Te Maiu are akea Tokina—Te Ataa Tamara are i Karawa ao Natina, Iesu Kristo
Iroun Unimwaane Robert D. Hales
Man te Kooram n te Tengaun ma Uoman n Abotoro
Te Atua ao Kristo bon te Tama ao te Nati—rabwata aika maenako, a okoro, n onoti ake a ikotaki ni katiteuanaki n Aia kantaninga.
Angiin ririki aika nako e reke au tai ni kamwatebwaia kabanean aia kakoaua burabeti ni kaitira ni bong. Temanna ma temanna e kaota mwaakan ana koaua ibukin te Atua ao Natina, Iesu Kristo.
Ngke I tabe ni wareki kakoaua aikai—ao angina a tangirii n ririki aika bati—n tainako ao e riinga nanou n namakinna bwa korakorara tangiran Ana karimoa n nati ao e kanga ni kaota Ana tangira man Ana ongeaba nakon Ana kantaninga Tamana. I kakoaua bwa ngkana ti karaoa ae bon riai ni kinaia ma Aia tangira imarenaia, ti na karekei ni kabane ana bwaintangira te Atua ae te kabanea ni korakora ae te maiu are akea tokina.1 Ao aio te maiu are aki toki, te ataiko ae te Atua ae ti temanna ae koaua, ao Iesu Kristo, ae ko kanakomaia.”2
E na kanga n reke te bwaintangira aei bwa ara bwai? E roko rinanon te kaotioti ae onoti, are e a kaman tia n taekinaki ao n reiakinaki n te ingabong aei.
Ko uringa te moantai ae ko ataia bwa iai te Atua ao ni kona n namakina Ana tangira? Ngke te ataeinimwaane, I taneiai n taratara karawa ao n iangoia raoi ao n namakinna bwa e mena ikekei. I kukurei n neweabaa ana karikibwai te Atua aika titikiraoi mani kamiimi—mairouia maan aika kawakawa nakon aroka aika ririeta. Ngke I kinaa tikiraoin te aonaaba, I ataia bwa e tangirai te Tama are i Karawa. I ataia bwa Ana karikibwai ngai ni koaua n te tamnei, bwa ngaira ni kabane natin te Atua mwaane ao aine.
Ko na bae ni miimi bwa I kanga n ataa aei. E taekinaki ni booki aika tabu ibukiia tabeman a anganaki mairoun te Tamnei ae Raoiroi n ataia bwa Iesu Kristo bon natin te Atua, ao … ibukiia tabeman a anganaki bwa a na kakoauaki aia taeka bwa a na karekea naba te maiu ae akea tokina ngkana a teimatoa ni kakaonimaki.”3 Man au taratara, tiaki nanona bwa tabeman aomata a na katan iaan aia koaua tabeman n tainako.
Oin au koaua e rikirake ngke I reiakinna taekan Tamara are i Karawa ao te Tia Kamaiu man aia reirei ao aia koaua au karo, taan reirei, koroboki aika a tabu—ake I botumwaaka ni wareki— ao riki te Tamnei ae Raoiroi. Ngke I kamwakura te onimaki ao te ongotaeka nakon taian tua, te Tamnei ae raoiroi e kakoaua bwa te bwai are I reiakinna e bon koaua. Aei aron ataakina i bon irou.
N te waaki aei, ukoukoran te kaotioti ae onoti bon te kiing. Nibwaai e kaoira n tatabemaniira bwa kam na “kakukurei ngkami n ana taeka Kristo; bwa taraia, a na tuangko ana taeka Kristo bwaai aika ko riai ni karaoi.”4
Imwain au ka-waniua ni koron ririki, I kan ata riki taekan te bwabetito. I wareki koroboki aika a tabu ao I tataro. I reiakinna bwa N na karekea te bwaintangira n te Tamnei ae Raoiroi ngkana I kamatoaki. I moanna naba n ataia bwa te Atua ao Kristo bon te Tama ao te Nati—rabwata aika maenako, a okoro, n onoti ake a ikotaki ni katiteuanaki n Aia kantaninga. “Ti tangiri[ia], ibukina [a] tangiriira moa.”5 Ao n ae bati ni kaokiokaki I taraia bwa A kanga n itangitangiri ao ni kaai ni mwakuri ibukin kabwaiara. Ongora nakon tabeua booki aika tabu are a reireia te koaua aei:
N reireia taekan maiura imwaain te maiu aei, E kamatata te Tama are i Karawa ibukin Iesu Kristo n aron “Natina ae Tangiraki, are natina ae Tatangiraki ao n Rineaki mai moana.”6 Ngke e karika aonaaba te Tama, e karaoia mairoun [Ana] Rikitemanna” n Nati.7
Tinan Iesu. Maria, e tuangaki bwa e na karika “natina ae Moan te Rietata.”8 Ao ngke te rorobuaka n ataeinimwaane Iesu, E tuanga tinana bwa E riai “ni karaoa ana mwakuri Tamana”9 Ririki ake imwina, ngke e a bwabetitoaki te Tia Kamaiu, e taetae te Tama are i Karawa mai karawa, ni kangai, “Natiu ae tangiraki teuaei, ae I kakatonga Irouna.”10
N reireiniia Ana reirei bwa a na tataro, E taekin taeka aikai Iesu:
“Tamara are i Karawa, E na tabuaki aram.
