වසර ගණනාවක් පවතිනු ඇත. නිසි ලෙස සකස් කර රත් කළ හොත්, මුද්රාව කඩන තෙක් පළතුරු සංරක්ෂණය වෙනු ඇත.
ක්‍රිස්තුස් වහන්සේ අපට මඟ පෙන්වූයේ “ගොස් ඵල දරන්න, … එවිට ඔබේ ඵල පවතිනු ඇතැ”යි වදාළ සේක. නමුත් උන්වහන්සේ කතා කළේ පීච් ගැන නොවේ. උන්වහන්සේ කතා කළේ දෙවියන්වහන්සේ උන්වහන්සේගේ දරුවන්ට කරන ආශීර්වාද ගැන ය. අප දෙවියන්වහන්සේ සමඟ ගිවිසුම් ඇති කර ගෙන ඒවා පිළිපදින්නේ නම්, අපගේ ගිවිසුම් හා සම්බන්ධ ආශීර්වාද මෙම ජීවිතයෙන් ඔබ්බට විහිදෙන අතර අප මත මුද්රා තැබිය හැකිය, නැතහොත් සදහටම ආරක්ෂා වී, සදාකාලික ඵලයක් බවට පත්වේ.
ශුද්ධාත්මයාණන්වහන්සේ, පොරොන්දුවේ ශුද්ධාත්මයාණන්වහන්සේ ලෙස උන්වහන්සේගේ දිව්‍යමය භූමිකාව තුළ, ඔවුන්ගේ ගිවිසුම් වලට විශ්වාසවන්තව සිටිමෙන් එය මරණින් පසු වලංගු වන පරිදි සෑම නියෝගයක්ම මුද්රා කරනු ඇත. අපට සදාකාලයටම පොරොන්දු වූ ආශීර්වාද ලබා ගැනීමට, ඉතිරි වන ඵලය බවට පත් වීමට අවශ්ය නම් ශුද්ධාත්මයාණන්වහන්සේ මගින් අපගේ නියෝග වලට මුද්රා තැබීම අත්‍යවශ්‍ය වේ.
අපට උත්කර්ෂවත් වීමට අවශ්ය නම් මෙය විශේෂයෙන් වැදගත් වේ. සභාපති රසල් එම්. නෙල්සන් ඉගැන්වූ පරිදි: “අපි ආරම්භ කළ යුත්තේ මනසේ පැහැදිලි දැක්මක් සමඟිනි. නිසැකවම, අප සෑම කෙනෙකුටම, අප සාක්ෂාත් කර ගැනීමට වඩාත්ම කැමති ‘අවසානය’ නම්, අපගේ ස්වර්ගික පියාණන් වන දෙවියන් වහන්සේ සහ උන්වහන්සේගේ පුත්‍රයාණන් යේසුස් ක්‍රිස්තුස් වහන්සේ ඉදිරියෙහි උත්කර්ෂවත් තත්වයක අපගේ පවුල් සමඟ සදහටම ජීවත් වීමයි. සභාපති නෙල්සන් ද මෙසේ පවසා ඇත: “සෙලෙස්ටියල් විවාහය සදාකාලික ජීවිතය සඳහා සූදානම් වීමේ ප්‍රධාන කොටසකි. එයට අවශ්ය වන්නේ යමෙකු නිවැරදි පුද්ගලයා සමඟ, නියම ස්ථානයේ, නිවැරදි අධිකාරිය මගින් විවාහ වී එම පරිශුද්ධ ගිවිසුමට විශ්වාසවන්තව කීකරු වීමයි. එවිට, දෙවියන් වහන්සේගේ ස්වර්ග රාජ්‍යයේ උත්කර්ශවත් වීම ගැන කෙනෙකුට සහතික විය හැකිය.
උත්කර්ශවත් වීමේ ආශිර්වාද මොනවාද? ඒ සඳහා ස්වාමිපුරුෂයා සහ භාර්යාව ලෙස සදාකාලිකව දෙවියන් වහන්සේගේ අභිමුඛයේ වාසය කරමින්, “සිංහාසන, රාජධානි, රාජ්‍යයන් සහ බලතල, … සහ බීජවල සදාකාලයටම පැවතීම”, පියාණන් දෙවියන් වහන්සේ සතු සියල්ල ලබා ගැනීම ඇතුළත් වේ.
