Adindíín Noosį́į́h
Eldir Vern P. Stanfill Áyiilaa
Tsosts’idiindóó
Nihí ts’ída náad ahodoonííł deiyisiniilts’ą́ą́ ’, Diyin Áyi’sizį́į niníí baa’akódiniidzįįł dóó bik’éhgo í’diinííł, Diyin God bibeehaz’ą́ąnii bik’éhoniil’į́, nihił yit’į́ i’doolííł haniihá.
Hodíína’dą́ą́’, shich’ooní dóó shí eíí nihighan nídoo t’áa’ahanigóó Montana, náhookǫs-e’e’ááh jígo dahózhǫnii diníil’į́įł niidzįį’. nihí Hiawatha be’atįįn bikáá’ tsi’ízí nihił ch’í ahidínoolchééł, kǫ’ na’ałbąąsii Montanadóó nléí Idahojį’ dził báátsis bináagóó ayóó’ahonóolnin yii’ ch’ínalwo’ nt’ę́ę́’. Nihík’is ła’ bił nizhǫ́noo nihee’ ada’doo’ááł daniizin, áadi hozhǫ́nii dadinííl’į́į́ł.
Nihił bééhozhǫ́ǫ 15-tsin tsitą́ anízaad akó tsékooh tse’naa nida’az’á dóó nizaagóó tsé łahgóó bii’ da’nítįįn ayóó hodiwol. Akó nihi tsi’izí dóó nihich’ah bąąhdóó ada’deesdíin dooígíí bąąh dadásii’nil.
Yii’ hadahidiikaiígíí eíí tsénii’ ayóó chahałhéelii yee nihił dahóone’ dóó i’diiłdíín bidziilígíí ła’ deiyinohjááh. Áadoo nihí Taft biTsénii’ ąą’át’éegi ałhííkai, hastįį yaa’áhalyą́nii atį̨́į bikáá’ ha’íí báá dahadzid, tsé bidáa’ goyáa ayóí’adanizáád. Ayóó diwol, dóó t’óó chahałheeł. Tsį́į́ł daniidlį́įgo, tsé biih hodzáa góne’ íikai. Adiniłdíín nijaa’yę́ę dóo bíighá da, dóó biláahgo chahałheeł. T’áá hodiina’í, baa shina’sélį́į́’, shił halą́, dóó shił náhazyiz.
Shí baa yánisiníí bąą shík’is dóó bił dashighan dóo bił ch’íni’ą́ą da. Ayóó ga’ tsi’ízí shił nijit’ih, k’ad éiyá t’áhdoo tsi’ízí shił dilyée da nahoníshłin. Ayóó shił halą́ sesį́į’go t’óó tsi’ízí shił naadá yiltsi’. Honáásii’, bił yishkáhii haashįį nisht’éhígíí bee bił hwééshne’, shík’is ła’ ayóó adiniłdį́nii bąąh bitsį́įgoo tsi’ízí shił yilwół. Ákon, t’áa’at’é bitsį́įjį’ bitsi’ízí bił aheezjéé’. Ałtsį́įjį’ iikái dóó be’i’díídíín bada’ííniidlí nizáagoo dóó t’áa ła’í i’díídíín nahalíngo nihíłyijah, tse’ bii’ chahałhééł atįįn náas biih yiikái.
Lą’í yee’ ałhéé’ilkid, t’į́įhdoo i’diidíingo yiiłtsą́. K’asdą́ą́’ t’áá’aadóó, bóhonee’ą́ąlá niizį́’ii eíí bii’ hadiikáh lá. Náas shił yilwół, shík’is be’adinídíín ba’íinishłíigo dóó adinídíín hooleełíi binahjį’. Adindíín ąąkweeniił dóó ayóó bee hoot’į́ yilééłgo shitáh bee náhoołdził. T’ahdóó áági íikááhoo, shík’is be’adindíín dóo binahjį’ shił yilwół da, tsį́įłgo áájį’ tsi’ízí nihił iijée’go shii’ hááhwiisdóh. Dóo hazho’í tsindakéezgo abínoo honeezílí dóó ayóó’ahonoonín bii’ nihił yijáh.
Nihokáá’ hinii’náo éiyá nihe’oodlą’ bihódinootáh. Biinishghá dah níizingo eíí díí íhonitááh bii’ ch’ídiidááł—nihił bééhodoozííłii eíí dóo ałtsojį’ biniiyé hasht’e’ídiilyaa da. Dóó shík’is t’áá chahałhééł shił nín gi’at’áo, nihí díishjį́įdi bá naazį́į Íi’sizį́į be’adindíín bídziilígíí bee hasht’e’ adółneeh danihiłní.
Ákoniit’áo, nihí baa yániizingo, nihi’diił’áo, éí doodáo nihe’oodlą’ nihíyi’dí baa nihił halą́ągo. Ááhaneehee’, nihíyi’dí haanízahjį’ dóó haanizáágoo kóniit’ée łih. Bik’ijį’ haa yiit’į́į́h. Dóo baa néit’į́įgoo, ił halą́, adaa zódlí, dóó honáásii’ adindíín bits’ą́ąjį’ dah didiidááł.