“E na roko ueam. E na tauaki am taeka i aonaaba, n ai aron tauana i karawa.”11
E reireina Nikotemo, “B’a E tangiri’a aomata te Atua n te aro are E anga Natina ae te rikitemanna iai.”12 Ao E kamatatai ana kakai man taku, “B’a E aki kona te mwakuri teuana te Nati i bon Irouna, ma ti are E noria ba E karaoia te Tama, ao E karaoia te Nati n te aro naba anne.”13
Ngke e nang roko tain te Mwakuri ni Kamaiu, e tataro Iesu, ni kangai: “Tamau, e a roko te aua. … I a tia n neboiko iaon te aba: I kabanea te mwakuri are ko anganai bwa N na karaoia.”14 Ngkanne, ngkai e a bwakaria rawawatan ara bure, E bubuti, “Tamau ngkana tao e konaki, ao e na nako mai Irou te mangko aei: ma akea au taeka, ma bon ane Iroum.”15 N ana kabanea n tai iaon te kaibangaki, e tataro Iesu, “Tamau, Ko na kabara aia bure; ba a aki ata ae a karaoia” ao e taetae n takarua, “Tamau, I kaki tamneiu inanon baim.”16
E a nako ngkanne ni kawariia tamnei ake a tia ni mate, n te aonaaba n tamnei, n “anganiia te mwaaka bwa a na teirake, imwiin mangautina man te mate, n rin n abanuean Tamana.”17 Imwiin mangautin te Tia Kamaiu, E kaoti nakon Maria te I-Mwaketara, ni kangai, “I rierake nakon Tamau ao nakon Tamami.”18
Ngke e kaoti nakoia aomata iaon Amerika, E kabwarabwara Tamana ni kangai, “Nooria natiu ae Moan te Tangiraki, are I kakatonga irouna, are e a tia ni mimitong arau irouna.”19, Ngke e kamangoria Iesu ibuakoia aomata inanon te tembora, E kabwarabwara ni kangai: “Nooria, bon Iesu Kristo Ngai. … E a tia … ni mimitong te Tama irou ngke I katoka iaou buren aonaaba.”20 Ngke E reireia ana tua, E kamatata: I forgot to delete English...I just added the word “inanon te tembora” in the third paragraph.
