“Ayóó’ashoo’óo, Shí beehaz’ą́ąnii dinóhsin”

Carole M. Stephens Áyiilaa

Sáanii Ntsáo biNaat’áaniijí Naaki góne’ Akéé’dasidá

Na’ashch’ąąh

Diyin God bibééhaz’ą́ąnii ayóó’anoh’níníí bee yíít’į́, dóó nihí bibééhaz’ą́ąnii bik’é honiil’į́nii bee ayóó’ii’níníí yee bił bééhózin.

Nihe’awéé’ alą́ą’jį’ígí, Jen, azee’ al’į́įdę́ę́’ bich’e’é táa’ góne’ígíí hooghadí néiniłtį́įgo, biká iishyeed biniiyé bighandí niyá. Bich’e’é alą́ąjį’íí olta’góó bi’níłnii’, Jen bine’ hanályįįh niidzį́į́’. Akó ts’ída bee biká edeeshwoł niizį́’ígíí éí bich’e’é Chloe shighangóó bił nideesht’ashgo bimá dóó bík’is anii yizhchį́nii doo’ííts’ígoo sikée dooleeł.

Chloe yii’ dah sidáajį’ be’sétłǫ́h, shídó’ áde’sistłǫ́h, dóó t’ąą’ nihił ch’e’élwod chidí niyił dah diilwód. Akóndi, t’áá nizaah nihił ne’élyeedí, Chloe yii’ dah sidáhii e’yoos’áh dóó sizį́, shiwós yáátis shinél’į́, dóó shich’į’ yáałyih! Chidí atįį hotsá niłbą́ą́z, ii’haashwod, dóó bii’ dah nabinéłdáo bee’sétł’ǫ́.

Nihił dah náá’diilwod ndí t’áá ahaaníjį’ t’áa’iidą́ą́’ k’enáa’yooz’á. T’áa’iisdzáa yę́ę gi’anáá nesdzaa, ndí shí t’ahdóó chidí biih nasheed dóó adéé’ashtłóógoo, Chloe t’áa íidą́ą́’ sizį́!

T’áádoo ánaanaosh’néhígoo, t’óó atįį bąąhgóó nihił azį́, t’áá’ binááhaigo shik’éh didlį́. Dóó honóołnééł!

Shí t’áá biniiyé bee be’astł’ǫ́nii bá yá’at’éehgo baa nitseskéesígíí bee bił hwéeshne’ ndí. Dóo íínizin da! Áádoo íiniizį́į́’ akwíinidzáo dóó díí naadeeshłééł binétą́ą́’.

Kódisní, “Chlłoe, bii’ dah sinidáii t’áabí niistł’ǫ́ǫ, nléí nimá sąní bighadí nihił ílwodgo, daane’é hashtł’ish yáshchįįn bee nidi’nééł.”

Dóo yáłti’ da.

“chloe, bii’ dah sinídáii t’áa bíniistł’ǫ́ǫ́, nimá sąní bighadí niit’áazhgo bááh adiilnííł.”

Dóo yáłti’ da.

Anáádish ní. “Chloe, t’áá bii’ dasinidáii ne’estł’ǫ́ǫgo, yee’ kindóó łikąní ła’ nánahideeshníh!”

Táadi binetą́ą’, díí dóo bííghada niizį́į́’. Bidę́ęgo íinizin, dóó t’áa bee ne’estł’ǫ́ bidishníi ndi dóo ye’doolíił da.

Nihí t’óó atįįn bąąhgóó siikéego daats’í nihee i’íi’ąą ńt’ę́ę́’, ndi shí yee’ beehaz’ą́ be’esh’į́, dóó Chloe sizį́įgo dóo chidí shił yilwół da dooleeł. Áyi’di sodéeszin dóó Íi’sizį́į yee shijéeh noot’ą́, “Nitsóí nanitin.”