ජෝසෆ් ස්මිත් හරහා සමිඳාණන් වහන්සේ එළිදරව් කළේ:
“සෙලෙස්ටියල් රාජ්‍යයෙහි දෙව්ලෝ හෝ මට්ටම් තුනක් ඇත;“
“ඉහළම දේ ලබාගැනීමට නම්, මිනිසෙක් පූජකවරයේ මෙම අනුපිළිවෙලට ඇතුල් විය යුතුය [විවාහයේ නව සහ සදාකාලික ගිවිසුමේ අර්ථය];
“ඔහු එසේ නොකළහොත් ඔහුට එය ලබාගත නොහැක.
“ඔහු අනෙකකට ඇතුළු විය හැකි නමුත් එය ඔහුගේ රාජ්‍යයේ අවසානයයි. ඔහුට වර්ධනය වීමක් තිබිය නොහැක.
කෙනෙකුට ස්වර්ග රාජ්‍යයේ සිටිය හැකි බව හෝ දෙවියන් වහන්සේ ඉදිරියෙහි වාසය කළ හැකි බවත්, තනිකඩව සිටිය හැකි බවත් අපි මෙහිදී ඉගෙන ගනිමු. නමුත් ස්වර්ග රාජ්‍යයේ ඉහළම මට්ටමින් උත්කර්ෂවත් වීමට නම්, නිසි අධිකාරිත්වය මගින් විවාහයට ඇතුළත් විය යුතු අතර, එම විවාහයේ ඇති කරගත් ගිවිසුම්වලට එකඟ විය යුතුය. අප මෙම ගිවිසුම්වලට විශ්වාසවන්තව සිටින විට, ශුද්ධාත්මයාණන්වහන්සේ අපගේ විවාහ ගිවිසුම මුද්රා තැබිමට පොරොන්දුවේ. එවැනි මුද්රා තබන ලද ආශීර්වාද “ඉතිරි වන ඵල” බවට පත් වේ.
විවාහය නමැති නව සහ සදාකාලික ගිවිසුම විශ්වාසවන්තව තබාගැනීමට අවශ්ය වන්නේ කුමක්ද?
සභාපති රසල් එම්. නෙල්සන් අප මෙම සදාකාලික විවාහ ගිවිසුමට ඇතුල් වන විට බැඳීම් වර්ග දෙකක් ඇති බව උගන්වා ඇත: ස්වාමිපුරුෂයා සහ භාර්යාව අතර පාර්ශ්වීය බැඳීමක් සහ දෙවියන් වහන්සේ සමඟ ඍජු බැඳීමක්. උත්කර්ශවත් වීමේ ආශීර්වාද අප මත මුද්රා තබා මෙම ජීවිතයෙන් පසුවත් රැඳීමට නම්, අපි ගිවිසුමේ පාර්ශ්වීය සහ සෘජු බැඳීම් දෙකටම සත්‍ය විය යුතුය.
ඔබේ සහකරු හෝ සහකාරිය සමඟ පාර්ශ්වීය බැඳීම පවත්වා ගැනීම සඳහා, දෙවියන් වහන්සේ අපට උපදෙස් දී ඇත්තේ “[ඔබේ] භාර්යාවට [හෝ සැමියාට] [ඔබේ] මුළු හදවතින්ම ප්‍රේම කරන්න, සහ… ඇයට [හෝ ඔහුට] මිස වෙන කිසිවෙකුට ඇලුම් නොකරන ලෙසයි.” විවාහක අය සඳහා, වෙන කිසිවකුට නොව ඇයට හෝ ඔහුට ඇලී සිටීම යන්නෙන් අදහස් කරන්නේ ඔබ එකට ආදරයෙන් උපදෙස් දීමයි, ඔබ එකිනෙකාට ආදරය හා සැලකිල්ල, ඔබ බාහිර අවශ්‍යතාවලට වඩා ඔබේ සහකරු හෝ සහකාරිය සමඟ කාලය ගත කිරීමට ප්‍රමුඛත්වය දෙයි, සහ ඔබේ දුර්වලකම් මඟහරවා ගැනීමට ඔබට උපකාර කරන ලෙස ඔබ දෙවියන් වහන්සේගෙන් ඉල්ලන්න. එයින් අදහස් වන්නේ ආලවන්ත හැඟීම් පෑම හෝ පෙම් හමුවීම් ඇතුළුව ඔබේ විවාහයෙන් පිටත කිසිදු ආකාරයක චිත්තවේගීය හෝ ලිංගික සම්බන්ධතා නොමැති අතර රාගය ඇති කරන කාමුක දර්ශන නොමැති බවයි.
