Habriendo e Shelunan pa Ayudo
Laga nos one nos fe den Señor JesuCristu den akshon!
Ki úniko i bunita seshon esaki tabata. Danki na ido Laudy i Enzo. Boso ta representá magnífiku [organisashon di] mujeres jovenes i hombres jovenes di e Iglesia asina bon.
Mi kerido rumannan, nos a tende hopi awe di e Restourashon di e Iglesia— e mesun Iglesia ku nos Salbador, JesuCristu a establesé durante Su ministerio terenal. E Restourashon a kuminsá200 (dosshen) aña pasá den primavera ora e Tata i e Yu, JesuCristu, a aparesé na e hóben, Jose Smith.
Dies aña desoues di e vishon transidental aki, e Profeta Jose Smith i sinku otro a wòrdu yama pa ta miembronan fundadó di eñor Su Iglesia restourá.
Di e grupo chikí reuní riba 6 April 19830, a bira un organisashon global di mas ku 16 (diesseis) mion miembro. E bon ku e Iglesia aki a logra rònt mundupa aliviá sufrimentu humano i proveé un elevashon pa e hende ta ampliamente konosí. Pero su propósito prinsiapal ta pa yuda hende hòmber, i hende muhé, i muchanan pa sigui e Señor JesuCristu, warda Su mandamentunan, i kalifiká pa e mas grandi di tur benishon— esun di bida eterno ku Dios i esnan ku nan stima.1
Ora nos ta konmemorá e suseso ku den 1820, a inisia e Restourashon, e ta importante miéntras nos ta reverensiá Jose Smith komo profeta di Dios, esaki no ta e iglesia di Jose Smith, tampoko e ta e iglesua di Mormon. Esaki ta e Iglesia di JesuCristu. El a dekretá eksaktamente kon Su Iglesia mester wòrdu yamá: “Pasó asina mi Iglesia lo wòrdu yamá den e delaster dianan, kua ta E Iglesia di JesuCristu di e Santunan di e Delaster Dianan.”2
Mi a yega di papia anteriormente tokante e kurso korekto nesesario di e manera ku nos ta referí na e nòmber di e Iglesia.3 For di e tempu ei, hopi a wòrdu hasí pa logra e korekshon aki. Mi ta hopi gradisí na Presidente M. Russell Ballard i henter e Qurum di e Diesdos Apòsteknan, ku a hasi asina tantu pa dirigí e esfuersonan aki mes bon ku esnan relashoná na un otro inisiativa ku lo mi annsiá awe nochi.
Lidernan di Iglesia i departamentunan, entidatnan relashoná, i miones miembro—i otronan—awor ta usa e nòber korekto di e Iglesia. E Iglesia ofisial su estilo di guia a wòrdu ahustá E sitio web prinsipal di Iglesia awor ta ChurchofJesuChrist.org. Direkshonnan pa email, nòmbernan di domain, i kanalnan di media sosial a wòrdu aktualisá. E koro stimá awor ta E Koro di Tabernakel na e Plasa di Tèmpel.
Nos a bai na e esfuersonan ekstraordinario aki pasó ora nos kita Señor Su nòmber for di Su Iglesia, nos ta kita inatvertiblemente E komo e enfoke sentral di nos adorashon i nos bida. Ora nos tuma e Salbador Su nòmber riba nos mes na boutismo, nos ta komprometé, pa testifiká, dor di nos pensamentunan i akshonnan ku Jesus ta e Cristu.4
Anteriormente, mi a primintí ku si nos “hasi nos esfuerso pa restourá e nòmber korekto di Señor Su Iglesia,” E lo “drama Su poder i bendishon riba e kabes di e Santunan di e Delaster Dianan, manera ku nunka antes nos no a mira.”5 Mi ta renobá e promesá ei awe.
Pa yuda nos kòrda;E i pa identifiká E Iglesia di JesuCristu di e Santunan di e Delaster Dianan komo e Señor Su Iglesia, nos tin e plaser di introdusí un símbulo ku ta identifiká e lugá sentral ku JesuCristu tin den Su Iglesia.
E símbolo aki ta inkluí e nòmber di e Iglesia kku ta den .un piedra angular. JesuCristu ta e piedra angular di mas importante.6
Den e sentro di e símbolo tin un representashon di Thorvaldsen su estatua di marmòl e Cristu. E ta ilustrá e Señor resusitá, bibu ekstendiendo Su mannan pa brasa tur ku ke bini serka Dje.
Símbolikamente JesuCristo ta ta pará bou di un arka. E arka ta kòrda nos di e Salbador saliendo di e tumba riba e di tres dia despues di Su Krusifikshon.
