Nu’un Nima Par fare Thothup Rok’ Somol Riy
Garam pere’eg e falfalaen’ nib gel ni gabe gay rogon ni nge par ni tabinaew rom nib tabinaew ko mich ngak’ fare Somol Yesus Kristus ma bang nibay e tu’ufeg riy.
Pi walageg, kug falfalaen’ ni kan pinngeg ni ngu noen ngomed ko re 189th Annual General Conference ko Fare Galasia ku Yesus Kristus ni fan ko gidii’en rok’ ko Tin Tomur e Rran. Ko re rran ney nap’an e 1830, Joseph Smith e yarmiy rogon fare Galasia u dakaen fare fanow rok Somol. Kan ngongliy ulan fare tabinaew rok Whitmer nib chuchgur nga Fayette, New York. Bay nel’ i gidii’en e galasia nge 50 e gidii’ e rofen nem.
Dariy fan ni dagnang ko mang e yoeg Profet Joseph fa rogon ya’an nap’an ni saki’iy nga pow’chan fapi gidii’, gum manang rogon ni thamiy e pi gidii’ nem nibay e mich roraed ngak Yesus Kristus. Kar thamiyed fare Kan ni Thothup, ma kar thamiyed ni yaed bay u bayang nib thothup. Kar thamiyed ni yaed e ulung ko ta’areb.
Biney e thamtham e irraray e n’en ni gadaed ba’dag ni ngad thamiyed ulan fapi tabinaew rodaed. Ni ba thamtham ni ma yib, ni woed rogon ni weliy Paul, “lanin’med ni tin ba’adag e Kan ni Thothup.”1
Numon rog e daba’ e ngu fil e tin ni gu manang rogon ni rayag ni ngad thamiyed e biney ni bo’or ngiyal’ nga rogon nira par u lane tabinaew rodaed nib n’uw nap’an. Woed ni ga manang yake buch rom, ni dani moem ni ngan rrin’. To’ogor, uf’uf, nge denen e nge par nib palog. Fare tu’ufeg rok Kristus nib polo’ e thangri yib ngalan gum’ircha’en gidii’en fare tabinaew.
Adam nge Eve, Lehi nge Sariah, nge ku boech fapi galibthir ni gadad manang ulan fapi scriptures e kar nanged ni biney e ba momaw’ rogon. Machane bay rogon wo’en ni kan dag ngodaed ni rayag ni nge ayuweg e tabinaew rodaed. Ma pi kanawo’en ney e rayag ni nge dag ngodaed wo’en ni rayag ni nge buch rodaed nge fare tabinaew rodaed. Gamed manang e n’en nike buch u 4 Nephi:
“Me yibi buch ni dariy e maleʼeg thin u lan fare nam, ni bachan e fare tʼufeg rokʼ Got ni bay u lan gumʼirchaʼen fapi gidiiʼ.
“Ma dariy e moʼowaenʼ, ara togopluw, ara gatheay e gapas, ara gathar, ara baen, ara mathang pogofan, ara ba mite dirngalen e galong; ma rriyulʼ ni dakuriy ba ulung i gidiiʼ ni aram fini falfalaenʼ ngab yang u fithikʼ gubin e pi gidiiʼ ni sunmiy Got nga paʼ.
“Dariy e moroʼroʼ, ara piʼin ni tamathang pogofan, ara bay reb fapi Lamanites, ara beeʼ u ba ulung ni -ites; ya yaed ba taʼareb, ni fapi bitir rokʼ Kristus, nge piʼin taferaed fare gilʼilungun Got.
“Ma rib felʼ waʼathraed! Ya fare Somoel e tawaʼath nagraed u fithikʼ e pi ngongol roraed; arragon, ni arame ni tawaʼath nagraed me felʼ rograed nge yaeni madaʼ ko ngiyalʼ ni ke mʼay e bin raʼay nge ragag e duw; me mʼay e bin sommʼon e mfen ko ngiyalʼ ni yib Kristus, ma dariy e maleʼeg thin u lan gaʼangin yang fare nam.”2
Ni woed ni gamed manang, biney e ngiyal’ ko falfalaen’ e dani par ni manemus. Biney e chep ni bay ko 4 Nephi e weliy rogon fare thothup nibe wear i yan u fithik fapi gidii’ nib mangil. Biney e be m’ug ko gidii’ ni gubin e duw rok’, ulan e galasia, ma, baga’, ni lane tabinaew. Rran fil e biney e yalen, ma rayag ni ngad guyed rogon ni ngad ayuwegned min ga’nag fare thamey ko tu’ufeg ulan e tabinaew rodad.