Shí ts’ída tsé bigha’ígeed góne’ tsi’ízí nihił yijáhgo íhooł’ą́ą́’. T’áa dikwihóó baa hódeesh ní.
Atséii, dóo oodlą́ bee chahałhééł biyi’dí neiidáo, haanízahjį’ nihąąh silá dóó haanízaagóó bikéé’ neidáo ts’ída tsi’neiidá. Nihí ts’ída aZhe’é Diyiníí dóó bíYe’ ayóó’anho’nínii yéego beneiilnííh. Dóo nihí ts’ádoo’ash da, shiká ahi’nółchééh bidi’níidgo dóoni’ nihík’eh didoodléełí da. Peter shą́ą́’ Galilii biTónteel yéego naadiidáhę́ę benalnííh. Peter bináagoo chahałhéełígíí sik’az silį́į́’, t’áa ’iidą́ą́’ bił beehóózin dóó shiká i’doolwół eíí niizį́į́’. biYisda’iinííł be’ádziil yii’ habi-doolósii dóo naaki bił niníi da; t’óó koní, “shíTaa’, bii’ hashilóós.”1
Hínii’naagóó, Yisda’iinííł bíla’ yinahjį’ yee nihiká’iilwo’ nihík’is ba’ííniidlíhii, nihí naat’áanii nilį́į, índa nihínise ayóó’iinii’níí. Nihí chaháłheeł biyi’dí ch’éé’iit’į́įgo, t’áá dóo at’éhi da t’áa haishį́į́ ayóó’iinii’níí t’óó honishgąníjį’ be’ádindíín bikéé’ yiidááł doo bijéí biyi’dę́ę́’ ne’ajóoba’.
Nihí hazhó’ó baa nitsííkéesgo, ha’íí biká dóo yiit’į́nii yisíílts’ą̨́́ą́’ dine’é bikin ayóí adaníłtso dóó bii’ dahotsáii dííshjį̨́́įdi biinę́ę’ yee t’óó aadaadlóh dóó ayóó’anho’níi bina’ookąąh bits’ą́ą naniit’áh? Díí doodá daaninígíí t’óó ą́ą́h ńdayiiłhaał dóó náás da’di’éesh da dóó aach’idíldloh dóo díí bee ha’íínilní daaníi da. Nihe’íina’ saad yee yidóo’įįł, atsiniltł’ish t’áá hooshchi’ biyi’jį’ nihe’oodlą’ yee yídoołchǫǫł biniiyé hazhó’ó saad yaa nitsídaazkézii yiih dayiizóóh. Hool’áagoo hinii’ná diidleełígiish diné nihíjootłáii baa didiit’ááł? Diné dóo bił ééhoziníísh bits’ą́ądoo adinidíín niheehódooleeł índa nihíts’ą́ą neiníł’į́nii dóo yee nihił halne’ da? Díí diné dóo beedahóniilziníí, t’áa’aaníí yiniiyé adaat’į́į, nihił beehóozing dóo bá dahwiidiil’áał da, ndi niłch’i’ bii’ hane’é, yiyi’di nidanit’íngo, yiniiyé adaat’į́įnii nideinił’į́.
Nigháiidę́ę́’ dine’é t’áa doole’é dadiyinígíí t’óó yaa daadlóh yisiniilts’ą́ągo Yisda’iinííł binahjį’ bii’ hadiidááł dóó bee’iinánée bits’ádiidááł. John nayíízoh: “Áádoo Jesus yich’į’ hanáádzii’, koníigo, Shí nihokáá’ be’adindíín shishłį́: shikééyigálii eíí dóo chaháłcheeł yiih doogáał da; ndi iiná be’adindíín bee hólǫ́ǫ dooleeł.”2 Béédaałniih, t’áa’aaníí ayóó adanihó’nii binahjį’ nihe’oodlą’ daneehsééh.
Shí tsénii’di baa yá niizį́’ igi’at’áo, nihił hodiik’ąąhgo baa yá niidzinígíí biniinaa dóo shiká oojééh dii’níi da. Naaná ła’ dine’é daats’í nihínahjį’ dabídziil, dóó k’ad nihí shiká i’doolwół dii’ní. Baa akoniizį́įłígíí eíí Yisda’iinííł be’adindíín dóó be’ájooba’ nihích’į’ koyósin’íí ayóó i’lį́įgo ha’ii biká áts’ą́ąjį’ kwiiniilzin,áádi índa Nahagha’ji’ naat’áanii nilį́į, nihíniséii, dóó nihík’is ba’ííniidlíí nihíká adoojáh. Binahjį’ bee dahódiyiníí ninádidiilyéełgo eíí nihe’oodlą’ bóhonitáhgo bee niilzíl diidlééł.