ගිවිසුමේ පාර්ශ්වීය බැඳීම තබා ගැනීමට, සෑම සහකරුවෙක්ම විවාහය තුළ සිටීමට කැමති විය යුතුය. සභාපති ඩැලින් එච්. ඕක්ස් මෑතකදී ඉගැන්වූයේ: “උන්වහන්සේ [දෙවියන් වහන්සේ] කිසිවෙකුට ඔහුගේ හෝ ඇයගේ කැමැත්තට එරෙහිව මුද්රා තැබීමේ සම්බන්ධතාවයකට බල නොකරන බව අපි දනිමු. මුද්රා තැබූ සම්බන්ධතාවයක ආශීර්වාද තම ගිවිසුම් රකින සියල්ලන්ටම සහතික වන නමුත් කිසිවිටෙක නුසුදුසු හෝ එයට අකැමැති වෙනත් පුද්ගලයෙකුට මුද්රා තැබූ සම්බන්ධතාවයකට බලකිරීම් කරන්නේ නැහැ..”
සභාපති නෙල්සන් විසින් සඳහන් කරන ලද සෘජු බැඳිම කුමක්ද? සෘජු බැඳීම අපි දෙවියන් වහන්සේ සමඟ ඇති කර ගන්නා එකකි.
දෙවියන්වහන්සේ සමඟ සෘජු බැඳීම තබා ගැනීමට, කීකරුකම, පරිත්‍යාගය, ශුභාරංචිය, පතිවෘතාව සහ කැපවීම පිළිබඳ නීති සම්බන්ධයෙන් අප විසින් ඇති කර ගත් දේවමාළිගා නියෝග වලට අපි විශ්වාසවන්ත වෙමු. අපගේ සදාකාලික සහකරුවෙක් ලබා ගැනීමටත් ධර්මිෂ්ඨ කලත්‍රයෙකු හා දෙමාපියෙකු වීමටත් අපි දෙවියන් වහන්සේ සමඟ ගිවිසුමකට එලඹෙමු. අපි සෘජු බැඳීම තබා ගන්නා විට, පසු පරම්පරාවේ ආශීර්වාද, ශුභාරංචිය සහ පූජකවරය් ඇතුළුව ආබ්‍රහමික ගිවිසුම හරහා දෙවියන් වහන්සේගේ පවුලේ කොටසක් වීමේ ආශීර්වාද සඳහා අපි සුදුසුකම් ලබන්නෙමු. මේ ආශිර්වදයන්ද ඉතිරි වන ඵලයයි.
නව සහ සදාකාලික ගිවිසුමට ඇතුල් වන සියල්ලන්ම සත්‍යව පවතින අතර සදාකාලයටම ආශීර්වාද ඔවුන් මත මුද්රා තබා ඇතැයි අපි බලාපොරොත්තු වන අතර, සමහර විට එම පරිපූර්ණභාවයට අපට ළඟා විය නොහැකි බව පෙනේ. මගේ දේවසේවය පුරාවට, ගිවිසුම් ඇති කර ගත් සහ රකින සාමාජිකයන් මට හමු වී ඇත, ඔවුන්ගේ සහකරු හෝ සහකාරිය එසේ නොවන විට. මරණීය ජිවිතයේ කිසිඳු අවස්ථාවක විවාහ වීමට අවස්ථාවක් නොලැබෙන තනිකඩ අය ද සිටිති. ඒ වගේම විවාහ ගිවිසුම් වලට විශ්වාසවන්ත නොවී ඉන්න අයත් ඉන්නවා. මෙම එක් එක් තත්වයන් තුළ පුද්ගලයන්ට කුමක් සිදුවේද?