Ba’aray yalen ni be m’ug ma be achig i yaen gonpa’an 200 e duw tomur kar pared u fitihik e gapas nibe pii’ fare gospel:
Uf’uf nibe tabab.
Gidii’ e kar tal’ i pii’ e tin ni bay rorad ngak’ boech e gidii’.
Ma yad be tabab i weregrad u but’ ni boech e gidii’ e ba tolang fa ba sobut’ ngak’ boech e gidii’.
Ma mich rorad e ba tabab i waer i yaen ngak Yesus Kristus.
Ma yad be tabab ngar fananikiyedrad.
Ma yad be tabab ngar rrin’ed urngin miit e denen.
Galibithir nib mangil ere nang e tiney nap’an nra tabab ma be m’ug rok’ fapi gidii’en e tabinaew roraed. Ma yadra, ni riyul’, nra kirbaen’raed. Machane yadra nang ni biney e be yib rok’ Mo’oniyaen’ nibe wawliy e gidii’ nib fel’ ni yaen nga kanaow’ nib denen nge chuw fare pow’iy ko Kan ni Thothup rok’. Ere, galibithir nib mangil era guy rogon ni rayag ni nge ayuweg gubin e bitir, nga yaed, ni ngar fanayaed fare mulwol rok’ Somol ni ngar bad Ngak’.
Rayag ni ngam pining fare tir ni nge kalngaen’, ni woed, kalngaen’ ko uf’uf. Rayag ni ngam ayuweg fare tir nge f’odnag e tin bay rok’. Rayag ni ngam fithraed ngar tal gaed i thamiy ni yaed e fal’ rogonraed ngak’ bee’ ulan fare tabinaew. Ma yib e bin ba’aray ni kug weliy ni woed “Ma mich rorad e ba tabab i waer i yaen ngak Yesus Kristus.”
Bay e kiy ni rayag ni nge fek e tabinaew rom nge mon’og ko tin nib thothup ban’en ni woed rogon ni gaba’adag—nge gur ni gabay roraed. Nap’an garam ayuwegrad nge mon’og fare mich rorad ngak Yesus Kristus ni’ir fare Tabuyul rorad, yaed ra thamiy ni yaed ba’adag ni ngar kalngaen’raed. Nap’an ni yadra rrin’, ma sobut’aen’ era yon’ lon fare ‘ufuf. Nap’an ni yadra tabab ngar thamiyed fapi n’en nike pii’ Somol ngorad, ma yadra a’adag ni ngar f’od niged e tin nibay roraed. Ma uf’uf ni gur e sorom e ra chuw nga m’ay. Ma adag era chuweg fare fananikaen. Ma fini arram, ni woed rogon ni rrin’ ngak fapi gidii’ ni fekraed fare Pilung i Benjamin, ni yaed ba’dag ni ngar rinn’ed e tin nib mangil ban’en ni ngar palog gaed ko denen. Gidii’en fare Pilung i Benjamin era michegned ni kar adaged ni nge chuw roraed fare athap ko ngongol ni kireb.”3
Mon’og nag rogon e mich ngak Yesus Kristus e tabab ko fare wo’en ni ngan fulweg fare tabinaew rom nge sul nga ggil’. Biney e mich e rayag ni nge ayuwegdad ngad kalngaen’gaed ko bin ba’aray ni gabe machib ko urngin e tin ni gadaed be mo’owaer riy nib thothup.