Bich’į’ naaná nesht’ą́ dóó bee she’estłǫ́nii nahjį’ ninílá. Kódishní, “Chloe, shí dii bee she’estł’ǫ́ nígíí biniinaa shaa’áhalyą́. Ndi ní éii dóo bee ne’estł’ǫ́ǫ da, dóó dóo naa’áhalyą́ą da doolééł. Dóó atíínidzáago dóo shił hózhǫ́ǫ da deeshłééł.”

Shi neeł’į́į́’, bini’ biyi’di akee’ ndaiyíjeehígíí k’asdą́ą́’ yish’į́ ha’íí didoonííł nisingo. Honáasdi, bináá’ yágo dootł’izhii biih diidláád, dóó kóni, “Shimásąní, ayóó’ashiin’nínii biniinaa bii’ dah sedáii t’áabí niistł’ǫ́ shidiní!”

Chidí biyi’ díí at’éé yazhí shił nilį́nii ayóó’anoosh’ní biníiniidgo Íi’sizį́į nihił hoot’e’, ndi shí bee shá hoo’a’, akó íi’háiiyá dóó yii’ dasidáiijį’ béé’setł’ǫ́. Áádoo abidishní, “Chloe, t’áá shǫ́ǫ́di t’áa bii’ dasinidá?” Dóó akódzaa—nléí kingóó áadi bá na’áyełnii’! Dóó kindóó nléí hooghanjį’ t’áa be’estł’ǫ́, áádi bááh íilyaa dóó daane’é hashtł’ish yáshchįįn bee nisíi’ne’ígíí biniinaa Chloe t’áadoo yaayóosná da!

Shi atįįnjį’ shił ee’ilwódgo eíí, shini’ bizaa bii’ hazníí’: “Ayóó’ashó’nǫ́ǫ, shi beehaz’ą́ bik’ého-noł’į́.”¹bik’éhol’į́ naniitin, bee yiidááł, dóó niha’áłchiní bee baa’áhayą́. Hait’áosh? Nihí ayóó’ii’nínii biniinaa. Ndi Chloe ayóó’iinish’nínii yik’i’diitą́ągo biniinaa t’áá chidí yii’ dasidáii yiyí be’estł’ǫ́, t’áabí t’ąą’ kosóhsin nizin. Yii’ dasidáii bąą dóo nahash’náa da nizin.

Chloe nahalǫ́ǫ, nihí beehaz’ą́nii bąą dóo nahash’náa da niizin. Nihí eíí Diyin God yee haadzíí’ łahdá bąą dóo nahash’náa da, t’áashí shohólnííh, dóó dóo diniilzée da. Ndi neilkaahígíí binahjį’ lą’í bik’i’ didiitą́ął, nihíZhe’é bina’nitin bá hwiíl’a’go, yee hahaasdzíí’ eíí ayóó’aniwó’nínii yiká aní dóó nihí yee hahaasdzíí’ bik’é honíil’ǫ́ǫ ayóó’ii’nínii bił bééhózin.

Nidá chidí t’óó atįį bąąhgoo shił sizį́ nininzingo, t’áa dikwíhigo ła’ bee haasdzííhii eíí, bik’é holnį́įgo, naa’áhayą́ągo “óodlą́’ dóó ak’é hol’į́ be’atįįnjį’ anidíídaał”?²

Ałtsé, Diyin God ba’íinilí. Ná hool’áo binahast’ą́ ba’íinilí. T’áa ła’í niidzį́noo íi’sizį́į niidlį́įdą́ą́’ “Aniséii Diyiníí biye’ké índa bits’i’ké niidlį́.” Bik’eh hó’į́ dóó bibeehaz’ą́ąnii bee ayóó’anwo’níi bééhózin. Beenahaz’ą́ąnii binahjį’ nanihi’dintin, bee yiidááł, dóó ni’gi “ídahwiil’áahgo” bee nihaa’áhayą́.”³

T’ahdii “íisizį́į daniidlǫ́ǫ” Diyin God binahat’a’ ńdadiilyá,⁴dóó bihwiilą́’ii eíí Diyin God hool’áo yee haadzi’íí ts’ída bik’éh hóniil’į́įgo nihá yá’at’ééh. God Bizaad na’nitin, “Bik’éhgo iiná ła’ hólǫ́, díí nihokáá’ t’ahdóó álnéheedą́ą́’ yá’ąąshdi bee ha’óodzíí’, ałtso bee ak’ihooz-doodlííł éiyá bąąh silá.”⁵ be’iil’į́įhgo, nihík’ihojidlį́į́h.

