Revelashon pa e Iglesia, Revelashon pa Nos Bidanan
Den e dianan benidero lo no ta posibel pa sobrebibí spiritualmente sin e influensia ku ta guia, dirigí, konsolá, i konstante di e Spiritu Santu.
Esta un privilegio glorioso e ta pa selebrá Pasku [di Resurekshon] ku boso riba e djadumingu di konferensia general aki! Nada no por ta mas apropiá ku konmemorá e evenemento di mas importante ku a sosodé na e mundu aki ku adorashon e ser mas importante ku a kana riba e mundu aki. Dje esaki, E Iglesia di JesuCristu di e Santunan di e Delaster Dianan, nos ta adpr’É ku a kuminsá Su infinito Ekspiashon den e Hardin di Getsemani. E tabata dispuesto pa sufri pa e pikanan i debilidatnan di kada unu di nos, kual sufrimentu a kousa ku El a “sangra di kada poro.”1 El a wòrdu krusifiká riba e krus di Kalvario2 i a lanta e di tres dia komo e promé ser resusitá di nos Tata Selestial Su yunan. Mi stim’É i ta testifikáku E ta biba! Ta e ta dirigí i guia Su Iglesia.
Sin e Redentor Su Ekspiashon infinito, ningun di nos lo por a spera di regresá serka nos Tata Selestial. Sin Su Resurekshon, morto lo tabata e final. Nos Salbador Su Ekspiashon a hasi bida eterno posibel i inmortalidat un realidat pa tur.
Ta dor di e mision transendental i e pas ku E ta duna Su siguidornanku mi kasa, Wendy, i ami a sinti [e] konsuelo lat riba 2 yanüari 2018, ora nos a wòrdu lantá pa un yamada bisando nos ku Presidente Thomas S. Monson a pasa dor di e velo.
Kuantu nos ta sinti falta di Presidente Monson. Nos ta honra su bida i su legado. Un gigante spiritual, el a laga un imagen ku no por kita riba tur ku a konos’é i riba e Iglesia ku e tabata stima.
Riba djadumingu, 14 yanüari 2018, den e sala superior di e tèmpel di Salt Lake, e Promé Presidensia a keda reorganisá den e patronchi simpel, pero sagrado establesé pa e Señor. Despues, ayera mainta den e asamblea solemne, miembronan di e Iglesia rònt mundu a lanta nan man pa konformá e akshon tumá anteriormente pa e apòstelnan. Mi ta humildemente gradisí pa boso sosten duná.
Tambe mi ta gradisí pa esnan riba kual nan skouder mi ta pará. Tabata mi privilegio pa sirbi den e Quorum di e Diesdos Apòstelnan pa 34 aña i pa a konosé personalmente 10 di e ðelaster 16 Presidentenan di e Iglesia. Mi a siña hopi di kada unu di nan.
Tambe mi ta debe hopi na mi antepasadonan. Tur ocho di mi bisabuelonan tabata konverso di e Iglesia na Oropa. Kada unu di e almanan leal aki a sakrifiká tur loke nan tabatin pa bin Sion. durante e generashonnan posterior, sinemargo, no tur di mi ansestronan a keda mes komprometé. Komo resultado, mi no a lanta den un hogar sentrá riba e evangelio.
Mi ta adorá mi mayornan, Nan tabata nifiká hinter e mundu pa mi i a siña mi lèsnan krusial. Mi no por gradisí nan sufusiente pa e hogar felis ku nan a kreá pa mi i pa mi rumannan. I tòg, asta komo mucha, mi tabata sa ku mi tabata falta algu. Un di a mi a subi riba e tram i a bai un boekhandel pa buska un buki di e Iglesia. Mi a gusta siña tokante e evangelio.
Ora ma bin komprondé e Palabra di Sabidoria, mi tabata ke pa mi mayornan biba e lei ei. E ora ei riba un dia ora mi tabata hopi yòn, mi a bai den e kèlder i a kibra tur bòr di likùr riba e flur di betòn! Mi a spera ku mi tata lo a kastigá mi, pero nunka el a bisa nada.