Rayag ni ngam dag rogon e pingin nib mangil. Gidii’en fare tabinaew nge ku boech e gidii’ e thingar guyed gur ni gabe mon’og ko mich rom ngak Yesus Kristus nge fare gospel Rok’. Fan gun pii’ ngom e ayuw. Galibithir ulan fare Galasia e kan fal’eg wa’athan raed ko e talen ko ganop ni ngar rrin’ed u lane tabinaew nge fanrad. Nap’an ni garam yus nag, ma garam ga’nag fare mich rom nge pi fakam ngak fare Somol Yesus Kristus.
Ilal u fithik e Mich
Mich rom ngak’ fare Tathapeg era mon’og nap’an ni garam rrin’ ni woed rogon ni yoeg President Russell M. Nelson ni ngam be’eg bayay fare Babyor ku Mormon. Ma gabe achay e thin nibe yipfan ngak fare Tathapeg. Ma mich rom ngak Yesus Kristus ere gga’. Machane, woed baka foy’ nib be’ech, ni mich rom ngak’ Yesus Kristus era ul’ul’ nge mon’og ni fa’an garam meybil mag lemnag e pin’ey.
Wo’en e mich rom nibe mon’og e woed ni gathi gubin urngin gathon e tabinaew rom nra leak. Machane mu lemnag e n’en ni buch rok’ Alma ni bitir. Nap’an nib tu’uf ni nge kalngaen’ min n’agfan rok, ke yib ngan’ fare mich rok’ e chitaman ngak Yesus Kristus. Pi bitir rom era yib ngan’raed fare mich rom ngak’ fare Tathapeg ko ngiyal’ nib tu’uf ni ngar kalngaen’gaed. Alma ni weliy e n’en ni buch:
“Me yibi buch u napʼan ni kug gafgow ko amith, u napʼan ni ke magaf anʼug ko pi denen rog nib yoʼor ni gube lemnag, ma musap, ma kiyib nganʼug ni gu rungʼag chitamag nibe prophesy nag ngakʼ fapi gidiiʼ ni morngaʼagen fare wub rokʼ beeʼ ni Yesus Kristus, ni Fak Got, ni nge bayul nag e gidiiʼ nu fayleng ko pi denen roraed.
“Chiney, e napʼan ni yib e biney e tafnaey ko lem rog, mug yoer nag u lan gumʼirchaʼeg: O Yesus, ni gur Fak Got, murnguyeg, ya kar guʼaw nga fithikʼ i luben e amith, ma kan liyegeg ko fapi chen ni mʼagan e yamʼ.
“Ere chiney, e musap, napʼan nug lemnag e rennʼey, ma daki yib nganʼug e pi amith ni bay rog; arragon, ma daki magaf anʼug ko pi denen rog.”4
Meybil u fithik e tu’ufeg
Ko fare mich rom nibe ga’ i yan, meybil rom ulan fare tabinaew e rayag ni nge ayuweg e tabinaew rom nge par nib thothup. Ta’ bee’ e baga’ ni yima pining ni nge fek fare meybil nifen fare tabinaew. Nap’an fare meybil e ba sorfan ngak Got nifan gubin fapi gidii’ nibe garbug ma be motoyil, ra ga’ fare mich roraed ni gubin. Ma yadra thamiy fare tu’ufeg rok e Chitamangiy nibay u Tharmiy nge fare Tathapeg. Ma nap’an nra yibliy facha’ nibe fek e meybil fapi gidii’ nibe garbug ulan fare tabinaew ko tin nib tu’uf roraed, yaed gubin ma yadra thamiy fare tu’ufeg ngak nge gubin gothon fare tabinaew.
Demutrug ko boech gidii’en fare tabinaew e de moy ulan fare tabinaew, meybil e ma gelnag fare tha’ ko tu’ufeg. Meybil ulan e tabinaew e rayag ni nge yan u dakan e fayleng. Gathi ta’ab bayay ni kug nang ni bee’ nib palog ulan e tabinaew rog e gamow be meybil ni fan ta’ab ban’en. I gag, fare bugi thin ni yima yog “Fare tabinaew nima meybil u ta’abang e ma par u ta’abang” e rayag ni ngan nog e “Fare tabinaew nima meybil u ta’abang e ir e ta’abang, demutrug ko yaed palog rorad.”