Diyin God ba’áłchiní ndóokah nízin, azhą́ akwiidzáo. Nihí “Diyin God ba’áłchiní ndóokah níziníí biniinaa,” ba’íiniidlí.⁶ Dóó BíYe’, Jesus Christ, nihá Nina’ídlahígíí binahjį’ nihá bóhonee’ą́. Nina’ídláii “ts’ída yisdaa’iildééh binahat’a’ biníí’ silá.”⁷

Naakíii,Jesus ba’ííniidlí. Ts’ída aláahgo ak’éh hól’į́ dóó ayóó’o’o’ní yee’ Jesus Christ nihá Nina’ídláii. T’áanihí aZhe’é yinízii niidzį́į́h, nihá be’íina’ íidini’ą́. Koní, “Shí beenahaz’ą́nii dinóhsingo, she’ayóó’o’ní nihii’hólǫ́; azhą́ Shí ndí shíZhe’é bibeenahaz’ą́ dinísin, dóó be’ayóó’-o’o’níi shił hólǫ́.”⁸

Jesus ałdó’ yee na’nitin:

“NihíTaa’ Diyin God nijéí bee ayóó’iin’ní, dóó nii’sizį́į bee, dóó níni’ bee.

“Díí atsé dóó aláadi beehaz’ą́ at’é.

“Dóó naakíii éí benáánałt’é, Nináo dabighaníí t’áaní gi’at’áo ayóó’niin’ní.”⁹

T’áa Damǫ́ǫ bee hoo’áahgo Yisda’iinííł baa ntsííkees dóó benéiilniih t’áá bááh dóó tó chool’į́įh nihá Nina’ídláii benéiilniih. Damǫ́ǫgo, bááh dóó tó ndaikáhii bíla’ dóó bíghaan hach’į’ wonidayiil’į́įgo haasíí łih. Shí shighaan náas kwiis’į́įh dóó choos’į́įh, shí íiniizį́į’go eíí bízhi’ ak’idiisht’ááh, ałahjį’ nénashniih, dóó bibeenahaz’ą́ dinísin. Dóó bi’aha’diist’ą́ “bee eíí [nihí] be’Íisizį́į ałahjį’ [nihił]hólǫ́.”¹⁰

Tá’ii, Íyi’sizį́į hane’ yi’áhii ba’íiniidlí. Chloe bił iishłáa yę́ę benáłniihgo eíí Íisisį́į God Bizaad biyi’dóó yee shijééh noolne’? Éí John 14:15:biyi’ “Ayóó’ashóhnoo, shibeenahaz’ą́ dinóhsin.” Dóó díí saad ílíinii yisdzóh:

“Shí aZhe’é bich’į’ sodiszin, dóó bee Ha’íinółníí nihéiidoolééł, eíí nihił hólǫ́ǫgo ahool’áadoo;

Azhą́ t’áa’aaníí Íi’sizį́ nilį́į; dadine’é dóo baa deiit’ą́ą da, dóo dayoo’į́į dagóó biniinaa, ndooní’ bééhósin da: ndi nihí beehónóhsin; bí nihii hóóle’, dóó nihii’ hólǫ́ǫ doo.” ¹¹

T’áá hodísin, yídiiyáii Jesus Christ Dabóodlą́ Íił-kaahjį’ biNahagha’ lá Íisizį́į Diyiníí bił hodoolééł. Yéego haká iilwo’íí éí adą́ adąąh yit’į́, sodizin, bizaad wólta’, dóó ak’é hól’į́ binahjį’ ayóó Íi’sizį́ diits’a’ dóó nihoolóós doo.