Segun mi tabata nadurá i a kuminsá komprondé kon magnifiko Tata Selestial Su plan ta. Hopi biaha mi a bisa mi mes, “Mi no ke mas regalo di Pasku! Mi ke djis ta seyá na mi mayornan.” E suseso tan sperá ei no a sosodé te ora mi mayornan a pasa 80 [aña], i e ora ei el a sosodé. Mi no por ekpresá kompletamente e goso ku mi a sinti e dia ei.3 i kada dia mi ta sinti e goso di nan seyamento i ku mi a wòrdu seyá nan nan.
Na diesbuebe kuarentisinku, tempu mi tabata na e skol di medisina, mi a kasa ku Dantzel White na e tèmpel di Salt Lake. E i ami tabata bendishoná ku nuebe yu muhé ekselente i un yu hòmber presioso. Awendia nos famia ku ta sigui krese ta un di e gosonan di mas grandi di mi bida.
Na 2005, despues di kasi 60 aña di matrimonio, mi kerido Dantzel inesperadamente a wòrdu yamá pa bai kas. Pa un periodo mi tristesa a kasi inmobilisá mi. Pero e mensahe di Pasku i e promesá di resurekshon a sostené mi.
E ora ei e Señor a trese Wendy Watson banda di mi. Nos a wòrdu seyá den e tèmpel di Salt Lake riba seis di aprel dos mil seis. Kuantu mi ta stim’é! E ta un hende muhé ekstraordinario—un gran bendishon pa mi, pa nos famia, i pa hinter e Iglesia.
Kada un di e bendishonnan aki a bin komo resultado di buska i duna oído na e susuro di e Spiritu Santu. Presidente Lorenzo Snow a bisa, “ Esaki ta e gran privilegio di kada Santu di e Delaster Dianan, ... ku e ta nos derechi pa tin e manifestashon di e Spiritu tur dia den nos bida.”4
Un di e kosnan ku e Spiritu repetidamente ta susurá mi den mi mente for di mi yamamentu nobo komo Presidente di e Iglesia ta kon dispuesto Señor ta pa revelá Su mente i boluntat. E privilegio pa risibí revelashon ta un di e donnan di mas grandi di Dios pa Su yunan.
Dor di e manifestashonnan di e Spiritu Santu, Señor lo asistí nos den kada un di nos buskedanan hustu. Mi ta kòrda den un sala di operashon, mi a para dilanti un pashènt—insigur di kon hasi un sirugia sin presendente—i a eksperenshá e Spiritu Santu trahando e diagram di e teknika den mi mente.5
Pa fortalesé mi proposishon na Wendy, mi a bis’é, “Mi sa di revelashon i kon pa risibié” Pa su merito—i, manera mi a bin komprondé, algu tipiko di dje—ya kaba el a buska i risibí su propio revelashon tokante nos, loke a dun’é e kurashi di bisa si.
Komo miembro di e Quorum di e Diesdos Apòstelnan, mi tabata resa diariamente pa revelashon i a duna danki na Señor kada biaha ku El a papia ku mi kurason i mente.
Imaginá [bo] e milager di esaki! No importá e yamamentu den Iglesia, nos por resa na nos Tata Selesrial pa risibí guia o direkshon, keda atvertí riba peligernan i distraishonnan, i ta abilitá pa logra kosnan ku simpelmente nos no por a hasi nos mes. Si di bèrdat nos lo risibí e Spiritu Santu i siña pa diserní i komprondé Su susuronan, nos lo wòrdu guia den asuntunan grandi i chikitu.
Resientemente ora mi tabata enfrentá e tarea desalentador di skohe konsehero, mi tabata puntra mi mes ta kon lo mi por skohe djis dos di e diesdos hòmbernan ku mi ta stima i respetá.
Pasó mi sa ku bon inspirashon ta basá riba bon informashon, den orashon mi a reuní ]riba e base di] unu ku unu ku kada un Apòstel.6 Despues mi a alehá mi mes, den un kamber privá den e tèmpel i a buska e boluntat di Señor. Mi ta testifiká ku e Señor a instruí mi pa skohe Presidente Dallin H. Oaks i Presidente Henri B. Eyring pa sirbi komo mi konseheronan den e {rpmé Presidensia.