Naakíi, nihí aTaa’ ts’ída ba’ííniidlíigo bee dahódiyiníí ádiidíi’nił. Nihí dine’é be’adindíín t’áa t’óó ba’ííniidlihí. Shí tsé’aan góne’ chaháłheełígíí shił bééhózingo eíí shík’is booshk’íizh tsi’ízí shił yilwół dóó bił yishkáhigíí. Ndi nléí adindíínjį’ nihił chinijée’go éiyá t’áa shi adindíín bii’ tsi’ízí shił yilwół. nihíTaa’ yee nanihínitin, “shí tsį́įjį’ nihóhkááh dóó nihítsį́įjį’ adeeshááł; yéego hashínohta’h; shik’ídoogááł; yinóhkaad, dóó niháádoolyééł; ninółts’in, dóó nihích’į’ ąą’ ádoolnííł.”3nihí hididíi’nááł, nihíTaa’ eíí baa niidzáago chaháłheełdę́ę́’ ch’inihí deesłóós ninée néiyiniiní. Akóndi, ach’į’ náhwiiłnáii, lá dóo Áyi’sizį́į nił halne’ da níigo nigha’dit’áah dooleeł dóó ní t’óó nootłóóh lágo.
Naat’áanii Dieter F. Uchtdorf yaa nánihookąąh “nił naaki haléehgo ne’oodlą’ yóó’adóo’ááł lágo.”4damǫ́ǫgo yá anáshdáahgi, anii tsíkei ła’ ání, “doole’é baa shini’ hazlį́į’ii eíí ch’ééh hazhó’í baa hasne’ígíí eíí Diyin God dabits’ą́ą́dę́ę́’.” Díí íi’sizį́ ił íishjį’ áyiilaa.
Nihí na’ídikid halééh dóó akót’éesh niidzį́įgo, nihí diyingo bee nihík’ihojisdli’ígíí ts’ída bee diilníh dóó nihíjéí yiih heezhjé’ígíí dóó ngháidę́ę́’ dahólǫ́ dóó aZhe’é dóó biYe’, Jesus Christ deiniidlą́. Shí sin ła’ beehóniilziníí yee nihííłnííh: “Átaa’ índa biyá’at’éehii t’áá [báa] nił halą́ní nigháiidę́ę́’ dííshjį’ bee ída’íilyaa.”5 Diyin God bits’ą́ą néiidá dóó nihił íishją́ dóo i’íiláa da dii’níigo t’óó bits’ádiidááł.
Nihił chídi’doodláł niidzíngo hazhó’ó baa’ ákoniizį́į’go nihe’íina’ bii’ yit’į́įdooleeł. Ánii Diyin God adindíín kót’áo yaa halne’ dóó yee haadzíí’ yiníziníí: “Adindíí nilį́į eíí Diyin God bits’ą́ądę́ę́’; dóó adindíín bee haslį̨́́į́’ dóó t’áá Diyind God yikéé’ yigááł, adindíín beehóóleeł; dóó yéego bits’dinídíín yilééł dóó nléí hadiłt’é bijį́įjį’.”6t’áá adindíín bich’į’ tsi’ízí shił yilwół gi’at’éego, yéégo íit’į́įgo, nihe’íina’ yiyí ayóó nihíká analwó’ doolééł. Tsénii’ bił nihóol’áadi at’éhi gi’at’ée, bee chána diidlééł, yéego íit’į́, nihił hóózyéél—ts’ída biniiyéii—Bí hinángii eíí ádziil bee nihił bééhódoozįįł.
Tá’ii, t’óó bahazóó chaháłheeł ndí, dóo bii’ hoot’į́į́, índa adindíín eíí dóo bigha’dóhta’ at’ée da ndi. Eldir Neil L. Andersen t’áa ániih yee na’neeztąą’: “Nihokáá’ nichǫ́’ii hoolééł, ak’éh hójilnį́į́go íi’sizį́į be’ádziil t’óó’ ahayóí. Nihokáá’ dine’é dadiyiníí yits’áhalzhood, Átaa’ dabiniziníí yá hast’éhoolaa, yee doołdziłíí yił chíyii’ááh, yił yit’į́ adéiile’, dóó hodiyin góne’ yikáhigíí ayóó yee dabídziil. Diyin Áyi’sizį́į baa daheesyáhii binahjį’ yéego adindíín bee bá hool’ín.”7
Shík’is dóó shílah, dóó t’áa sáhi t’óó nihi’ílnii’ da akǫ́ǫ́ nihokáá dine’é adéiinizin dóó díi gi’a’t’áo łahgo adádiilnííł daanǫ́ǫ, ndi iłhalą́ hólǫ́ǫ ndi nihí íiniidlą́. Nihí íi’sizį́ be’ádziil nihééhodooléełgo, adahódoonííł ha’nínii yisíilts’ą́ą́’, íi’sizį́į́ nihił íishją́ i’ííł’į́įgo baa akóniidzį́į́h, Diyin God bibee náhaz’ą́ąnii bik’éh dahóniil’į́, dóó nihił yit’į́ a’doolnííł hadiniit’íí’. Ła’ yidiiltsół. Nihí yee’ Yisda’iinííł be’ádindíín yidiiltsół, Jesus Christ bízhi’ binahjį’, áámen.