Nihíni’ bii’di dóo ha’olnǫ́ǫ dóó bił halą̨́o, aZhe’é dóó aYe’ yee’ Íi’sizį́ Diyiníí niháiidooł’ááł nihił hodoolní dóó hinii’náo báá dahadzidíí yiyi’dę́ę́’ hanhidiyoolóós. Binahjį’ éediilníh, bee ha’íiniilní, dóó nihii’ ha’didoobį́į́ł “laanaa dóó ayóó’o’o’ní niłtólíí.”¹²

Dį́’ii, bá yádaałti’í dahinánii bizaad ba’íinóhłí. NihíZhe’é yee hóoł’a’go bizaad dóó bik’éhgo iináii bá yádaałti’í yinahjį’ nihaayíízlá. Átaa’ yee’ koní, “Shizaad la’ … ałtso behódoolnííł, t’áashí shiinéé’ bee doodáii’ shá naazį́į biinéé’ bee, éí t’áa ła’íí at’é.” ¹³

T’áa’niid, bá yádaałti’í dahinánii ádaaní “Damǫ́ǫgo béé daalníihgo, dahódinóhsin,”¹⁴ dóó adą́ adą́ą́h yit’į́ bee dahinóhná. Díí bee hada’íisdzíí’ bik’éhgo yiikáhgo Diyin God ayóó’iinóh’ní nihił ninéé bik’éh hóniil’į́ dóó nihínaagóó dabighaníí binahjį’ Jesus Christ yiniidlą́ noosééł dóó dine’é ayóó’ii’ní dóó baa’áhwiilyą́.¹⁵

Átaa’ bá yádaałti’í binahjį’ bizaad bikéé’ yiidáałgo nihaa’áhayą́. Diyin God Thomas S. Monson yiyíízhi’, Atsé Naat’áanii yikéé’ dah sikéii, dóó hastóí Naakits’áadah Bá naazíi yee’ bá yádaałti’, da’oo’į́, dóó yit’į́ bił ada’elne’. Díí nihokáá’ ąąkweeniił nádzid, aniiłt’áah, ach’į’ na’iił’ná, dóó áhachį́, nihí Jesus Christ bikéé’ naazį́į́ danííl’į́—bił dahadléé’—dáiineł’į́, daaní, dóó hane’ haadabił’į́įgo eíí bádahałchį́’.Jesus Christ yaa dahalne’ dóó bił dahadlée’go hadaadzííh, Jesus Christ niłtóloo be’ayóó’o’o’ní, éí yánaazį́.

Chloe bił i’ishláii bik’ijį’, shí god bizaad bii’ beenahaz’ą́ dóó ayóó’oo’ní daasdzohgóó hadee’į́į́’. T’óó ahayóó bik’i niyá. Díí daasdzóhgóó eíí bibeenahaz’ą́ąnii ayóó’anwó’nínii binahjį’ yit’į́ dóó nihí beenahaz’ą́ bik’éh hóniil’į́įgo ayóó’ii’nínii yoo’į́.

Shí eíí Diyin God, Ahool’áo nihíZhe’é, ba’íiniidlí dishní; bíYe’, Jesus Christ be’íiniidlí, dóó nihá Nina’idláii bee oodlą’ yiik’ą́ą́s; Íi’sizį́į ił halní ba’íiniidlí; dóó bá yádaałti’í dahináii bada’íiniidlí, atįį dąąh hats’a’díilbas dóó nihaa’áhayą́ągo nihił naa’óolwółdoo—t’áadoo t’óó bił yiidáłí ndi hooghangóó néiidáałgo nihił hózhǫ́. Jesus Christ bízhi’ binahji’, áámen.