Di mes manera, mi ta testifiká ku e Señor a insoirá e yamamementu di Elder Elder Gerrit W. Gong i Elder Elder Ulisses Soares pa wòrdu ordená komo Su Apòstelnan. Mi i nos ta duna nan bonbiní den e hermandat úniko aki di servisio.
Ora nos reuní huntu komo Ptomé Presidensia i e Quorum di e Diesdos Apòstelnan, nos sala di reunion ta komberti den un sala di revelashon. E Spiritu ta di un manera palpable presente. Miéntras nos ta lucha ku asuntunan kompleho, un proseso elektrifikante ta desplegá ora kada un di e Apòstelnan libermente ta ekspresá su pensamentunan i punto di bista. Maske ku nos por diferensiá den nos perspektiva na kuminsamentu, e amor ku nos ta sinti pa otro ta konstante. Nos unidat ta yuda nos pa diserní e boluntat di Señor pa Su Iglesia.
Den nos reunionnan, e mayoria nunka ta disidí! Nos ta skucha otro den orashon i ta papia ku otro te ora nos ta uní. Despues, ku nos yega na akuerdo kompleto, e influensia unifikador di e Spiritu Santu ta asina eksitante ku e ta laga bo wesa lomba tembla! Nos ta eksperenshá loke e Profeta Jose Smith tabata sa ora el a siña, “Dor di union di sentimentu nos ta optené poder ku Dios.”7 Ningun miembro di e Promé Presidensia òf di e Quorum di Diesdos nunka lo ignott desishonnan pa Señor Su Iglesia pa [pone] su propio huisio
Rumannan, kon nos por bira e hòmbernan i muhénan—e siervonan manera Jesus—[ku] e Señor ke pa nos ta? Kon nos por haña kontesta riba preguntanan ku ta asombrá nos? Si Jose Smith su eksperensha transedental den e Arboleda Sagrado a siña nos algu, esaki ta ku shelunan ta habri i ku Dios ta papia ku Su yunan.
E Profeta Jose Smith a pone un patronchi pa nos sigui pa resolve nos preguntanan. Atraé pa e promesa di Santiago ku si nos falta sabidoria, nos por puntra Dios,8 e hóben Jose a hiba su pregunta direktamente na nos Tata Selestial. El a buska revelashon personal i su buskeda a habri e dispensashon aki.
Di igual manera, kiko bo buskeda lo habri pa bo? Ki sabidoria bo falta? Kiko bo ta sinti ku ta un nesesidat urgente pa sa òf kompromdé? Sigui e èhempel di e Profeta Jose Smith. Buska un lugá ketu kaminda bo por bai regularmente. Humiá bo mes dilanti Dios. Deramá bo kurason pa bo Tata Selestial. Bai na Dje pa kontestanan i pa konsuelo.
Resa den e nòmber di JesuCristu riba bo preokupashonnan, bo miedunan, bo debilidatnan—si, e anhelonan di bo kurason. I despues skucha! Skirbi e pensamentunan ku ta bin na bo mente. Registrá bo sentimentunan i duna siguimentu ku akshonnan ku bo ta inspirápa hasi. Si bo ripiti e proseso aki tur dia, tur luna, tur aña, lo bo “krese den e prinsipio di revelashon.”9
Dios di bèrdat ke papia ku bo? Si!, “Tambe e hòmber lo por rek su brasa debil pa detené e riw di Missouri den su kurso dekretá…. Mane pa impede e Tosopoderoso pa deramá konosimentu di shelu riba kabes di e Santunan du e Delaster Dianan.10
Bo no tin ku puntra bo mes kiko ta bèrdat.11 Bo no mester puntra bo mes ken bop or konfia ku trankilidat. Dor di revelashon personal, bop or risibí, bop or risibí bo propio testimonio di e Buki di Mormon ta e palabra di Dios, ku Jose Smith ta un profeta, i ku esaki ta e Iglesia di Señor. Noimportá loke otronan lo por bisa òf hasi, niun hende lo no por kita un testimonio nasé den bo kurason I mente riba loke ta bèrdat.
