Beehaz’ą́ąnii Bik’éhonół’į́
Naat’áanii Thomas S. Monson Áyiilaa
Bí ánihiiláii dóó t’áa’óolyéego ayóó’aniwó’ní yee’ ts’ída hait’áo hinii’náo aláahdi bee ił hózhǫ́nii nidadidiilyééł.
Shík’is ayóó’oosh’nii, dooládó’ nihił nááhondlǫ́nii baa hózhǫ́. Díí tł’éé’ saad disiitsą́’ígíí éiyá bee náádadeegal. Shidó’ akót’éego saad shá ałkéé’ sinil dooígíí biká sodiszin.
Díí tł’éé’ hane’ k’ezdon bee nihich’į’ haasdziih. Díigi’at’é: bee haz’ą́ąnii bik’éhoł’į́.
God biBee haz’ą́ąnii dóo bik’ee neiltal biniiyé da índa nihił hózhǫ́ dóo yidínǫǫłtł’ah da. Łahjígo éí t’áa’aaníí. Bí ánihiiláii dóó t’áa’óolyéo ayóó’aniwó’níi ts’ída hait’áo hini’náo aláadi bee ił hózhǫ́ nididiilyéłígíí bohónee’ą́. Bik’éhgo yiidáał dooígíí nihaa yiiznil, éí bik’é yiidáalgo, díí hinii’náágoo yéego ndahonitł’áo yii’ nihił hahididoo’ash. Sin biyi’dóó saad ła’ béé deiílniih: “Bee haz’ą́ąnii Bik’éhonół’į́! Díí bii’ aa’áhayą́ holǫ́; díí bii’ hoozyéél hólǫ́.”1
nihiZhe’é Diyiníí ayóó’ánwó’nǫ́ǫ ánhiłní: Dóo hayoochíi da; Dóo azhni’į́į da; Dóo aazh’dilée da; hanaagóó dabighaníí t’áa hwó gi’at’áo ayóó’ajó’ní; dóó ła’ bii’nil.2 Beehaz’ą́ąnii nihił bééhózin. Bił eíí bééhózin beehaz’ą́ąnii bik’éhoniil’į́įgo, hinii’náo nihił hózhǫ́, baa nihiinaií, dóó t’áa ayóó nanitł’aií. Nanihinitáah dóó nihe’anáhóóti’ bił ha’íiniilní, dóó bee nihik’íjideesh-dlíił nínee nídidiilyééł. Ndi Bí t’ah bik’éh óodááł dóó beehaz’ąąnii nihaayiinííł, Bí ałdó’ nídidiil-yééł doodáii’ dóo nídidiilyéłii yee nihá hooł’a’. Haajíishį́į́ niidzį́’íigii éiyá ahool’áágoo díidleeł-ígíí bidééti’.
T’áała’í niidzínǫ́ǫ eíí nihiZhe’é Diyiníí dóó BíYe’, Jesus Christ, hool’áágoo bił hinishnáa doolééł danohsinígíí t’áa hanéehee’. Ts’ída nihidééti’ii, díí bąą, hinii’náo bikéé’ dah hidiidáhígíí eíí díí aláahdi haz’ą́nii bee baadiidááł. Akóndi, nihił bééhózinígíí, eíí ach’į’ nahwiił’nánii yee’ dóo azh-doolíił da niho’í. Bí dóó yił naakaiígíí diyin k’éhjí iiná t’áa’awółíbee yik’ijį’ nidáalnish. Hool’áá-goo yisdaadiidáłę́ę yik’ijį’ danilį́ dóó álahjį’ yindaha’á t’áa hazhó’ó nihi ałdó’ t’áa’awółíbee bidadiilkaal dóó baa diidááł binéiilnish. Bá sizį́į Paul yíí nihił ní, “Ha’ohsííd; ach’į’ nahwiiłná ch’į́įdii biniinaa, nashdóítsoh gíat’áo anǫ́ǫ, naanáádaał, yidoolgháłígíí haidéez’į́į́’.”3
T’áa’akóndi hinii’náagoo doole’é bi’oolkąąhígíí dóo bii’ hadiidáał da, nihí tsiłkéiigi nazhníse’go ayóó hwinéedlį́į łih. Nǫǫselíjį’ hwi ahalzhíshgo dóo ahójilchį̨́įh da łih, dóo ga’ nléii gi’at’áo honishyói da, háiila bee hasinígíí benisht’ée doolééł, dóó bił naashjéeh doolééł. Níshį́į́ dóo adaal’į́įnii ła’ íishłáago daats’í shík’is ádeeshłííł dóó shík’is danilį́ ninízingo bił náánaajáh. T’áa shǫǫ nitse’, dóó ha’ísiid ałtsojį’ hool’áágoo bee nik’i’hozhdoodlíił eíí niyáá hayóleeł. Kwe’é dóó k’ad bikéé’ yinálígíí hool’áágoo da’ílį́įgo at’é.