Fil mornga’agen e kalngaen’ ni kayib bitir
Ni bachan e dariy bagdad ni’ir e fel’ e gubin rok’ ma pi thamtham rodaed e ba papay nima kireb, tabinaew e rayag ni nge par nib thothup ni fa’an yadra kalngaen’raed nib papay. Galibthir e rayag ni ngar dagew rogon e biney. Thin ni dani fel’ fa laem ni togan e rayag ni ngan kalngaen’ riy nib papay. Ni woed ni nganog e “Siro’ ngom” e rayag ni nge fosag e mada’ad me pining e man’agfan nge tu’ufeg.
Fare Profet Joseph Smith e ir ni mangil ni dag rogon e biney ni demutrug gelngin ni yibe gafgow nag, pi gidii’ nib togon, nge gidii’ ndar ta’areb lungunraed ulan fare tabinaew rok’. Ke n’agfan ni rib pay, demutrug ni manang ni kra yib e gidii’ ni togan nge gafgow nag bayay. Ke fith ni ngan n’agfan, make rrin’ ndariy pilwon.5
Ayuweg fare Thothup ko Missionary
Fapi pagal ni fak Mosiah e kar dugliyed u wun’raed ni ngar pii’ed fare gospel ngak gubin e gidii’. Biney e a’adag e ke yib ko tin ni kar filed nap’an ni kar kalngaen’gaed. Dabunraed ni nge gafgow e gidii’ ko fapi denen roraed ni woed rogon nike buch roraed. Ere bo’or e duw, ni rib gel e gafgow riy, ni kar ul’ul gaed ngar weregned fare thin ko gospel rok Yesus Kristus ngak fapi gidii’ nib togan. Nap’an e biney, kar pire’egned e falfalaen’ ko gidii’ nib bo’or nike kalangaen’ ma ke thamiy fare falfalaen’ ko man’agfan e denen u daken fare Bayul rok’ Yesus Kristus.
Gathon e tabinaew rodaed e yadra mon’og ma yadra a’dag ni ngar weliyed fare gospel ni kar thamiyed ko fare falfalaen’ ko man’agfan. Rayag ni nge yib u nap’an ni kar be’ech niged fare m’ag fa nap’an ni kar feked fare sacrament. Thothup ko missionary e ra ga’ ulan e tabinaew rodaed ma galibthir nge bitir e yadra thamiy e falfalaen’ ko man’agfan ulan fare mu’ulung ko sacrament. Rogon e ngongol rorad ni yadbe fol, galibthir nge fapi bitir e rayag ni ngar ayuwegnedrad ngar thamiyed fare falfalaen’. Ni re falfalaen’ ney e rayag ni nge fal’aggin rogon e tabinaew rodaed ni nge par ni’ir e woed ggin nima skul e missionary riy. Gathi gubin e gidii’ nrayag ni nge yan ko misison, machane gubin era thamiy ni ba’dag ni nge wereg e thin ni mornga’agen fare gospel, ni’ir e ke fekrad kar thamiy e man’agfan nge gapas. Demutrug ko gabay ko mission rom ni ga’ngin fa danga’, gubin mrayag ni nge thamiy e falfalaen’ nap’an ni yibe weliy fare gospel ngak boech e gidii’.
Yaen nga Tempel
Fan ngak’ e galibthir nge bitir, tempel e gin th’abi manggil ni ngan thamiy fare tu’ufeg ko gin nib thothup u tharmiy. Ni biney e th’abi riyul’ nap’an e kab bitir e bitir. Bitir e kan gargel nagrad nibay fare tomilang rok’ Kristus roraed. Mus ko bitir ma rayag ni ngar thamiyed ni fare tempel a bayang nib thothup. Ni bachane e galibthir e ba tu’uf pifakraed roraed, fare tempel e be yipfan fare athep nrayag ngak’ pifakraed ni ngar tu’ufegned ulan fare tabinaew ni manemus—ni manechubog.