-
ඔබ බලයෙන් සැරසුන අවස්ථාවේ ඔබ කළ ගිවිසුම්වලට විශ්වාසවන්තව සිටින්නේ නම්, ඔබේ සහකරු හෝ සහකාරිය ඔහුගේ හෝ ඇයගේ ගිවිසුම් කඩ කළත් හෝ විවාහයෙන් ඉවත් වී සිටියත්. ඔබට බලයෙන් සැරසීමේදි ඔබට පොරොන්දු වූ පුද්ගලික ආශීර්වාද ලැබෙනු ඇත. ඔබ මුද්රා තබා පසුව දික්කසාද වී ඇත්නම් සහ ඔබේ මුද්රාව අවලංගු නොකළේ නම්, ඔබ විශ්වාසවන්තව සිටින්නේ නම් එම මුද්‍රාවේ පුද්ගලික ආශිර්වාද ඔබට ක්‍රියාත්මක වේ.
සමහර විට, පාවාදීමේ සහ සැබෑ රිදවීමේ හැඟීම් නිසා, විශ්වාසවන්ත කලත්‍රයෙකුට පෘථිවියේ සහ සදාකාලිකවම ඔවුන්ගෙන් හැකිතාක් දුරස් වීමට තම අවිශ්වාසවන්ත කලත්‍රයා සමඟ මුද්රා තැබීම අවලංගු කිරීමට අවශ්ය විය හැකිය. ඔබ කෙසේ හෝ පසුතැවිලි නොවූ හිටපු සහකරු හෝ සහකාරිය සමඟ බැඳී සිටිනු ඇතැයි ඔබ සංව්ගයක් දක්වනවා නම්, මතක තබා ගන්න, ඔබ එසේ නොවනු ඇත! ඔහුගේ හෝ ඇයගේ කැමැත්තට පටහැනිව සදාකාලයටම මුද්රා තැබූ සම්බන්ධතාවයක සිටීමට දෙවියන් වහන්සේ කිසිවෙකුගෙන් ඉල්ලා සිටින්නේ නැත. අපගේ ආශාවන් සහ තේරීම් වලට ඉඩ දෙන සෑම ආශීර්වාදයක්ම අපට ලැබෙන බව ස්වර්ගීය පියාණන් සහතික කරනු ඇත.
කෙසේ වෙතත්, මුද්රා තැබීම අවලංගු කිරීම අවශ්ය නම්, තෝරා ගැනීමේ නිදහසට ගරු කරනු ලැබේ. ඇතැම් ක්රියා පටිපාටි අනුගමනය කළ හැකිය. නමුත් මෙය සාමන්‍ය ලෙස නොකළ යුතුය! පළමු සභාපතීත්වය පොළොවේ හා ස්වර්ගයේ බැඳීමට යතුරු දරයි. පළමු සභාපතිත්වය විසින් මුද්රා තැබීම අවලංගු කිරීමක් ලබා දුන් පසු, එම මුද්රා තැබීමට අදාළ ආශිර්වාද තවදුරටත් ක්‍රියාත්මක නොවේ; ඒවා පාර්ශ්විකව සහ සෘජු අතට අවලංගු වේ. උත්කර්ශවත් වීමේ ආශීර්වාද ලබා ගැනීම සඳහා, අපි මේ ජීවිතයේ හෝ ඊළඟ ජීවිතයේ හෝ මෙම නව සහ සදාකාලික ගිවිසුමට ඇතුල් වීමට සහ විශ්වාසවන්තව තබා ගැනීමට කැමැත්තෙන් සිටින බව පෙන්නුම් කළ යුතු බව තේරුම් ගැනීම වැදගත්ය.
-
සභාවේ තනිකඩ සාමාජිකයන් සඳහා, කරුණාකර මතක තබා ගන්න, “ස්වාමින්වහන්සේගේම ආකාරයෙන් සහ වේලාවේදී, උන්වහන්සේගේ ඇදහිලිවන්ත ශුද්ධවන්තයන්ගෙන් කිසිම ආශිර්වාදයක් වළක්වනු නොලැබෙයි. ස්වාමින්වහන්සේ එක් එක් පුද්ගලයාට ඔවුන්ගේ හෘදයාංගම ආශාව හා ක්‍රියාවන් අනුව විනිශ්චය කර විපාක ලබාදෙනු ඇත.”