Nihí 1 Corinthians: góne’ yíita’ “Ni’gi iinéé’ t’óó ahayóó ał’ąą … at’áo dadíí-ts’a’.”4 Iinéé’ nihináadę́ę́’ ła’ ayóó íniłchééh, ła’ bínda’adlo’, ła’ ąąh ndayiiłxáał, ła’ hayói da’íiłta’, dóo ła’ ił hahóniłchá’. Díí bii sóhígíí eíí yéego iinéé’ dadiits’a’. T’áa shǫ́ǫ́dí diits’a’ígíí yaa dóhgéés dóó ałts’íisoo eíí iinéé’ diits’a’íí éiyá hoozyéeljį’ nihídoolóós. Tó bee ni’doolzį́į’ bik’ijį’ hastįį ohólnííh bąą niilyáhígíí nitsiit’ááh dah déesnii’, Nahaghají k’ad ahánilį́ shą́ą́’ koní, Diyin Áyi’sizį́į naanishlé.”5nihíjéí ąą’ádaałééh, azhą́ nihíi’naazį́į, iinéé’ ílį́įnii éiyá t’áa’aanínii yaa halne’go eíí deisínołts’ą́ą́’. Bá yałti’í Isaiah anín gi’at’áo, “Nihíjaa’ ga’ bee saad didoohts’į́į́ł … , kónǫ́ǫ, Díí atiin, k’é yinááł.”6hazhó’ó éí íisiniilts’ą́ą’, akó nihí eíí iinéé’ bee ha’ólní, nihaa’ áhaly̨ą̨́ǫ eíí nihóolóós.
Beehaźą́ąnii dóo bik’é dahojił’į́įgoo diíshjį́įdi ał’ąą’ at’éego ndaałniih yich’į’ ąą’ áyiilaa nisin. Eíí ał’ąą’ at’éego ndaałniihígíí t’óó ła’ałyóí bee’diilwó’, naaltsoos biyi’ t’áa alchíí’, azéé’ tsi’nda’iiłáii, adááh ahanééh, dóó awéé’ háhal’eeł, t’áa dihwihí déízhi’. God bizaad eíí ach’į’ náhwiił’náii yee’ “díí doole’é ałtso hayiyííwod.”7nihił bééhózinígíí eíí bí “yooch’ííd ałtso yizhe’é nilį́, dine’é yidi’doolóh dóó yináá’ yiidoołdá.”8
Ts’ída baa nánhooshkąąhígíí eíí hiniináo dóó hool’áágoo nihił hózhǫ́ yidínoołtł’ahíí bits’ą́ądí néiidá. Ach’į’ náhwiił’ná bi’ína’adlo’ dóó bi’ayooch’ííd, t’áaní bee bá hwiinił’a’go nléí ayóó naháteeł góyaa adah ch’ínidoolóós áadę́ę́’ dóo háádiidáał da. Nihí dah dóo nihił bééhózingóó eíí naháteeł t’áa iidą́ą́’ bikáá’ hasiídzáh akó t’áá dóo niníwółtłádi da. Nihí ach’į’ náhwiił’ná bahane’ disóots’ą́ą́’. Bóhoneedlǫ́ǫ nózhi: díí t’áałahídi íinidzáago, dóo adiiníłí da; dóo ałk’idą́ą́’ nanínáa da; łahgo ahóodzaa; dóo atí bidoolíłí da; t’áá ninízin gi’at’áo hiníná. ach’į’ náhwiił’ná yee’ nihééhosin, dóó ha’íí bidáá ahanééh dóo bich’į’ ha’ííniilníi dago bił bééhózin. Ts’ída ałahjį’ biyooch’ííd dóó doole’é bidáá ahanééh bits’ą́ą néiidáago bee bik’ijį’ néilnish.