Boech i gimed e bay ya’an e tempel ulan e tabinaew rok’. Nap’an yibe ul’ul’ ma yibe toy e tempel u dakaen e fayleng, be mom ngak’ e galibthir ni ngar feked gathon e tabinaew roraed nga tempel. Ma inn e rayag ni nge un ko tempel nap’an ni kan bing nikan mu’ i toey. Galibthir e rayag ni ngar fithed pifakraed ko rogon ni yadbe thamiy nap’an ni yad bay u charen fa langgin fare tempel.
Galibthir e rayag ni ngar weliyed e tin nib mich u wan’raed ko tin ni yaed manang ni mornga’agen e tempel. President Ezra Taft Benson, ni ri ba’adag fapi tempel, ni baga’ nima weliy mornga’agen e nina’ rok’ ni ma lukuy me ayliy e mad rok ko tempel.6 Ma weliy mornga’agen e tafney rok’ nap’an ni kab achig ni ma yalay e tabinaew rok’ ni yaed be yan nga tempel.
Nap’an ni mang e President ko Galasia, ma yaen nga tempel ni ta’areb rogon e rran riy ko gubin e wik. Gubin ngiyal’ ma murwel u tempel ni fan ngak’ e gidii’ ni kakrom. Ma ayuweg fapi missionaries ni yaed bay ko ggin nib thothup ni nge ayuweg e tabinaew rok’.
Mich rog
Garam pere’eg e falfalaen’ nib gel ni gabe gay rogon ni nge par ni tabinaew e ba tabinaew ko mich ngak’ fare Somol Yesus Kristus ma bang nibay e tu’ufeg riy. Fare Sulyarmen ko fare gospel e tabab ko ba duwer nib sobut’aen’ ni yib ulan e tabinaew, ma ke ul’ul’ nglan e tabinaew rodaed ni gadaed be gay rogon fapi yalen e gospel. Irrary e tin ni gube athapeg nge tin ni gu ba’adag nap’an ni ku gub pagal. Ni gadaed gubin ma bay fare tabinaew rodaed. Bo’or i gimed e bay rok’, ayuw ko fare Somol, ni ke ngongliyraed.
Boech e ke gay rogon ni polo’ i gum’ircha’en ko fare tawa’ath, ma dawrin pii’ ngak’. Micheg rog ngom e woed rogon ni yoeg reb chongin fare Quorum ko fare Ragag nga L’agruwi Apostles ni yoeg ngog. Ku gog ngak’ ni bachane tin nibe turguy boech e gidii’en e tabinaew rog, dagur lemnag nrayag ni ngu pared u ta’abang ko bin migid e yafos. Me ga’ar, rogon ni kug nangfan e, “Gabe sap ko tin ba’aray ban’en ni dani ga’fan. Ngam par ni ngam be’ech nigem ko fare celestial, ma tin mornga’agen e tabinaew e ba mangil ko tin ni gabe tafneynag.”
Mich u wun’ug ngay nran ki’iyeg fare athap ko falfalaen’ ngak bagdaed u roy u fayleng ni ke rrin’ ni gubin ni ngayag ngak’ nge tabinaew rok’ fare yafos ni manems. Gu manang ni tonom rok’ e Chitamangiy nibay u Tharmiy e ba tonon ni fan e falfalaen’. Mich u wun’ug ngay ni fare wo’en e tonom Rok’ e rayag ni nge ayuwegdaed ni gubin nibe rrin’ e tin nib mangil ni ngaed sealed gaed ko pi tabinaew rodaed ni manemus.
Gu manang ni fare kiy ko priesthood nikan fulweg ngak Joseph Smith nikan pii’ ke yibi mada’ ngak President Russell M. Nelson. Ni pi kiy ney e rayag ni nge fal’eg rogon nge seal nag gathon e tabinaew e dabay. Gu manang ni gadaed ba tu’uf rok’ e Chitamangdaed nibay u Tharmiy, ni gaded pi fak, ko fare tu’ufeg rok’ nib polo’. Gu manang ni bachan fare Bayul rok Yesus kristus, rayag ni ngad kalngaen’gad, min be’ech nagdad, min par nib thothup ulan fapi tabinaew rodaed ni manemus rok’ e Chitamangadaed nibay u Tharmiy nge Fak ni kari mus, Yesus Kristus. Gube micheg u dakean fithngan i Yesus Kristus, amen.