“Bon ana reirei te Tama ae anganaki; ao N na taekina koauan te Tama, ao te Tama e taekina koauau.”21
“E koaua … bon ti teuana ngai ma te Tama.”22
Ti kona n noora te baeten ni booki aika tabu aikai are a kakoaua te Tama ao te nati bwa rabwata aika maenako man onoti? Ni kanga, ngkanne, bon ti teuana ngaiia? Tiaki ibukin ae aomata aika ti te arona ma ibukina ae a katiteuanaki n aia kantaninga, titebo aia anganano ni uota te aki mamate ao te maiu ae akea tokina nakoia aomata.”23
Iesu bon te Atua, ma E kaota kaokoron rabwatana ae maenako, n onoti n ana tataro nakon Tamana ao ngke e taku bwa E karaoa Ana mwakuri Tamana. N ana mwakuri ibuakoia Nibwaite, E bubuti, “Tamau, I aki tataro ibukin te aonaaba,ma ibukiia ake ko a tia n anganai man te aonaaba, … bwa I aonga ni mena irouia n arom, Tamau, ngkai ko mena irou, bwa ti aonga ni katiteuanaki, bwa n Na neboaki irouia.”24
Uringakin aei, ti aki miimi bwa Kaokan te euangkerio e moanaki man tiaki taraakin ae temanna ma rabwata aika uoua aika mimitong. Man ana Moan Kaotioti, E kakoaua te Burabeti Iotebwa Timiti bwa: “Temanna mai irouia E taetae nakoina, e weteia n arana ao e taku, ni kotea are temanna—Aio Natiu ae Tangiraki. Ongo Irouna!”25
Te burabeti ae kairake, are e nako n te buakonikai bwa e na kakaae bwa e nga te aro ae e na kaainna, ma ana onimaki ae aki nanokokoraki ao e roko ma ana atatai ao ana kakoaua ibukin te Atua ae ti temanna ae koaua ao Iesu Kristo, are e kanakomaia te Atua. Iotebwa, n ai aroia burabeti ake imwaaina, bon te bwai ni mwakuri ibukin kaokan te rabakau nakon te aonaaba are e na kairii ngkami nakon te maiu are akea tokina.
Ko kona naba n ukoukora Tamara are i Karawa ao “Iesu aio are a korea rongorongona burabeti ma abotoro”26 ni booki aika tabu ao n te maungatabu ni kabuta. Ngkai ko ukoukora te kaotioti ae onoti—oin am kaotioti—ko na kunea bwa e a tia te Tama are i Karawa ni katauraoa te kawai ae onoti ibukim n ataa te koaua i bon iroum: rinanin te kateniman n Atu n Atua, n rabwatana ae te tamnei ae ti ataia bwa te Tamnei ae Raoiroi. There should be no space after the the highlighted M dash.
“Ao ngkana a reke bwaai aikai iroumi”—n raonaki ma are I tibwaia n te tai aei—“I kaungai nanomi bwa kam na butiia te Atua, te Tama ae aka Tokina, n aran Kristo ngkana arona bwa a koaua bwaai aikai; ao ngkana arona bwa kam bubuti ma te nano ae koaua ma nanomi raoi, ao onimaki iroun Kisto, e na bon kaota te koaua nakoimi, ni mwaakan te Tamnei ae Raoiroi.
“Ao ma ni mwaakan te Tamnei are e Raoiroi ao kam na kona n atai koauan bwaai ni kabane.”27
Tariu ao mwaaneu, I kakoaua bwa Tamara are i Karawa e tangiriira bwa ti na ukoukora rabakauna ngkai. Ana taeka te burabeti ae Ereman e tang man te bubu: “Uringnga, uringnga bwa bon iaon te bwa are ara Tia Kaboomwi, are Kristo, natin te Atua, are kam na riai n katea iai ami … , aan te kateitei are ngkana aomata a kateitei iaona ao aki kona ni bwaka.”28Ni koauana, ti aki kona ni bwaka.
Aan te kateitei ae koaua anne bon Iesu Kristo. Bon Ngaia “te Bwaa mai Karawa.”29 Ngkana ti katea ara auti Iaona, karaun boong aika kaitira a na ruo ni mangori, e na roko te ieka, ao e na kare te ang, ma ti na aki bwaka. Ti na aki konaaki bwa mweengara ma ara utu a kateaki iaon Kristo.30
I kakoaua bwa te mweenga n aron anne bon te “auti ae mimitong.”31 Ikanne ti ikotaki ni kabane n tataro nakon Tamara are i Karawa n aran Iesu Kristo, Natina ae Tangiraki. Ikanne ti neboiia ao ni kaitauiia. Ikanne ti karekea te Tamnei ae Raoiroi ao “te berita are [E angan[iira] ibukin te maiu are akea tokina, are mimitongin te abanuea are te teretio.”32 there should be a space aftere the highlighted word “ao”
I kaota au koaua bwa Iesu Kristo bon ara Tia Kamaiu, bwa E maiu, bwa Tamara ae akea tokina e tangiriira ao e tararuaira, bwa iai ara burabeti ni kaitira ni bong—n aron Beretitenti Thomas S. Monson—ni kairiira ao ni kawakiniira. E kaota koauan aei te Tamnei ae Raoiroi nakoia ake a nako ao n ukoukora te rabakau. N aran Iesu Kristo, amen.