Nihe’oodlą’ dóó t’áa’aaníí ayóó bee ha’ííniilníigo t’éiyá doole’é nihídéi adaanííł dóó tsi’da’ídi-yiiłdééh éiyá nihí ndáázti’ dóó t’áa’aaníí éiyá ch’ééh ndéich’ąąh, yá’at’éhii dóó bee jíts’idę́ę hąąh nidayiihááł, dóó ni’gi dine’é ayóó bi’ééhoziníí-ch’ééh yiták’iz adáyiinííł. Dine’é bibeehaz’ą́ąnii t’áabí nidayíízoh, k’ad kwidéiiniidzin índa biwáashindóon índa dine’é díi gi’at’áo shą́ daniizį́įhgóó. Akónidí, beehaz’ą́ąnii, yee’ God nihéiinínil. Íiniidzį́įhgo, ats’ádii’nił. Akónidí, nihí dóoni’ łahgo ádiilníił da, t’áá nihí éiyá dóo bik’éhoniil’į́į da dóó bił asiilzíihgo ts’ída t’áa nihí dóó łahgo ándiilníił da.
Díí hinii’náo God bibeehaz’ą́ąnii dóó yee hahaasdzíí’ bik’é hóniil’nį́įgo t’éiyá aláahdi baa ił hózhǫ́ nihił bééhódoozį̨įł! Shí saad Isaiah wolta’íí 32, 17:góne’ shił nizhónigo dashíjaa’ “Diyiníí bi’óonishgo hoozyéél hoolééł; dóó diyiníí bee’iináo dóo baah íne’í da dóó ahwiis áh bóhonee’ą́.” Diyin k’ejí iináo t’éiyá ayóó ił hoozyéél dóó bóhonee’ą́ hweehálééh.
Nihí bąąhí ts’ída ałts’íísi ndí t’áadoo bee bá hosííl’ą́ní. Nihí God bibeehaz’ą́ąnii “ałts’íisigo” dóo ál’į́įnii ádeeshłíił niidzį́nígíí eíí t’áá dee hosíil’ą́ní, haalá bąąhí éiyá bíla’ béeshgo yee nihidínóol-ziłgo ayóó neezgáigo t’éiyá biyaa hadiidááł. Hwida’di’dóołnáhígíí éiyá azéé’ tsi’na’iiláii, tó diłhił, t’áa’alchíí’ né’į́, dóó adáhwineení hani’ yii’ááh dóó ch’ééh bii’ hajigháa łih dóó yéego haká e’ewó’go t’éii bii’ hajighaááh.
Yiidáałgoo daats’í ła’ deego’, nát’ąą’ bee náhonit’i’ígíí eíí hólǫ́. Éí lá adáá ni’jóoką́h wolyé. Azhą́shį́į́ nát’ąą’ nahonítł’a ndí, hool’áágoo hinináa dooígíí ts’ída bidééti’. Ha’iísh ilį́įshį́į́ biká anáanit’į́į doolééł? Shí baa nánooshkąąh kwe’é dóó k’ad yee’ ałkéé ts’ída bee adáá na’ookąąh bee hanilníísh. T’áa tsíiłgo anit’ǫǫ, t’áa tsį́lígo Isaiah yaa hoolne’ę́ę ił hoozyéél dóó ii’hódiiyił, dóó bóhonee’ą́ t’áaní nił bééhódoozįįł.