Mi t urgi bosonan pa bai mas leu ku bo eksperensia spiritual aktual pa risibí revelashon personal, pasó Señor a pimintí ku “si bo [puntra], lo bo risibí revelashon, konosementu riba konosementu, ku bo por sa e misterionan i kosnan pasifikante—e loke ta trese goso, e loke ta trese bida eterno.”12
O tin asina tantu kos mas ku boso Tata den Shelu ke pa boso sa. Manera Elder Neal A. Maxwell a siña, “Pa esnan ku tin wowo pa mira i orea pa tende, e ta kla ku e Tata i e Yu ta regalá e sekretonan di e universe!”13
Nada no ta habri e shelunan mas ku e kombinashon di puresa ku ta krese i obediensia eksakto, buskeda honesto, festeha diariamente riba e palabranan di Cristu den e Buki di Mormon,14 i tempu regular komprometé pa e obra di tèmpel i di historia familiar.
Pa ta sigur, lo tin tempu ku lo bo sinti manera e shelunan ta será, Pero mi ta primintí ku si bo sigui obedesé, ekspresá gratitut pa tur bendishon ku e Señor ta duna bo, i si bo honra ku pasenshi Señor Su tempu, lo bo lo risibí e konosementu i komprondementu ku bo ta buska. Kada bendishon ku Señor tin pa bo—kada milager—lo bin despues. Esei ta loke revelashon personal lo hasi pa bo.
Mi ta optimista riba e future. E lo ta yen di oportunidat pa kada un pa progresá, kontribuí, i hiba e evangelio pa kada skina di e mundu. Pero tambe mi no ta ingenuo riba e dianan ku ta nos dilanti. Nos ta biba den e mndu ku ta kompleho i kad bes mas kontensioso. E konstante disponibilidat do medionan social i e notisianan di bintikuater—ora ta bombardiá nos ku mensahenan sin pordon. Si nos ke tin kualke speransa di sefta den e diferente bosnan i filosofianan di hende ku ta ataká berdat, nos mester siña pa risibí reflashon.
Nos Salbador i Redentor, JesuCristu, lo jasi un di Su obranan mas poderoso entre awor i ora e regresá. Nos lo mira indikashonnan milagroso ku Dios e Tata i Su Yu Stimá JesuCristu ta presidí riba e Iglesia den mahestat i gloria. Pero den dianan benidero, e lo no ta posibel pa sobrebibí spritualmente sin e guis, direkshon, i konsuelo i influensia konstante di e Spiritu Santu.
Mi rumannan stimá, mi ta supliká boso pa krese boso kapasidat spiritual pa risibí revelashon. Laga e djadumingu di Pasku aki ta un momento definíden boso bida. Skohe p hasi e obra spiritual rekerí pa gosa e don di Spiritu Santu i tende e bos di e Spiritu mas frekuente i mas kla.
Ku Moroni, mi ta eksortá boso riba e Sabat di Pasku aki pa “bin na Cristu, i buska e bon donnan,”15 kuminsando ku e don di e Spiritu Santu, kual don por i lo kambia bo bida.
Nos ta siguidornan di JesuCristu. E bèrdat mas importante [ku] e Spiritu Santu semper lo testifiká di dje ta ku Jesus ta e Cristu, e Yu di e Dios bibiente. E ta biba! E ta nos Abogado ku e Tata, nos Ehèmpel, i nos Redentor. Riba e djadumingu di Pasku aki, nos ta konmemorá Su sakrifisio Ekspiatorio, Su Resurekshon literal, i Su divinidat.
Esaki ta Su Iglesia, restourá dor di e Profeta Jose Smith, esaki mi ta testifiká, ku mi ekspreshon di mi amor pa kada unu di boso nan, den e nòmber di JesuCristu, amèn.