E símbolo lo ta konosí pa hopi, pasó pa hopi tempu nos a identifiká e evangelio restourá ku e Cristu resusitá i bibu.
E símbolo awor lo wòrdu usákomo un identidat visual pa literatura ofisial, notisia, i susesonan di e Iglesia.7 E lo kòrda tur ku esaki ta e Señor Su Iglesia i tur loke nos hasi, komo miembronan di Su Iglesia, ta sentrá riba JesuCristu i Su evangelio.
Awor, mi kerido rumannan, mayan ta Dhadumingu di Rama, manera Elder Gong a siña asina elokuente. Despues nos ta drenta e siman ku ta kulmná ku Pasku (di Resurekshon). Komo siguidónan di JesuCristu, bibando den tempu ku e pandemia COVID-19 a pone hinter e mundu den komoshon, laga nos no solamente papia di Cristu òf prediká di Cristu òf usa un símbolo representando Cristu.
Laga nos pone nos fe den Señor JesuCristu den akshon!
Manera boso sa, miembronan di e Iglesia ta rwarda e lei di ayuno un biaha pa luna.
E doktrina di ayuno ta hopi bieu. El a wòrdu praktiká dor di heruenan bíbliko for di e promé dianan. Moises, David, Ezra, Nehemias, Ester, Daniel, Joel, u hopi otro a yuna i a prediká e ayuno8 Den e skritua di Isaias, Señor a bisa: “No ta esaki ta e ayuno ku Mi a skohe? pa lòs e lasonan di inikidat, pa kita e karganan pisá, i pa laga e oprimínan bira liber?”9
E Apòstel Pablo a amonestá e Santunan na Korintios pa “duna bo donativonan di ayuno i orashon.”10 E Salbador Mes a deklará ku siero kosnan lo “no ta sali sino dor di orashon i ayuno.“11
Resietemente mi a bisa den un video riba e medionan sosial ku “komo un dòkter i sirugano, mi tin gran atmirashon pa e profeshonalnan médiko, sientífikonan, i tur esnan ku ta trahando 24 ora pa frena e e plamamentu di COVID-19.”12
Awor, komo Presidente di e Iglesia di JesuCristu di e Santunan di e Delaster Dianan i un Apòstel di JesuCristu, mi sa ku Dios “tin tur poder, tur sabiduria, i tur komorenshon; E ta komprondé tur kos, i ta un Ser miserikordioso, asta pa salbashon, pa esnan ku ke arepentí i kere den Su nòmber.”13
P’esei durante tempu di angustia profundo manera ora malesa yega ba prporsonnan di pandemia, e kos mas natural pa nos hasi ta pa yama riba nos Tata Selestial i Su Yu—e Maestro Sanadó — pa demostrá Nan poder maravioso pa bendishoná e hendenan na mundu.
Den mi mensahe di video, mi a invitá tur pa uni den ayuno riba djadumingu, 29 mart, 2020 (dosmil binti). Hopi di boso por a wak e video i a uni den e ayuno. Algun lo no a hasié. Awor te ainda nos mester ayudo di shelu.
P’esei awe nochi, mi kerido rumannan, den e spiritu di e yunan di Mosuah, ku a dediká nan mes na hopi ayuno i orashon, 14 i komo parti di nos konferensia general di aprel 2020 (dosmil binti), mi ta yama pa un otro ayuno mundial. Pa tur esnan ku nan salú ta pèrmití, laga nos yuná, resa, i uni nos fe un biaha mas. Laga nos roga den orashon pa alivio di e pandemia global aki.
Mi ta invitá tur, inkluyemdo esnan ku no ta di nos fe, pa yuna i resa na riba Bièrnè Santu,10 aorel, ku e pandemia presente por wòrdu kontrolá, dunadónan di kuido protehá, e ekonomia fortalesé, i bida normalisá.
Kon nos ta yuna? Dos kuminda òf un periodo di 24 ora ta e kustumber. Pero bo mester disidí kiko lo konstituí un sakrifisio pa bo, miéntras bo ta kòrda e sakrifisio supremo, ku e Salbador a hasi pa bo. Laga nos uni den e ruego pa e sanashon rònt mundu.
Bièrnè Santu lo ta e dia perfekto pa laga nos Tata Selestial, i Su Yu skucha nos!
Rumannan stimá, mi ta ekspresá mi amor profundo pa boso, huntu ku mi testimonio di e divinidat di e den kual nos ta obra komprometé. Esaki ta E Iglesia di JesuCristu di e Santunan di e Delaster Dianan. E ta pará na kabes i ta dirigí tur loke nos ta hasi. Mi sa ku E lo kontestá ku E ki kontestá e ruego di Su pueblo. Mi ta testifiká asina den e nòmber sagrado di JesuCristu, amèn.