Hodíina’dą́ą́’ asdzaní t’áa’aanínii ła’ shinááł yee haadzíí’, bá hastįį yił, baa ahayą́ yits’áni’áázh, beehaz’ą́ yiyíízti’ dóó, akót’ǫ́ǫ́, k’asdą́ą́’ bighan haz’ą́ągi yiyííłchǫ’. T’áa’ałah yaa nidineet’áázh bichahałhééł ditą́ądi adinálkáá’ dóó t’óó baa’ígo hinánii yaa akóniizį́į́’, ayóó’ayo’níí atíił’į́į lá, áádóó łahgo dah nidiit’áázh. Adáá na’ookąąh hazhóó’ooh ałkéé’ dóó łahdá, neezgáí, ndi bee’ádziil dah dayólélii biká anájah, bighadóó t’áa bootą́’ dóó ayóó bík’is danilį́į, áádę́ę́’ yee hanesht’áázh.
Shi díí asdzaní adaa na’ookąąh t’áa’aaníí bidzíilgo na’ałziihígíí ła’dóó baa hasne’: “Hait’áosh dibe’ ła’ yóó’iiyá dóó [bąąhí]bidiniiltsoo’dóó, nléí k’ad ił hoozyéél dóó díí ił hózhǫ́ǫjį’ idoogááł? Eííshą’ hait’áo akót’į́į́h? Jó díí … bahane’ asdziih bąą ádinígíí biniinaa, aYe’ asdziih bąą ádin dóó Bí shá Nina’ídlá. … Áadi chahałhééł nt’ę́ę’, k’ad adindíín hólǫ́. Áadi tééh neidá dóó dinii’-nííh, k’ad ił hózhǫ́ dóó laanaa. Nihí łahgo ándii’nííł bee nihík’ihojisdli’ígíí eíí Jesus Christ nihá Nina’ídláii binahjį’ adáá na’íisiikąngo t’éiyá bóhoneedzą́.”
Nihi Yisda’iinííł daaztsą́ągo ni dóó shi eíí bidin niidzinii nihainilá. Atiin eíí t’áá bikáá’ nahonitł’-áo, aninii ga’ t’áa’aaníí. Átaa’ adaa nda’oozką́nii íiłní:
“Nihibąąhí bee łinoł chxíí’ ndi, yas gi’at’áo łigai dadoolééł.”9
“Dóó shí dóo béé [da]deeshní da.”10
Dahinii’náo Diyin God Bizaad neilkáahgo binahjį’ t’áa’aaníí adaat’éii bee diniilzéłii niidzin dóó t’áada’aaníí baa sodiilzin dóó Jesus Christ bahane’ baa nitsííkees. Niłdzilgo k’enihi’doolyáo, bahane’, Yisda’iinííł, dóó nihíZhe’é Diyiníí bit’áa’aanínii eíí ałtsojį’ choniil’nįį doo.
T’áa aniiltso eíí nihíZhe’é Diyiníí biye’ké daniidlį́ nihídishní, díí jį́ dóó óolkiłdi ni’gi nehéékai dóó adiilníí t’áa bił, dóó God be’ádziil nihaa heesyá’go akó nihí eíí bee aká adiijáh dóó ni’ bikáá’ God binaanish adiilnííł. Nihí yee nihich’į’ haadzi’ígíí eíí yá’at’éego hinohnáo bibee’ádziil nihéé dahólǫ́ǫ doo.
Shík’is, beehaz’ą́ąnii bik’éhoniil’į́! Bee hinii’náo ayóó’anoolnín dóó ayóó at’éii nihíba’ hólǫ́. Díí bee nihík’ihójidoodlííł, shí yee’ Jesus Christ, nihí Yisda’iinííł dóó nihá Nina’ídáii bízhi’ bee sodiszin, áámen.