-
ඔබ දේවමාළිගා ගිවිසුම්වලට විශ්වාසවන්තව නොසිටියේ නම්, බලාපොරොත්තුවක් තිබේද? ඔව්! යේසුස් ක්‍රිස්තුස්වහන්සේගේ ශුභාරංචිය බලාපොරොත්තුවේ ශුභාරංචියකි. එම බලාපොරොත්තුව අවංක පසුතැවිල්ලෙන් හා කීකරු ලෙස ක්‍රිස්තුස්වහන්සේගේ ඉගැන්වීම් අනුගමනය කරන විට යේසුස් ක්‍රිස්තුස්වහන්සේ තුළින් පමණක් පැමිණේ. පූජනීය ගිවිසුම් කඩ කරමින් පුද්ගලයන් බරපතළ වැරදි කරන බව මම දැක ඇත්තෙමි. අවංකවම පසුතැවිලි වී, සමාව ලබා, ගිවිසුම් මාර්ගයට නැවත පැමිණෙන අයව මම නිතිපතා දකිමි. ඔබ ඔබේ දේවමාළිගා ගිවිසුම් කඩ කර ඇත්නම්, මම ඔබෙන් ඉල්ලා සිටින්නේ යේසුස් ක්‍රිස්තුස්වහන්සේ වෙත හැරී, ඔබේ සභානායකවරය සමඟ උපදෙස් ලබාගෙන, පසුතැවිලි වී, යේසුස් ක්‍රිස්තුස්වහන්සේගේ වන්දිගෙවීම නිසා පවතින බලවත් සුව කිරීමේ බලයට ඔබේ ආත්මය විවෘත කරන ලෙසයි.
සහෝදර සහෝදරියනි, අපගේ ප්‍රේමණීය ස්වර්ගීය පියාණන් අපට ගිවිසුම් දී ඇති අතර එමගින් උන්වහන්සේ අප වෙනුවෙන් තබා ඇති සියල්ල වෙත ප්‍රවේශ විය හැක. දෙවියන් වහන්සේගෙන් ලැබෙන මෙම පරිශුද්ධ ආශීර්වාද ඕනෑම පොළොවේ ඵලයකට වඩා රසවත් ය. අප අපගේ ගිවිසුම්වලට විශ්වාසවන්තව සිටින බැවින්, ඒවා සදහටම අප වෙනුවෙන් ආරක්ෂා කළ හැකි අතර, ඉතිරිව ඇති ඵල බවට පත්වේ.
දෙවියන්වහන්සේ පොළොවෙහි හා ස්වර්ගයෙහි බැඳීමට බලය නැවත ලබා දුන් බවට මම සාක්ෂි දෙමි. එම අධිකාරිත්වය දක්නට ලැබෙන්නේ යේසුස් ක්‍රිස්තුස්වහන්සේගේ පසුදවස් වල ශුද්ධවන්තයින්ගෙන් යුත් සභාවේය. එය පළමු සභාපතිත්වය සහ දොළොස් දෙනාගේ ගණපූර්ණය විසින් පවත්වනු ලබන අතර සභාපති රසල් එම්. නෙල්සන්ගේ මඟ පෙන්වීම යටතේ ක්‍රියාත්මක වේ. විවාහයේ නව සහ සදාකාලික ගිවිසුමට ඇතුල් වී එම ගිවිසුම රකින අයට තම පාලනයෙන් ඔබ්බට ගිය තත්වයන් නොසලකා සම්පූර්ණත්වයට පත් විය හැකි අතර අවසානයේ පියාණන්ගේ මහිමයේ පූර්ණත්වය ලබා ගත හැකිය.
අපගේ ගිවිසුම්වලට අදාළ වන මෙම පොරොන්දු වූ ආශීර්වාද, පොරොන්දුවේ ශුද්ධාත්මයාණන්වහන්සේ විසින් අප මත මුද්රා තබා සදාකාලයටම “ඉතිරි වන ඵල” බවට පත් විය හැක. මම එසේ සාක්ෂි දරන්නේ යේසුස් ක්‍රිස්තුස්වහන්සේගේ නාමයෙන්, ආමෙන්.